قصة القلطة للجبلان ... قصة ومعلومة مهمة

الله يبيض وجهك ياطلال
اشكرك على التوضيح الطيب وااافي ياطلال
ولاهننننننننننننننننننننت

اقتباس:
المشاركة الأصلية كتبت بواسطة طلال بن حلبيد
(( القلطه للجبلان ))

يقول اول لا غزوا مطير بحرب اول ما يكون في الصفوف الاولى الى الجبلان واول من يبدي الحرب هم الجبلان , , ,
وتكون القلطه للجبلان اما بحرب او فرح وناسه مثل العرضه اول من يقلط هم الجبلان و الجبلان هم الي يبدون بكل شي اما فرح او حرب , , ,
يكونون بالصف الاول هم فقط ويقول انها غصب القلطه للجبلان , , , يعني من شروطهم وهذا يدل علي الشجاعه الي فيهم , , ,
اما علي قصه (( الدحمليه بنت الدويش )) فقصتها كانت :
ان قبيله قحطان كانت غازيه مطير ويوم غزوهم جوا للدحمليه واسلبوا عباتها
ويوم ردوا يبون ياخذون حقهم ويردون لقحطان قالت الدحمليه ما يرد عباتي الي الجبلان وهي اتقول للدويش كز للجبلان , , , وكانوا الجبلان لأجين يم عنزه ((25 سنه)) يوم يذبح واحد من الدوشان وهو(( دليبح من الجبلان )) وردوا الجبلان ويذبحون اثنين من الدوشان وهذا سبب لجوئهم الي عنزه (( 25 سنه ))
ويروح الدويش ويكز الدحمليه للجبلان ويردون عليه ربعه لا تدزه للجبلان لا تدزها للجبلان لكن الدحمليه راحت للجبلان وهم يفزون الجبلان وتنطح الدحمليه غنيم بن شبلان وكان لابس درعه الدرع يوصل لركبه وطاسه علي راسه يحيمه ويقول ان السيف والرمح والشلفا ما يحس فيها , , الوكاد وهي تنطحه وهي اتخطف رجله تبي اتحبها وهو يردها يقول يا بنت الدويش لا اتحبين رجلي ابعدي وهي اتقول تكفى يا غنيم لا اتخلي قحطان يسلبون مثل الحرب الي مضت , , وهو يرد يقول يا بنت الدويش دامي علي ظهرها (( ويقصد فرسه )) والله ما يسلبونج ام اني طحت من ظهرها فهذا الي الله قدره , ,وهم يروحون للحرب مع الدويش والموهه علي قحطان وهم يرددون رجال مطير القلطه للجبلان القلطه للجبلان وهذي من شروط الجبلان بالحرب, , وهي اتروح الدحمليه واتهلل اتشجع الفرسان وهي اتقوم الحرب ويردون عباتها الجبلان , , ويوم اخلصت الحرب الي احد من مطيرجابوا بنت امير قحطان ماني ذاكر اسمها لكن اخذوها ويجيبونها للدحمليه ويقولوها اسلبيها نفس ما اسلوبوج قحطان وهي اتقول لاا كزوها لغنيم وهو يسلبها ويجبيونها عند غنيم وهو يرد يقول يا بنت الدويش حنا ما نسلب الحريم وهم يردونها للدحمليه واتقول دام الجبلان ما يسلبون الحريم أجل حنا ما نسلب الحريم ويهدونها , , ويقولون بالحرب كان الدم من راس الظلع الي اخره والدم يمشي , ,
وفيها كتب عجيل العازمي الي كان مع المحمد من الدوشان والدوشان ينقسمون الفيصل والمحمد لكن الاماره كانت للفيصل وهذول بني عمهم كلهم من الدوشان , , ,ويقصد عجيل اربع بيات يوصف فعل غنيم ويوصف الحرب لكن للاسف ماني حافظ القصيده , , ,
ومنها يقولون ان القلطه للجبلان اما بفرح او حرب وهذا من شجاعة الجبلان اول

عسى اني وفيت ورديت الرد الي تبونه واسمحولي اني ما ذكرت السالفه بالتفصيل وبالقصيد لكني كتبت الي حفظت وعسى اني وفيت . . .

تقبلي مروري ولكي جزيل الشكر من هذا الموضوع حتى يستفيد منها باقي الاعضاء , , ,
(( طلال بن حلبيد ))



لاهنت . . . سبقتني على نقل القصه بارك الله فيك < < <انا استاذنكم بنقل قصه (( القلطه للجبلان )) انزله بقسم مجلس تاريخ الجبلان , , ,

ياسلام عليك ياطلال ...
ولايهونون الأخوان ..
بس الظاهر ان اول ماانقالت في هالموقف (جابها فلاح الحصيني جعله يحيا)..
بس انت ذكرتها بتفاصل جميله جداً تدعوا للفخر..
بارك الله فيك وماقصرت ..
الظاهر انكم ابلشتوا الشايب بالنشده ..
بس اكيد انه مبسوط ترى الشياب يفرحون لانشدتوهم عن علوم الجبلان يتنومسون لاقاموا يسولفون عن الأولين..
هم ثروة التاريخ عسى الله يعافيهم ويطول بعمارهم ..
والله انه تاريخ يدعوا للفخر ..
وياليت اللي عنده اضافه او تلعيق يتفضل ..
بصراحه مفتخره فيكم حيل ..
ماتوقعت كل هالمشاركات الطيبه ..
عسى الله يطيب اعمالكم ونياتكم عند رب العالمين ..
مع ان بعض الأسماء قـــــــــــــــربوا بس ماقلطوا ..؟؟
الظاهر يبونها ختاميه ..
ماعليه لهم مني 70 عذر ..
او انهم شافوا انكم كفيتوا ووفيتوا ..
شاكره لك ياطلال جهدك الطيب وهالقصه الجميله اللي ذكرتها بكل تفاصيلها عشان تتوثق بهالقسم..
ماقصرت عسى الله مايقصر بأيامك ..

دمت بحب الله وحفظه..
(*قمــــرهم*)

بارك الله فيك يافهد ..
على هالمرور الطيب ..
لاهنت ..

دمت بحب الله وحفظه..
(*قمــــرهم*)

هلاااااابك يامحمد ..

بس لو قدمت شوي ...؟
كان سبقت طلال ..
الظاهر صج اذيتوا الشايب بالنشده ..
بارك الله فيك ..
لاهنت على هالمرور الطيب ..
وتحت امرك بكل مابغيت طال عمرك ..

دمت بحب الله وحفظه..
(*قمــــرهم*)

ههههههههههه
لا اتخافين انا يوم سئلت هو مستانس يقول يعجبني الرجال الي يحرص علي قصص الاولين , , ,
وهو مشالله عليه يحب يسولف هالسوالف يستانس , , ,

اقتباس: المشاركة الأصلية كتبت بواسطة طلال بن حلبيد     ههههههههههه لا اتخافين انا يوم سئلت هو مستانس يقول يعجبني الرجال الي يحرص علي قصص الاولين , , , وهو مشالله عليه يحب يسولف هالسوالف يستانس , , ,

ههههههههههه
اجل ماقلت له قمرهم في منتدى الجبلان تسأل ..؟؟
توقعت تعلمه ..>>كنها قويه

قواك الله ياطلال ..
وشاكره لك من كل قلبي على السرعه بالرد ..
وسرد هالقصه الجميله لنا ..
وصدقت الشياب يفرحون بعلوم الأولين
خصوصا اذا السؤال جا من الشباب
ودهم يسردون التاريخ كله
لأن الشباب هم من يحفظ التاريخ لأجيال قادمه ..

دمت بحب الله وحفظه..
(*قمــــرهم*)

ياجماعه اسعد الله مساكم

ونعم بمطير عامه

ولكن مايجوز المبالغه في الامور التاريخيه

القلطه على قول صاحب الموضوع لم تحضر في غزوات مطير سوى مرتين مع الجبلان

الاولى في كون الدحمليه ويسمى اوراط وكان الشيخ غنيم ابن شبلان هو صاحب القلطه في المعركه في جميع تفاصيلها

والثانيه كانت في معركه جو مناخ ايضا على الشيخ غنيم بن شبلان عندما قابل شيخ الدهامشه وطرده من الصمان

ولم ياتي بعدها اي قلطه او غيره وهذا ليس قلطه للجبلان ولكن قلطه لعلوى كامله لانها مبارزة

علوى لم يذكر انهم غزو بااكملهم الجبلان يغزون في مكان والصهيه في مكان الا في حاله ان شيخ القبيله يطلبهم منهم الحضور لمعركه وليس غزوة

والجبلان تتفرع من علوى وعلوى مطير وكلهم عينان في راس واحد

والمبالغه تعذب امواتنا في قبورهم

وشكرا

اخي الكريم كلك نظر ..

ارى انك تملك من المعلومات التاريخيه الكثير ونتمنى ان نستفيد منك بسرد هذه القصص هنا في منتدى الجبلان ..
ومعك في ان المبالغه لاتجوز ..
ولكن سؤالي كان واضح متى قيلت هذه الجمله واللي عرفته انها قيلت في قصة الدحمليه مع العلم اني اعرف قصتها ولكن لم اكن اعلم ان هذه الجمله قيلت بهذه المناسبه واللي اعرفه ان القلطه بهذه القصه بالذات كانت شرط لعودة الجبلان ..
وبكل حال ..
الجبلان والموهه هم عروق مطير وهذي مافيها شك واي فخر تجنيه عروق القبيله هو فخر القبيله واساسها وقد اوضحت في بداية الموضوع انه سيكون هناك اختلاف في وجهات النظر ..
ولاتنسى ان القصه قديمه وتناقلها الأجيال وقد يختلف النقل من شخص لآخر ..
فلذالك نوهة في بداية الموضوع ..
كل الشكر لك اخي الكريم واتمنى ان تمدنا بما لديك من معلومات تاريخيه نفخر بها
وبأنها تنتسب لمطير بشكل عام ..
بارك الله فيك ..

دمت بحب الله وحفظه..
(*قمــــرهم*)

سلطان الجبلي ..

بارك الله فيك واصبت الهدف بمرماه الصحيح ..
مع انك لم تذكر تفاصيل القصص بس جبت الهدف المراد اقتناصه ..
مرورٌ رائع وحظورٌ مشرف ..
وفقك الله لما يحبه ويرضاه ..

دمت بحب الله وحفظه..
(*قمــــرهم*)