قمرهم


فديتج ...... يمكن اعرف قصص بسيطه عن تاريخ الجبلان او مطير عموما
لكن ما احب ادقق حيل بهالشغلات..ولو تشوفيني مو مبين علي لا هذي ولاهذي..
عايشه عمري ولاعلي من احد:)
احب اسمع ساعات .. بس مو هاجسي دايم

وشكلي بتبع معاج بهالقصه:)

ابشري بالي يجيب القصه باجر بإذن الله , , ,
انا بسبق محمد ولد عمي لجدي واسئله عساني اسبقه علي كسب المعلومه :)
تقبلي مروري ولكي خالص التحيه , , ,

اقتباس:
المشاركة الأصلية كتبت بواسطة (*قمرهم كلهم*) http://www.aljblan.com/vb/dc.net.sa-...s/viewpost.gif


شاب ضوه ..

شاكره لك جمال المرور ..
بس لاهنت مافهمت شقتصد ..؟؟
تقريبا ذكرت روايتين ..
الأولى مثل ماتفضل به اخي فلاح الحصيني ..
والثانيه ان شيوخ القبايل يلعبون للحرب ..
وان الجبلان يلعبون لمطير ..
وهم ماهم شيوخ مطير ..
هل مافهمته صحيح ..؟
ام لديك توضيح وتعقيب على ماذكرته ..؟؟

دمت بحب الله وحفظه ..
(*قمرهم*)

(( القلطه للجبلان ))

يقول اول لا غزوا مطير بحرب اول ما يكون في الصفوف الاولى الى الجبلان واول من يبدي الحرب هم الجبلان , , ,
وتكون القلطه للجبلان اما بحرب او فرح وناسه مثل العرضه اول من يقلط هم الجبلان و الجبلان هم الي يبدون بكل شي اما فرح او حرب , , ,
يكونون بالصف الاول هم فقط ويقول انها غصب القلطه للجبلان , , , يعني من شروطهم وهذا يدل علي الشجاعه الي فيهم , , ,
اما علي قصه (( الدحمليه بنت الدويش )) فقصتها كانت :
ان قبيله قحطان كانت غازيه مطير ويوم غزوهم جوا للدحمليه واسلبوا عباتها
ويوم ردوا يبون ياخذون حقهم ويردون لقحطان قالت الدحمليه ما يرد عباتي الي الجبلان وهي اتقول للدويش كز للجبلان , , , وكانوا الجبلان لأجين يم عنزه ((25 سنه)) يوم يذبح واحد من الدوشان وهو(( دليبح من الجبلان )) وردوا الجبلان ويذبحون اثنين من الدوشان وهذا سبب لجوئهم الي عنزه (( 25 سنه ))
ويروح الدويش ويكز الدحمليه للجبلان ويردون عليه ربعه لا تدزه للجبلان لا تدزها للجبلان لكن الدحمليه راحت للجبلان وهم يفزون الجبلان وتنطح الدحمليه غنيم بن شبلان وكان لابس درعه الدرع يوصل لركبه وطاسه علي راسه يحيمه ويقول ان السيف والرمح والشلفا ما يحس فيها , , الوكاد وهي تنطحه وهي اتخطف رجله تبي اتحبها وهو يردها يقول يا بنت الدويش لا اتحبين رجلي ابعدي وهي اتقول تكفى يا غنيم لا اتخلي قحطان يسلبوني مثل الحرب الي مضت , , وهو يرد يقول يا بنت الدويش دامي علي ظهرها (( ويقصد فرسه )) والله ما يسلبونج ام اني طحت من ظهرها فهذا الي الله قدره , ,وهم يروحون للحرب مع الدويش والموهه علي قحطان وهم يرددون رجال مطير القلطه للجبلان القلطه للجبلان وهذي من شروط الجبلان بالحرب, , وهي اتروح الدحمليه واتهلل اتشجع الفرسان وهي اتقوم الحرب ويردون عباتها الجبلان , , ويوم اخلصت الحرب الي احد من مطير جابوا بنت امير قحطان ماني ذاكر اسمها لكن اخذوها ويجيبونها للدحمليه ويقولوها اسلبيها نفس ما اسلوبوج قحطان وهي اتقول لا كزوها لغنيم وهو يسلبها ويجبيونها عند غنيم وهو يرد يقول: يا بنت الدويش حنا ما نسلب الحريم وهم يردونها للدحمليه واتقول دام الجبلان ما يسلبون الحريم أجل حنا ما نسلب الحريم ويهدونها , , ويقولون بالحرب كان الدم من راس الظلع الي اخره والدم يمشي , ,
وفيها كتب عجيل العازمي الي كان مع المحمد من الدوشان والدوشان ينقسمون الفيصل والمحمد لكن الاماره كانت للفيصل وهذول بني عمهم كلهم من الدوشان , , ,ويقصد عجيل اربع بيات يوصف فعل غنيم ويوصف الحرب لكن للاسف ماني حافظ القصيده , , ,
ومنها يقولون ان القلطه للجبلان اما بفرح او حرب وهذا من شجاعة الجبلان اول

عسى اني وفيت ورديت الرد الي تبونه واسمحولي اني ما ذكرت السالفه بالتفصيل وبالقصيد لكني كتبت الي حفظت وعسى اني وفيت . . .

تقبلي مروري ولكي جزيل الشكر من هذا الموضوع حتى يستفيد منها باقي الاعضاء , , ,
(( طلال بن حلبيد ))