اقتباس: المشاركة الأصلية كتبت بواسطة عبدالله السالم     القصيدة رقم ( 14 ) بسم الله الواهب جزيـل المواهـب الواحـد المعبـود رب الـوجـودي إلهنـا لا غيـر فـي إلهنـا خيـر إلهنـا و إلـه كــل إمعـبـودي رب البشر والجـن والليـل لاجـن عليه عظـم الكـون كلـه يعـودي العالم بما كان وإن لـم يكـن كـان سبحانـه العالـم عليـم السـدودي الهادي الرحمن لأصحاب الإيمـان القادرالجـبـار فيـمـا يـكـودي بأمره تسوق الريح مزنن مراويـح لأشعل سنا البارق هزيم الرعـودي وأنا بعد شعّال فـي مرقبـن عـال ألوح لوح البرق وأثبـت وجـودي باسم الله البـادي بديـت المبـادي وأثلجت في صدري عظيـم اللهودي في غاية التعبير صغـت التعابيـر من هاجسن فكره وسيـع الحـدودي نظراته إمصيبة والأفضل نصيبـه يـارد ينابيـع المعـرفـة ورودي يكمل جميع إنجاز بإسلوب وإعجاز تكريم من يبنـي عليـه الجهـودي وإنجازه الحاضر بحمـر النواظـر ما يدفـن التالـي قديـم العهـودي لو يكتفي من جاد في وصف الأمجاد فأمجاد حمـران النواظـر تـزودي مواقف التشريف من غير تحريـف عجايب التاريـخ مـاض العقـودي يوم الزمن ماعاش من لوعتـه لاش من واقـع أيامـه لياليـه سـودي لولا الكرم ومطير ما يشبع الطيـر لا جا نهارن فيـه قـدح الزنـودي فيهم ملاك السرج والموقف الحـرج إليا إعتلى صهوة جـواده يجـودي وكل القبايـل بالعصـور الأوايـل متوارثين المجد رغـم الضهـودي كلـن خـذا حقـه ومـا يستحقـه ومن دون حق مطير كلـن يـذودي أهل الرمك والجيش رويا المعاطيش ريف الخوي سقم العـدو اللـدودي إليا أرعدو بالصوت ورادة المـوت أفعالهـم دايـم تـبـل الكـبـودي لو ابرهه والفيـل جوهـم جحافيـل شفت الحبش مثل الهشيم إمحصودي رماحهـم سجيـل روس الرياجيـل أشطـان بيـرن يـاردن العـدودي أيام وقتـن زل والفعـل الأجـزل يلقى علـى مـر الليالـي شهـودي لو إن بعض الناس ما عنده إحساس كنه على بعض الأمور إمحـدودي ماله عن الماضي ولا هو براضـي ألاّ أنهّا ترضـى عليـك اليهـودي حيّن بعـد موتـه تعالـى بصوتـه سبحان من يحيي رميـم اللحـودي رب النبي صالح بيديـه المصالـح والمعجزة ناقة والأحمـر ثمـودي وابن آدم لسانـه مكانـة حصانـه إن كان ما صانه يخون الوعـودي يقولهـا مـن شـد للمجـد وأنشـد مثايلـن كيانـعـات الــورودي من لابة في نجد ما تنقـص المجـد أولاد علـي مبعثريـن الحشـودي في موريات القدح تستاهـل المـدح إليا إعتزوا من فوقهـن بالجـدودي أهل الصعب والكـود ودروع داؤود مروين حـد مصقـلات الحـدودي حق وحقيقة ناس بحـدود وقيـاس وقفـة شثيلـي ِ يحـل العـقـودي أفخربهم وأعتز من غيـر مأهتـز لو هز ضلع طويق ذعـذاع نـودي وصلوا على الهادي رسول العبادي عد المطر وإعداد رمـل النفـودي

صح لسان الشاعر وانا حبيت اقيم القصايد بدون تعليق

لكن النسبه تبين وجهة نظري وتقييم القصيده فقط

75 %

اقتباس: المشاركة الأصلية كتبت بواسطة عبدالله السالم     القصيدة رقم ( 15 ) ياهاجسي حضر لنا عـذب الالحـان في ماقفن تشتد بـه كـل الاذهـان ابيوت شعرن مـن قراهـا حفظهـا تبقا براس المستمع مـر الازمـان ندّر عديمت وصف محـدن كتبهـا تنعّد لاعـدت ابيوتـن لهـا شـان فرايـدن عذبـه ومعنـن حـواهـا مثل الذهب تصرف وفي غال الاثمان والشعر حبك وسبك منطق وتعبيـر وابيوت موزونـه ومعنـا وقيفـان ماكـل شاعـر لاتعـزوا يجـيـده لوه يجر الصوت في كـل الاحيـان ياقل من صاغـه وحشّـم ابيوتـه وياكثر من دهوره نقصان نقصـان احدن ورا الشهـره يتعـب اركابـه وتبثه الشاشه علـى كيـف ماكـان وانا ليا مـن جبـت بيتـه واعـده كالسلسبيل وياتـي البيـت مليـان احبه نظمـه مـن قديـم الزمانـي واصخره في مدح ذربيـن الايمـان

صح لسان الشاعر وانا حبيت اقيم القصايد بدون تعليق

لكن النسبه تبين وجهة نظري وتقييم القصيده فقط

60 %

اقتباس: المشاركة الأصلية كتبت بواسطة عبدالله السالم     القصيدة رقم ( 1 ) الوقت بيّن هوان الروس والطيب يرفع مقام الراس واللبس ما يرفع الملبوس والطيب ما يتضح بإلباس وشهي الذيابه بليا ضروس تنداس من ضعفها .. تنداس الطيب مايندرس بدروس والعرق ياصاحبي دساس لا تتبع لو تجيك انفوس منهو يجمع حطام الكاس كان الكرم يشترى بفلوس اشره ولاتعلن الإفلاس العز حبلن غدا ممسوس والمرتخي دايمن منداس ماحط يدّي بخشم الموس لو كان من قدمها الالماس والضرس يذبحه كثر السوس مثل الردا لا انتشر بالناس لا تنحني ثم يجيك الدوس ولا يجتمع هم مع وسواس

صح السان الشاعر نشكره على اجتهاده ..
مع ملاحظة على بعض الابيات
التقييم
45%

اقتباس: المشاركة الأصلية كتبت بواسطة عبدالله السالم     القصيدة رقم ( 2 ) نوعها مثلث قطرب وهي من بحور الشعر الفصيح واول من كتبها نبطي ناصر الفراعنه هذا اللي اعرفه القصيدة عباره عن رديه بيني وبين شلفا امتلكها تعطيني الغاز وشقر وانا احلها وراح أميَز كلامالشلفا عن كلامي بسم الله البدايه عند الشلفا الشلفا - الشايب أورث له ولد.. نبته تعلاه السعد.. يا جعل عينك للرمد.. إنقض وانا أدري بك فطين الشاعر- شلفاي ضربك من همم.. صبك بقوماني حمم.. يا جعل تخلفني قمم.. إن ما غدى ضربك طحين اللحين بداية الالغاز والشقر الجوف أخفى ماكره.. والبيض ماجا ماكره.. والشهم تارك ماكره.. حيَا على الصبح المبين الاوله خبث النفوس.. الثانيه راقي دسوس.. الثالثه عزَه طقوس.. أقفي يا نفس تكرهين مرخي مناكب ياحمل.. وداعته تزها الحمل.. صلبه نتايج هالحمل.. بين الترايب هالمهين الأوله شيل البعير.. الثانيه خلق العبير.. الثالثه طفل صغير.. روحه تجيه بأربعين يا وين شفته لا غدا.. عايف عوا جسمه غدا.. كنه بهقواته غدا.. ذيب يدور له سمين الأوله دربه ضياع.. الثانيه نخوة جياع.. الثالثه إن إستطاع.. يحط عين بجوف عين يا كيف سطره قد حشا.. والنار بأخشاب الحشا..لا لا ولا لا لا حشا.. ما تكسر الحس المتين الأوله سب ودفان.. الثانيه حضن وحنان.. الثالثه حلف العنان.. إقروم منه تستبين أبعد وفي قربه بصر.. وإن كان في بعده بصر.. ما ظني في رايه بصر.. يومه فتق جرح مكين الأوله شحم درى.. الثانيه راي سرى.. الثالثه كيف جرى.. يا حساب ديني للمدين من قل قلَه بالعمل.. تدري وأدري وش عمل..كنه مسوي لي عمل.. يا فاتحه له تنقضين الأوله فاتح يدك.. الثانيه فعل يدكَ.. الثالثه سحر إبعدك.. فكه يوم أنخاه المعين في درب زاغت فيه ياه.. إن كان حسه ياه ياه.. لا ينفعه بالأسم ياه.. لا من قفى شور الرزين الأوله وجهة مضيع.. الثانيه حسرة سريع.. الثالثه ام الرضيع.. إن صحت ما تنفعك وين شد الحزام بكل حيل.. إن كان ضربك شبه حيل.. إحرم على الأفواه حيل.. العز فالنصر المبين الأوله قوة بدن.. الثانيه حر طمن.. الثالثه خف ومتن.. بمراحها يربض قرين في عالياتك دوم راع.. زلة لسانك دوم راع.. لحامل إسمك دوم راع..العليا للي معتلين الأوله يا بعيد شوف.. الثانيه قضبة حروف.. الثالثه نسلك تروف.. إتحفظه تفسير دين القمه عاليها هوا.. من زلة أقدامه هوا.. رح خبر اللي قد هوا.. بانت مواريه الدفين الأوله شم النسم.. الثانيه طيحة جسم.. الثالثه عشق قسم.. قلب تخاطفه اليدين إن شفت مشراق ضوى.. من تحت ألويته ضوى.. يا حر قلبي لا ضوى.. منه وحاله صار شين الأوله شمس تشع.. الثانيه جند تبع.. الثالثه نار الجزع.. من خوف فقدان الحنين ما بين أوصال الرحم.. يظهر من اللحمه رحم.. يا حظ منهو من رحم.. والرب يرحم راحمين الأوله عورة نسا.. الثانيه عرق دسا.. الثالثه قله عسا.. حبيب رب العالمين ثمرك تخلله النوا.. والآدمي في ما نوا.. إن جيت في دربك نوا.. سلَم على سود الجبين الأوله فصم التمر.. الثانيه خافي الأمر.. الثالثه كاره عمر.. داره وجدانه سنين من يرقب النجمات كل.. الضيف سمع إذنه كل.. من شاف نفسه فيه كل.. الناس فيه مسلحين الأوله شوف التعب.. الثانيه طيب وأدب.. الثالثه واحد نصب.. نفسه على هالمسلمين الناس لا جاتك سوا.. والأمر ما به ما سوا.. الحق إقضي به سوا.. إن كان رافضه الثنين الأوله درب جمع.. الثانيه قلَة نفع.. الثالثه كلمة ردع.. تغيير في علم ثمين لاهنت يا راع الحدا.. إن كان صوتك بي شدا.. مذخور حدي للعدا.. لطَام جور المعتدين شلفاي جعلك لي ذخر.. جبتي تعاجيزك صخر.. حلَيتها كلي فخر.. والعاقبه للمتقين

نشكر الشاعر على اجتهاده ...
ولكنه بهذا الطرح يغرد خارج السرب .. الشعر النبطي معروف طرقه ووزنه لدى الجميع .. والشعر الفصيح معروف كذالك ...
مثلث قطرب من الشعر الفصيح .. لو اجتهد بعض الشعار بنطقة نبطياً لكنه لايعتبر من الشعر النبطي ..

اقتباس: المشاركة الأصلية كتبت بواسطة عبدالله السالم     القصيدة رقم ( 3 ) ((أغتنم فرصتك)) لا تقولون السبب كثـرت أسرافـي جعلها فـدوة ضيوفـي وواجبهـا الكرامه مالحقـت قيمـة اللافـي وكانهـا تخريـب والله لخربـهـا نذر منـي كـل ماجانـي اسنافـي لو يدي شحت عن الضيف لقصبها الضعافه عيب فـي كـل ميقافـي والشواوي ماغتنت مـن جلايبهـا والكرم مايصرفـه كـل صرافـي جـل مـن يعـط الاوادم وهايبهـا لي ضميرٍ حـي يافـي ويستافـي والحقايـق شمسهـا مايغيبـهـا الكرم مغـزاي والعـز مشرافـي وقـل دنيـا هامتـي مايعيبـهـا عوجت الارقاب بالـذود تنشافـي وأكثر زحول العرب مـن حبايبهـا وإن لقيت الذود بالعـج والسافـي قلت هبـي ياهبايـب جبـال أبهـا نظرتـي قـدام ماترجـع أخلافـي والقناعـه كنـز وتعـز صاحبهـا دام راسي حي والجسـم متعافـي الدراهم حالف إنـي مـا حسبهـا لأجل كلمة نعم تضفي على أوصافي كـل ماهبـت بذكـري هبايبـهـا سمعتي بالطيب من بين الاشرافـي عندي أغلا من الدراهم ومنصبهـا واليميـن الوافيـه مدهـا وافـي ماقصرهـا جـور وقـتٍ يعذبهـا والعلوم الغانمـه عـز والحافـي لأ جلها حمـر العمايـم نعصبهـا سنة الاجداد يـوم الزمـن جافـي سـود الله وجـه رجـلٍ يجنبهـا ودي أعلمـك ياحضـرة الغـافـي قيمـة الحيـه وقيمـة شواربهـا ياكثير الهرج لـو كنـت عرافـي كـان هقـوات العـرب ماتخيبهـا حط الأسهم فوق مشروع الأعلافي وأعـرف الارزاق بيديـن كاتبهـا وإن رجع لك ربحها كثرها صافـي عقب اللي يطلبك مـن مكاسبهـا وأنت ياللي فاهمٍ ماحـوى قافـي فتنـة الدنيـا بـلا لا بليـت أبهـا لاتروح علومك اربـاع وأنصافـي اكرم الضيفـان وامـدح بغايبهـا الرواتب ماشيـه والأمـن ضافـي أغتنم فرصتـك والنفـس هذبهـا لا أنت لا جايع ولا ماشـيٍ حافـي طيب وعيالك على الطيـب دربهـا واكمل الواجب ولا تبحـث الخافـي كشفت الخافي ماتحمـد عواقبهـا وإن طرحك الله على خملة الوافـي معك أمانه لأجـل فعلـه تجنبهـا الصداقـه دون ميثـاق تنعـافـي بكـره اتعـذربـك ولا تعذربـهـا وأهل النمـه خفافيـش وضعافـي لو يجون بكلمـة الصـدق كذبهـا والسنين اطوال وسمان وعجافـي لو فرحنـا أبهـا مانامـن تقلبهـا وإن غزتنا همومها تهرف أهرافي بالصبر وبطاعـة الـرب نغلبهـا

صح السان الشاعر
قصيدة جيدة
هناك مبالغه في بعض الأبيات
نرجو الحرص مستقبلا
واتمنى له التوفيقـ
التقييم
70%

اقتباس: المشاركة الأصلية كتبت بواسطة عبدالله السالم     القصيدة رقم ( 4 ) ياسعود ( م ) بالوضع ياسعود تغيير صاح الجنوب وضاق لاجله شماله ياسعود ماني بخير لو قلت لك خير هذا الزمن عيبه يبكي رجاله هذا الزمن مايرحم صغير وكبير ياكم عود(ن) دم عينه عياله وانا كتبت اللي كتبته وانا صير شاعر يترجم مايشوف بجزاله سقت الركايب علها تارد البير وتروي غليل اللي دموعه هماله مثل السحايب فوق خده مزابير وحد الثمال الحزن حد الثماله والطير لو يكفخ عجز يكفخ الطير وش حيلته والموت نوخ جماله بسبة اللي ساق عمره على الغير ويجني ثمار العمر ، شر وجهاله شايب وراسه شاب مايقوي السير وحتى عظامه ماتشيله بحاله والغير ، لو تدرون في وضعهم غير هم الضنا يـوم الضنا راس ماله شايب وصاح بعالي الصوت ويشير الله حسيب اللي ظلم في حلاله جيت ولقيت الدمع في عينه يحير وتحكي عيونه قبـل يحكي فعاله قال القطاعه ، دابر الشر ويغير هـذه نتائج مازرعت بخماله امي وابوي ، ومالقيته وانا صغير كله نسيته ، بالشباب وكماله قاطع وقلبي صد عن وصلهم مير شفت الجزاء واللي لقيت بوصاله ياهيه ، كانك تفهم العلم لاتصير مثلي وتلقاء ماحصدت بلياله ثنتين وافهم ما اقوله بتبصير امك وابوك ، اللي عليهم جماله ومسحت انا دموعه بليا معاذير ومفطور انا قلبي من الي جراله انشهد(ن) مايعفي الذنب تبـرير لا والذي ارسل علينا الرساله ياعم والدنيا مصايب وتعبير والله كريم ، ويعفي اللي عناله قد قالها في محكم القول تفسير من تاب تاب الله عليه وهداله ياسعود والاشعار عبر وتفاكير و( العاق ) والله لاتقطع حباله ياسعود والي صار في غيره يصير وياكم عود(ن) دم عينه عياله

صح السان الشاعر .. تعبير عما راى مميز ..
اتمنى له التوفيقـ
التقييم
55%

اقتباس: المشاركة الأصلية كتبت بواسطة عبدالله السالم     القصيدة رقم ( 5) يالله يـالـلـي كـافــل ٍ كـــل الأرزاق ياموزع ٍ رزقـه علـى كـل مـرزوق تعيـن مـن عينـه علـى بيـض الأوراق ييبـا البيـوت اللـي لهـا داخـلـه شــوق وجنه مثل معشوق في حضـن عشـاق لا وافق العاشق بطى شـوف معشـوق وأخـذ يسطرهـن علـى كـيـف مــالاق تـجـوز للـشـعـار والـلــي لـهــم ذوق يـبـا يـمــاري كـــل شـاعــر وسـبــاق لـو إن هالطـاروق سـاري ومـطـروق هجس ٍ بدعه الـراس مانـي بسـراق لـو نستعيـر القـاف فـي بـدع طـاروق وخـلاف ذا ياللـي تـبـا جـمـع الأذواق علـيـك فالـلـي مابـعـد طــب فالـسـوق مــن اليـمـن جـابـه وجنـبـه الأســواق لاهوب في كيس ٍ ولاهـو بصنـدوق فـي كـف مـن يمنـاه للحـمـس تنـسـاق في حمسته ماهو عجول ٍ ومطفـوق حمسته شقرا ً كنها شمس الإشـراق حبـه لاهـو نيـئ ٍ ولاهـو بمـحـروق ونجـره ليـا دنــه بتحـريـك الأشــواق يـحـرك الأشــواق والـبـن مـسـحـوق وقلـط دلال ٍ أصلهـن شـام وعــراق رسلان او بغداد فـي وصـف غرنـوق فنـجـال مـنـه الهـيـل والـبــن شـعــاق ينساق من يمنا ً عسى ماتجي العوق في مجلس ٍ فيه المكـارم والأخـلاق ويجمع صنوف الخلق راقي ومرموق راعـيـه ماحـسـب حسـابـات الإنـفـاق سابـق بعلـم الطـيـب مـاهـو بمسـبـوق وصــلاة ربــي عـــد مـــالاح بـــراق علـى النبـي الهاشمـي خـيـر مخـلـوق

صح السان الشاعر
وصف للمواضيع جيد
هناك تشابه في بعض المواقف
من قصيدة القاضي ..
اتمنا له التوفيقـ
التقييم
65%

اقتباس: المشاركة الأصلية كتبت بواسطة عبدالله السالم     القصيده رقم ( 6 ) اللاش..والدنيا..وسود الصواديـف ماترحم الزيـزوم لاصـار غافـي لاترخي خطام السخا والمعاريـف وتغرك العربـان وأنـت متعافـي باكر ليا ضاقت عليـك المحاريـف وبانت مواقيف الـردي والسنافـي تحقر من ربـوعٍ قـرابٍ مواليـف ويظهر من القوم البعيديـن وافـي قد قالها قبلي شريف من الأرشيـف وصيـة أبنـه للسنيـن العجـافـي و مالك حفظها بالرجاجيل والسيف وأنا حفرلي صاحبي فـي مطافـي له روح دابٍ ما تعلـى المشاريـف خوي رخا وقت القسـا مايشافـي لامن قربته ناعم اللمـس ورهيـف ولامن قربلي مافطـن لأ نحرافـي يضحك وسمه بالضلوع المهاديـف ويقرص رفيقه بالنوايـا الخوافـي طيبٍ بلا فطنه جـزاه التحاسيـف ورجلٍ بلا حرفـه وراه المهافـي كـم حاتمـيٍ مايجيـد التصاريـف أصبح مجّلـى مـا لقالـه ملافـي بين العرب تضحك عليه الملاقيـف مشّنـه الأيـام فالشـوك حـافـي لاصار ماهمك على جسر برليـف لا تامـن بمجـدٍ بنتـه القـوافـي ولا ترجي ألا واحدٍ حـي ماشيـف هو باسط البيدا ومجري السوافـي فردٍ صمد مالـه شبيـهٍ ولا طيـف ربٍ لنـا ماغيـره أحـدٍ يكـافـي من طق بابه ما رجـع بالتكاسيـف جـوده ومـده للمخاليـق ضافـي ولا بد يومٍ تنجلي مزنـة الصيـف وتصبح به أيـام العسايـر عوافـي وصلوا على محمد صدوق المواقيف شفيعنـا عنـد الولـي المـوافـي

صح ألسان الشاعر ..
تعبير مميز وتنبيه عن الغفلة والأتكالية
اتمنى له التوفيقـ
التقييم
60%

اقتباس: المشاركة الأصلية كتبت بواسطة عبدالله السالم     القصيدة رقم ( 7 ) تباشروا ياهل الولع بين سهيل والقيض ولا واقتفاه البرادي راح النهار يمد من طوله الليل والريش كمل في طيور الهدادي يالله ياللي تحيي الارض بالسيل ياللي لوجهك يسجدون العبادي ياعالم الاسرار ياعادل الميل عليك يارحمن كل اعتمادي يالله بنوّن من ثقيل المخاييل تلعج ابروقه في نحور السوادي تنشيه يارحمن يارب جبريل سيله يفيض يالولي كل وادي يلقفله الشرقي سوات المحابيل ويركد شماله لاتزبر هجادي ستين ليله للسواقي تعاليل ويعيشله راع النياق التلادي شقحن عليهن يصلحن التماثيل هزعن غلاهن في صميم الفؤادي عوبن لهن في بصره القلب تبجيل لا ربع المشلوف شلع وقادي اقفت تداحم جلها والمخاليل جرد الرقاب المكرمات السنادي مقهورها يردع وراحت عرازيل الصلب الادنى شفها والمرادي وراع القنص ياعاذلينه مهابيل مايستمع في شف قلبه منادي دقت اهجوسه والليالي مقابيل عن المدينه تقل حاديه حادي اليا خذا علم الرجال المشاكيل قال الوعد من بين ضلع وحمادي في خايعن دونه احزوم وغراميل يمشي بشف الطير جبر الثنادي اشقر تواديعه على كامل الذيل فعله مثبت كل ماهد صادي عوق الخريش اليا قعد بارد الحيل لدلى من اللجه بسودن احادي حرشن اكفوفه كاسيتها السراويل رشه من المحزم وحدر الهوادي عليه من فارس ارسوم وتحاليل وعليه من وجه الشجيع العنادي اشقر وكن اللي بصدره سماليل او الذهب بصخيفات الايادي اليا انزعج ماسبرت الدرابيل لولا الجهاز امن المطاريد غادي لاجيت قفرن للحباري مداهيل فعله يزود وغير شرواه عادي لاثبت الطلع الملاوح ورا الميل لوزاد غيره طير فالطلع زادي اهل الولع مايسمعون العواذيل لاناض براقن شمال البلادي راحوا يلمون العزب والمعاميل ثم قربوا شعل الجموس الجدادي يالله عساها للنشاما تساهيـل ياهادي الانسان ياخير هادي

صح ألسان الشاعر .. شاعرية مميزة في الوصف .. واجاد وصف ما تطرق من مواضيع ..
اتمنى له التوفيقـ

التقييم
95%

اقتباس: المشاركة الأصلية كتبت بواسطة عبدالله السالم     القصيدة رقم ( 8 ) تعـال يـا مثقـف وفاهـم وحريـف والدال قبل اسمـك مسـوي علامـه واللي بعـد عنـا يميّـزك فالصيـف تقضيه فـي دارٍٍ مـا يجلـى غمامـه اما على باريـس ولا علـى جنيـف بالمختصـر عنـا تـروح بسـلامـه مانته من اللـي يحسبـون التكاليـف وادنات حاجـه منـه يعطـى غرامـه ولا فقـيـرٍ عيشـتـه بالتناتـيـف في وقت فيه المـال سـاس الكرامـه انته من ظروف الزمن والصواديـف واللـي يغـث المجتمـع فـي كلامـه العام اعرفك كنت في دارنـا ضيـف وانا الكفيـل ومـن عطـاك الاقامـه واليوم كنّـك عامـل ٍ لـك معاريـف يـومٍ وجهـك يبتـسـم ببتسـامـه قال المواطن منعـم وعايـش بريـف مـن الشمـال اليـن ساحـل تهامـه تبغـى الحقيقـه ماعلينـا تخالـيـف يانعنبـو مـن يلحـقـه بالمـلامـه مادام له راتـب وخمسـة مظاريـف وياخـذ بـدل حتـى بلحظـة منامـه هو مادرى انـا ماحصلنـا لتوظيـف وان الشهايـد فـي يدينـا نـدامـه في كل صبح نوقف لساحـل السيـف يالله لعـل المـوج يلـقـي طعـامـه هو مادرى انا من بنـوك التساليـف نبنـي بيـوت ونكتشـخ بالعمـامـه يعني جسـم لكـن كلـه غضاريـف ولا فيه جسـمٍ ياقـف بـلا عظامـه نص الشهر نعجز لا نقضى المصاريف هو منهو اللـي يستحـق اتهامـه؟؟ حنا نقول ان الغلا السر يا منيـف !! ولا الخلل في بندنـا مـع نظامـه !! وقف ليا من شفت لوحـات توقيـف والخط الاحمر لا تجـي فـي محامـه ياموطنـي حبـك ماهـو بالسواليـف حـب المولـع فـي بدايـة غرامـه ياموطني تكرم عن اللي على الزيـف يشعـب بعيـر ولا يحقـق مـرامـه لكن انا عن مـن بلتـه الصواديـف انقـل همـوم المجتمـع يـا حمامـه

صح السان الشاعر
لتعبيره عن بعض من هموم المجتمع
ااتمنى له التوفيق,,

التقييم
60%