صفحة 5 من 7 « First < 3 4 5 6 7 > عرض 40 مشاركات من هذا الموضوع لكل صفحة

دغيم بن غيام 27-06-2010 04:50 PM اقتباس: المشاركة الأصلية كتبت بواسطة عبدالله السالم     القصيدة رقم ( 9 ) ودعتج الله ياللصافـه علـى خيـر ياديـرة الجبـلان لاقلـت ديـره دار(ن) كريمه مايجي منـج تقصيـر والطيب ميـراث اللحايـا الوقيـره يفـداج بـوّاج(ن) يميـل الدناقيـر اللي على الطـولات يـدّه قصيـره يعصب عيونه ان نصـوه المعاسيـر وعينه علـى رزق اليتامـى بصيـره جيت القويعيّه عقب حـزة عصيـر والجاهليّـه والقـرو فـي قطـيـره قالت من انت؟ وقلت واحد من مطير والعين غرقـى بالدمـوع الغزيـره الله على وقت(ن) طوَتْـه المقاديـر والله عليهـا يـوم دمعـي تثيـره وآخذ مع العبرات سجّـه وتفكيـر تطري علي رجال قوم(ن) سفيـره ربعي بعيديـن المغـازي ولاضيـر الساس علـوه والوقايـع شهيـره اليا حكوا عقل(ن) ومنطق وتدبيـر وافعالهـم تُحْكـى بشبـه الجزيـره واليا جنـوا يجنـون صفرومغاتيـر من مالهـم أو بالسيـوف الشطيـره في غزوهم يقسم عشا الذيب والطير كم قرم قوم(ن) عجّلولـه مصيـره وبسلمهم للضيف حشمـه وتوقيـر عين(ن) غطاه وعين لجلـه سهيـره حي المراجـل بالزحـول المناعيـر زبن الجـلاوي بالليالـي العسيـره ارفع يديني كـلّ موحيـت تكبيـر وادعي عليـم خافيـات السريـره ينبت على قبـر العـواده نواويـر ويجيرهم من وقْد نـار(ن) سعيـره درب المنايـا كلّنـا فيـه بنسـيـر الموت حـق(ن) والامانـي كثيـره وحزن القوافي قصته سـرّ فـي بيـر يسكن جزيل حروفهـا قـاع بيـره لمات قرم(ن) قلت قـول الصقاقيـر ورث الحرار احرار تنهـج مسيـره ودعتج المولى وشوفج علـى خيـر الصدر ضايق والسفـر فيـه خيـره صح السان الشاعر .. اتمنى له التوفيق.. اتمنا منه الحرص على الشاعرية .. وتدقيق النظر في المعنا .. مع العلم ان شاعريته جيده التقييم 60%

دغيم بن غيام 27-06-2010 04:51 PM اقتباس: المشاركة الأصلية كتبت بواسطة عبدالله السالم     القصيدة رقم ( 10 ) اليوم هذا عيد من ضمن الاعياد ... عيدً نحسبه من حساب العيادي يومً تجمعنا وزاد الفرح زاد ... قطفت من غصن المعاني مرادي سلام يالجبلان ياذخر الجداد ... انتم هل الطولات سقم المعادي تاريخكم معروف مابين الاجواد ... تشهد لكم حضرً وتشهد بوادي الطيب جا بالطيب ماجاكم عناد ... متوارثينه يالحرار الهدادي قومً على الصابور ترجد به ارجاد ... وخيولهم يم الجرايد تنادي قومُ على العدوان سمً للكباد ... وحريبهم مايهتني بالرقادي سادو ولا بادو ولا زالو اسياد ... قولو لمنهو مضيع العلم غادي انشد شعيب اصواب والسيف وشعاد ... ونشد هل الرطبه شمال البلادي ونشد لبن مع كير لا صرت نشاد ... وفعل الدعيله يوم ضرب الهنادي اذكارهم فبلاد وبلاد وبلاد ... على النقا ولا الردا ما تبادي هذي فعايل عزوتي فوق الاشهاد ... ياتاج راسي محزمي يا سنادي تجمعو والطيب مافيه منقاد ... على مباديكم ينعم المبادي الصف واحد واكثر الناس حساد ... ولافيه غير الله على الناس هادي صح ألسان الشاعر . شاعرية قوية .. وأبيات متسلسلة حماسية .. اتمنا له التوفيقـ التقييم 95%

دغيم بن غيام 27-06-2010 04:54 PM اقتباس: المشاركة الأصلية كتبت بواسطة عبدالله السالم     القصيدة رقم ( 11 ) الا يــا الله يالمعـطـي الا يالله يالـقـهـار الا يـا خالـق الدنيـا ويـا دايـر كواكبـهـا الا يالباسـط العالـي الا ياالمعطـي الجـبـار الا يامحيـي عظـام القبـور الـي بنصايبهـا تعرف الي يبا يصير والي يصير والي صـار وتعرف حساب نجماة السما مـن دون تحسبهـا نصرت عبادك الي هاجرو والي لهـم انصـار ونصرت اقوام من قبل وبعـد وقـوام تنكبهـا امرت الريح يا ربـي علـى الفسـاق والكفـار تعاقبهـا بهالدنيـا وعلـى نــارك تقلبـهـا صفاتك تجعل العاقل يـزود اٍيمـان مايحتـار يزود ايمان ويخافـك ويخشـى مـن عواقبهـا بدينابك يارب البيـت ثـم نبـدا مـع الشعـار بدينا والصقور تعيش فـي مضـرب مخالبهـا مدام اللجنه الي شفـت اساميهـا مـن الاخيـار تفـرق بالشواعيـر الكثيـره مـن مواهبـهـا اشارك ليـه ماشـارك ولالـي عنهـا معـذار وبأسم ربي بديـت وجيـت للميـدان واكتبهـا عسفة البكره الـي مالهـا شبيـه بيـن بكـار على بكـره عمانيـه اصيلـه جيـت راكبهـا معفيهـا لهـا عاميـن ماطبـت ولا مظمـار وعلى هالميد مسيت الحقب مـن فـوق منكبهـا على اشارة العاسف تـروح يميـن ولا يسـار مثـل مايفعـل الجنـدي مثـل فعلـه مدربهـا لها بالوصف وصفن يعجب اهل الذوق والانظار طويله فـي قوايمهـا وزايـد طـول غاربهـا وسيعن زورها يمكن يجي وسعه ثلاث اشبـار وتشوف ابطانهـا لـو تكربـه معـاد يكربهـا لونها عايشه في وقت توسم به عصايـا الجـار بعيدات الديـر مـن فوقهـا تصيـر مقربهـا يبيها شيخ قومه لابغـى يغـزي بعيـد الـدار يعـرف ان المشـاويـر البعـيـده ماتعبـهـا على الله وصفنا يصيـب يومنـا نويـا الكـار وعسى السلعه تفرح قلب شخصن قـام طببهـا ونا ماقول انا لحالي فقط هو شاعـرن بيطـار يكثر الشعر والشعـار يـوم انظـر ملاعبهـا لكـن الحمـد لله واثـق وقانـع مـن الافكـار وناظـر للهزايـل سايبـه لاكــن اجنبـهـا وغوص البحر وانقى اللؤل وياالحص والمحـار ووفي مع رجـال الطيـب حاجتهـا وواجبهـا وطب المزرعه ونقى من اطيب واجود الازهار وعرف الحاصد الماهر يحـذف مـن شوايبهـا ومدامني وصلت بهالقصيـده لاخـر المشـوار صلاة الله علـى محمـد معـا طيبـن يطيبهـا صح السان الشاعر .. ابتهاله طيب ..ووصف جيد .. ولاحظت غموض في احد الأبيات . التقييم %60

دغيم بن غيام 27-06-2010 04:58 PM اقتباس: المشاركة الأصلية كتبت بواسطة عبدالله السالم     القصيدة رقم ( 12 ) ياشعر مال المدح قيمه ولا دور ان كان مايزهى بحضرة جنابه ضايق ولاني عقب ماراح مسرور صاهود ابن لامي عقيد الحرابه شيخ ربى بالعز والطيب مخبور واللي مثل صاهود يغني شبابه حيثه وريث المجد ومكمل الدور وان جاء يجي والكل حاسب حسابه اليا حضر تعرف مدى كلمة أحضور وان غاب ماكلن يسد بغيابه بنتابني من راح الاحساس بشعور ان الوفا والطيب قفت ركابه اقول لاماقول فالعالم قصور بس الفعول الطيبه ماتشابه اليا نطق هرجه جواهر وبلور واليا سكت مثله سكوته مهابه يبكيه ديوانن علي العز معمور ماصك من دون الخطاطير بابه مامات ذكره حي بالطيب مذكور والسيف صاهود ابن لامي نصابه صح السان الشاعر تعبير جيد وفي محله التقييم 50%

دغيم بن غيام 27-06-2010 05:00 PM اقتباس: المشاركة الأصلية كتبت بواسطة عبدالله السالم     القصيدة رقم ( 13 ) قلت الادب يوم الادب حكمة الناس حيث الادب رمز الرجل من كلامه اليا تكلم كلمته مثل الالماس واليا سكت مثل الفشق في حزامه حي الرفيق الي كذا يرفع الراس ولا الردي ماودنا في سلامه الطيب للرجال عزه ونوماس بالطيب يرفض هيبته واحترامه ماقلت قولي غير من حر الانفاس شين طبع في وجه الايام شامه لكن في صدري كما قرع الاجراس كلمة وفا قبل الجزع والندامه احيو عروق الدم والعرق دساس عرقن نبض فيه الحيا والشهامه عرقن يرجع طيب الساس لساس لو ان من طبع الغشيم الغشامه واليا سكت وقلت لاباس لاباس بانت علي وجه الليالي علامه شين يذوقني المراره من الكاس وشين يبشرله عقيم بتوامه صح السان الشاعر موضع جيد .. وفيه من النصح .. يشكر عليه . التقييم 50%

دغيم بن غيام 27-06-2010 05:05 PM اقتباس: المشاركة الأصلية كتبت بواسطة عبدالله السالم     القصيدة رقم ( 14 ) بسم الله الواهب جزيـل المواهـب الواحـد المعبـود رب الـوجـودي إلهنـا لا غيـر فـي إلهنـا خيـر إلهنـا و إلـه كــل إمعـبـودي رب البشر والجـن والليـل لاجـن عليه عظـم الكـون كلـه يعـودي العالم بما كان وإن لـم يكـن كـان سبحانـه العالـم عليـم السـدودي الهادي الرحمن لأصحاب الإيمـان القادرالجـبـار فيـمـا يـكـودي بأمره تسوق الريح مزنن مراويـح لأشعل سنا البارق هزيم الرعـودي وأنا بعد شعّال فـي مرقبـن عـال ألوح لوح البرق وأثبـت وجـودي باسم الله البـادي بديـت المبـادي وأثلجت في صدري عظيـم اللهودي في غاية التعبير صغـت التعابيـر من هاجسن فكره وسيـع الحـدودي نظراته إمصيبة والأفضل نصيبـه يـارد ينابيـع المعـرفـة ورودي يكمل جميع إنجاز بإسلوب وإعجاز تكريم من يبنـي عليـه الجهـودي وإنجازه الحاضر بحمـر النواظـر ما يدفـن التالـي قديـم العهـودي لو يكتفي من جاد في وصف الأمجاد فأمجاد حمـران النواظـر تـزودي مواقف التشريف من غير تحريـف عجايب التاريـخ مـاض العقـودي يوم الزمن ماعاش من لوعتـه لاش من واقـع أيامـه لياليـه سـودي لولا الكرم ومطير ما يشبع الطيـر لا جا نهارن فيـه قـدح الزنـودي فيهم ملاك السرج والموقف الحـرج إليا إعتلى صهوة جـواده يجـودي وكل القبايـل بالعصـور الأوايـل متوارثين المجد رغـم الضهـودي كلـن خـذا حقـه ومـا يستحقـه ومن دون حق مطير كلـن يـذودي أهل الرمك والجيش رويا المعاطيش ريف الخوي سقم العـدو اللـدودي إليا أرعدو بالصوت ورادة المـوت أفعالهـم دايـم تـبـل الكـبـودي لو ابرهه والفيـل جوهـم جحافيـل شفت الحبش مثل الهشيم إمحصودي رماحهـم سجيـل روس الرياجيـل أشطـان بيـرن يـاردن العـدودي أيام وقتـن زل والفعـل الأجـزل يلقى علـى مـر الليالـي شهـودي لو إن بعض الناس ما عنده إحساس كنه على بعض الأمور إمحـدودي ماله عن الماضي ولا هو براضـي ألاّ أنهّا ترضـى عليـك اليهـودي حيّن بعـد موتـه تعالـى بصوتـه سبحان من يحيي رميـم اللحـودي رب النبي صالح بيديـه المصالـح والمعجزة ناقة والأحمـر ثمـودي وابن آدم لسانـه مكانـة حصانـه إن كان ما صانه يخون الوعـودي يقولهـا مـن شـد للمجـد وأنشـد مثايلـن كيانـعـات الــورودي من لابة في نجد ما تنقـص المجـد أولاد علـي مبعثريـن الحشـودي في موريات القدح تستاهـل المـدح إليا إعتزوا من فوقهـن بالجـدودي أهل الصعب والكـود ودروع داؤود مروين حـد مصقـلات الحـدودي حق وحقيقة ناس بحـدود وقيـاس وقفـة شثيلـي ِ يحـل العـقـودي أفخربهم وأعتز من غيـر مأهتـز لو هز ضلع طويق ذعـذاع نـودي وصلوا على الهادي رسول العبادي عد المطر وإعداد رمـل النفـودي صح السان الشاعر .. شاعريته طيبه .. ارجو تدقيق النظر في بعض المعاني ..والأبتعاد عن الغموض مستقبلاً التقييم 80%

دغيم بن غيام 27-06-2010 08:38 PM اقتباس: المشاركة الأصلية كتبت بواسطة عبدالله السالم     القصيدة رقم ( 15 ) ياهاجسي حضر لنا عـذب الالحـان في ماقفن تشتد بـه كـل الاذهـان ابيوت شعرن مـن قراهـا حفظهـا تبقا براس المستمع مـر الازمـان ندّر عديمت وصف محـدن كتبهـا تنعّد لاعـدت ابيوتـن لهـا شـان فرايـدن عذبـه ومعنـن حـواهـا مثل الذهب تصرف وفي غال الاثمان والشعر حبك وسبك منطق وتعبيـر وابيوت موزونـه ومعنـا وقيفـان ماكـل شاعـر لاتعـزوا يجـيـده لوه يجر الصوت في كـل الاحيـان ياقل من صاغـه وحشّـم ابيوتـه وياكثر من دهوره نقصان نقصـان احدن ورا الشهـره يتعـب اركابـه وتبثه الشاشه علـى كيـف ماكـان وانا ليا مـن جبـت بيتـه واعـده كالسلسبيل وياتـي البيـت مليـان احبه نظمـه مـن قديـم الزمانـي واصخره في مدح ذربيـن الايمـان صح السان الشاعر.. واتمنى له التوفيقـ التقييم 65%

مطلق بن سمدان 28-06-2010 04:02 PM اقتباس: المشاركة الأصلية كتبت بواسطة عبدالله السالم     القصيدة رقم ( 1 ) الوقت بيّن هوان الروس والطيب يرفع مقام الراس واللبس ما يرفع الملبوس والطيب ما يتضح بإلباس وشهي الذيابه بليا ضروس تنداس من ضعفها .. تنداس الطيب مايندرس بدروس والعرق ياصاحبي دساس لا تتبع لو تجيك انفوس منهو يجمع حطام الكاس كان الكرم يشترى بفلوس اشره ولاتعلن الإفلاس العز حبلن غدا ممسوس والمرتخي دايمن منداس ماحط يدّي بخشم الموس لو كان من قدمها الالماس والضرس يذبحه كثر السوس مثل الردا لا انتشر بالناس لا تنحني ثم يجيك الدوس ولا يجتمع هم مع وسواس صح السانك والتقييم 70%

مطلق بن سمدان 28-06-2010 04:04 PM اقتباس: المشاركة الأصلية كتبت بواسطة عبدالله السالم     القصيدة رقم ( 2 ) نوعها مثلث قطرب وهي من بحور الشعر الفصيح واول من كتبها نبطي ناصر الفراعنه هذا اللي اعرفه القصيدة عباره عن رديه بيني وبين شلفا امتلكها تعطيني الغاز وشقر وانا احلها وراح أميَز كلامالشلفا عن كلامي بسم الله البدايه عند الشلفا الشلفا - الشايب أورث له ولد.. نبته تعلاه السعد.. يا جعل عينك للرمد.. إنقض وانا أدري بك فطين الشاعر- شلفاي ضربك من همم.. صبك بقوماني حمم.. يا جعل تخلفني قمم.. إن ما غدى ضربك طحين اللحين بداية الالغاز والشقر الجوف أخفى ماكره.. والبيض ماجا ماكره.. والشهم تارك ماكره.. حيَا على الصبح المبين الاوله خبث النفوس.. الثانيه راقي دسوس.. الثالثه عزَه طقوس.. أقفي يا نفس تكرهين مرخي مناكب ياحمل.. وداعته تزها الحمل.. صلبه نتايج هالحمل.. بين الترايب هالمهين الأوله شيل البعير.. الثانيه خلق العبير.. الثالثه طفل صغير.. روحه تجيه بأربعين يا وين شفته لا غدا.. عايف عوا جسمه غدا.. كنه بهقواته غدا.. ذيب يدور له سمين الأوله دربه ضياع.. الثانيه نخوة جياع.. الثالثه إن إستطاع.. يحط عين بجوف عين يا كيف سطره قد حشا.. والنار بأخشاب الحشا..لا لا ولا لا لا حشا.. ما تكسر الحس المتين الأوله سب ودفان.. الثانيه حضن وحنان.. الثالثه حلف العنان.. إقروم منه تستبين أبعد وفي قربه بصر.. وإن كان في بعده بصر.. ما ظني في رايه بصر.. يومه فتق جرح مكين الأوله شحم درى.. الثانيه راي سرى.. الثالثه كيف جرى.. يا حساب ديني للمدين من قل قلَه بالعمل.. تدري وأدري وش عمل..كنه مسوي لي عمل.. يا فاتحه له تنقضين الأوله فاتح يدك.. الثانيه فعل يدكَ.. الثالثه سحر إبعدك.. فكه يوم أنخاه المعين في درب زاغت فيه ياه.. إن كان حسه ياه ياه.. لا ينفعه بالأسم ياه.. لا من قفى شور الرزين الأوله وجهة مضيع.. الثانيه حسرة سريع.. الثالثه ام الرضيع.. إن صحت ما تنفعك وين شد الحزام بكل حيل.. إن كان ضربك شبه حيل.. إحرم على الأفواه حيل.. العز فالنصر المبين الأوله قوة بدن.. الثانيه حر طمن.. الثالثه خف ومتن.. بمراحها يربض قرين في عالياتك دوم راع.. زلة لسانك دوم راع.. لحامل إسمك دوم راع..العليا للي معتلين الأوله يا بعيد شوف.. الثانيه قضبة حروف.. الثالثه نسلك تروف.. إتحفظه تفسير دين القمه عاليها هوا.. من زلة أقدامه هوا.. رح خبر اللي قد هوا.. بانت مواريه الدفين الأوله شم النسم.. الثانيه طيحة جسم.. الثالثه عشق قسم.. قلب تخاطفه اليدين إن شفت مشراق ضوى.. من تحت ألويته ضوى.. يا حر قلبي لا ضوى.. منه وحاله صار شين الأوله شمس تشع.. الثانيه جند تبع.. الثالثه نار الجزع.. من خوف فقدان الحنين ما بين أوصال الرحم.. يظهر من اللحمه رحم.. يا حظ منهو من رحم.. والرب يرحم راحمين الأوله عورة نسا.. الثانيه عرق دسا.. الثالثه قله عسا.. حبيب رب العالمين ثمرك تخلله النوا.. والآدمي في ما نوا.. إن جيت في دربك نوا.. سلَم على سود الجبين الأوله فصم التمر.. الثانيه خافي الأمر.. الثالثه كاره عمر.. داره وجدانه سنين من يرقب النجمات كل.. الضيف سمع إذنه كل.. من شاف نفسه فيه كل.. الناس فيه مسلحين الأوله شوف التعب.. الثانيه طيب وأدب.. الثالثه واحد نصب.. نفسه على هالمسلمين الناس لا جاتك سوا.. والأمر ما به ما سوا.. الحق إقضي به سوا.. إن كان رافضه الثنين الأوله درب جمع.. الثانيه قلَة نفع.. الثالثه كلمة ردع.. تغيير في علم ثمين لاهنت يا راع الحدا.. إن كان صوتك بي شدا.. مذخور حدي للعدا.. لطَام جور المعتدين شلفاي جعلك لي ذخر.. جبتي تعاجيزك صخر.. حلَيتها كلي فخر.. والعاقبه للمتقين صح السانك والتقييم50%

مطلق بن سمدان 28-06-2010 04:07 PM اقتباس: المشاركة الأصلية كتبت بواسطة عبدالله السالم     القصيدة رقم ( 3 ) ((أغتنم فرصتك)) لا تقولون السبب كثـرت أسرافـي جعلها فـدوة ضيوفـي وواجبهـا الكرامه مالحقـت قيمـة اللافـي وكانهـا تخريـب والله لخربـهـا نذر منـي كـل ماجانـي اسنافـي لو يدي شحت عن الضيف لقصبها الضعافه عيب فـي كـل ميقافـي والشواوي ماغتنت مـن جلايبهـا والكرم مايصرفـه كـل صرافـي جـل مـن يعـط الاوادم وهايبهـا لي ضميرٍ حـي يافـي ويستافـي والحقايـق شمسهـا مايغيبـهـا الكرم مغـزاي والعـز مشرافـي وقـل دنيـا هامتـي مايعيبـهـا عوجت الارقاب بالـذود تنشافـي وأكثر زحول العرب مـن حبايبهـا وإن لقيت الذود بالعـج والسافـي قلت هبـي ياهبايـب جبـال أبهـا نظرتـي قـدام ماترجـع أخلافـي والقناعـه كنـز وتعـز صاحبهـا دام راسي حي والجسـم متعافـي الدراهم حالف إنـي مـا حسبهـا لأجل كلمة نعم تضفي على أوصافي كـل ماهبـت بذكـري هبايبـهـا سمعتي بالطيب من بين الاشرافـي عندي أغلا من الدراهم ومنصبهـا واليميـن الوافيـه مدهـا وافـي ماقصرهـا جـور وقـتٍ يعذبهـا والعلوم الغانمـه عـز والحافـي لأ جلها حمـر العمايـم نعصبهـا سنة الاجداد يـوم الزمـن جافـي سـود الله وجـه رجـلٍ يجنبهـا ودي أعلمـك ياحضـرة الغـافـي قيمـة الحيـه وقيمـة شواربهـا ياكثير الهرج لـو كنـت عرافـي كـان هقـوات العـرب ماتخيبهـا حط الأسهم فوق مشروع الأعلافي وأعـرف الارزاق بيديـن كاتبهـا وإن رجع لك ربحها كثرها صافـي عقب اللي يطلبك مـن مكاسبهـا وأنت ياللي فاهمٍ ماحـوى قافـي فتنـة الدنيـا بـلا لا بليـت أبهـا لاتروح علومك اربـاع وأنصافـي اكرم الضيفـان وامـدح بغايبهـا الرواتب ماشيـه والأمـن ضافـي أغتنم فرصتـك والنفـس هذبهـا لا أنت لا جايع ولا ماشـيٍ حافـي طيب وعيالك على الطيـب دربهـا واكمل الواجب ولا تبحـث الخافـي كشفت الخافي ماتحمـد عواقبهـا وإن طرحك الله على خملة الوافـي معك أمانه لأجـل فعلـه تجنبهـا الصداقـه دون ميثـاق تنعـافـي بكـره اتعـذربـك ولا تعذربـهـا وأهل النمـه خفافيـش وضعافـي لو يجون بكلمـة الصـدق كذبهـا والسنين اطوال وسمان وعجافـي لو فرحنـا أبهـا مانامـن تقلبهـا وإن غزتنا همومها تهرف أهرافي بالصبر وبطاعـة الـرب نغلبهـا صح السان الشاعر التقييم 80%

Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir

جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .

Security team