::منتدى الجبلان الرسمي:: - هاض الخفوق وفتحنا النت وارسلنا ...

أحبتي منسوبي منتددانا الغالي أهدي لكم هذه القصيده لعلني أتمكن من إتحافكم بها :

هاض الخفوق وفتحنا النـت وأرسلنـا ... رسالة(ن) ما توفي حـق منهـي لـه
مثايل تشـرح احسـاس(ن) إبداخلنـا ... للي بكل إحتـرام أرسـل لـي إيميلـه
من خوف لاننفتـن بـه لـو يكلمنـا ... وهو مادرى إن ذبحنا جا في مراسيله
ما ودنـا إنـا لمـا أخفينـاه فصلنـا... لاكن هاض الخفوق وجـاب تفصيلـه
وقلنا علـى الله فـي نشـره توكلنـا ... وبعد إذن جمهوري أوجه كلامـي لـه
للغالي اللـي عـرف يرسـم تعاملنـا ... بأسلوب فن(ن) جميل أخطر من الحيله
يازيـن ياللـي لـك أعلنـا تنازلنـا ... وضحيت لجلك ومن غيرك إنضحيلـه
هل تعلـم إنـا عشقنـاك وتمشكلنـا ... وأسلوبـك العـذب صادتنـا محابيلـه
وإنا مـن العشـق قـد تبنـا وهونـا ... وقلوبنا عادهـا خضـر(ن) وتوميلـه
وخليتنا ننقـض اللـي للعـرب قلنـا ... إنا كبرنا على العشـق وعلـى جيلـه
وهل تعلم أنك أول إنسان(ن) يغربلنـا ... ولا قبلك أحد(ن) تبنا الفكر حبـي لـه
وإنك أول إنسان فـي عهـده تعلمنـا ... طعم الوداد الحصحيح وطعـم تمثيلـه
وإنـك أول إنسـان عذبنـا ودلعـنـا ... وإنك أول إنسـان تسحرنـا تعاليلـه
وإنك أول إنسان لو يخطـي تجاهلنـا ... ماصار منـه وجـزاه إنزيـد تدليلـه
واللـي يحليـك لا أخطينـا تحملـنـا ... ورضاك ما تسطيـع النفـس تأجيلـه
ولا قبلك أحـد(ن) بخلقـه لا تأملنـا ... غضب على العين تعجب به وتغضيلـه
ومن قبلك ابكا النواظر يـوم ودعنـا ... وصرنا نعشق الدروب اللـي أتوديلـه
ما ضني أنسـاك لـو حتـى تقاطعنـا ... ولاعقبك أحد بهـذا الشكـل بصفيلـه
واليوم من دون رغبتنـا لـك أعلنـا ... السالفـه مـن بدايتهـا إلـى الليلـه
من شـأن نطلـع بعـذر ولا تحملنـا ... حمل(ن) من الشوق ما نقدر على شيله
وإنـا علينـا الوفـى والله يجملـنـا ... يامن جميلـك سبـق ذكـره وتجليلـه
وأن شفتنـا ماعرفنـا العـدل عدلنـا... وياشوق مثلك يسـر النفـس تعديلـه
أهـم شـي إنـك ماتقطـع تواصلنـا ... وبستان الأحباب ما نفقـد محاصيلـه
وإن كان قولـة حليلـك مـا تزعلنـا ... والله إنك أجمل صغير أقـول ياحليلـه

للشاعر / عبدالله بن مرضي الودعاني

ارجو ان تحوز على رضاكم
وسلامتكم