|
الفارس حمود ابوشيبه
السلام عليكم ورحمة الله وبركاته
يعطيكم العافيه يالربع حدث خلاف بين حمود وبين افراد من جماعته الاعنه باحد المجالس ؤطلع خنجره حمود ؤطعنهم ؤركب فرسه ؤراح لابن سويط امير الظفير يوم دخل مجلس بن سويط وبن سويط يقوم ويرحب بحمود ترحيب حار ؤكان قاعد بمجلس بن سويط واحد من الجبلان قال الجبلي يبن سويط انا يوم اجيك مارحبة فيني مثل ابوشيبه قال بن سويط هذولا ابوشيبه اعرفهم شيوخ قال الجبلي مابقى الا الاعنه يصيرون شيوخ يوم اصبح الصبح من بكره وحمود يمر الجبلي قال يافلان قم انطح الرياجيل جاك العناني وحمود يمسكه و يقطع يدينه ورجلينه ويقص شوي من علباه عشان يموت بعد كذا يوم وحمود يرجع للاعنه ؤهم يعفون عنه الي طعنهم ؤحدة من بنات شيوخ شمر تقدمولها الفرسان والشيوخ يخطبونها ؤهي ترفضهم قال ابو البنت الزوجته انشدي بنتك يمكنها تبيلها شخص معين والام تسال بنتها اذا افبالها شخص قالة البنت : يايمه ماريد غير حمود : حمود ولد الشيابيني يستاهل السيف والبارود : والبكره ؤم العثانيني واقلبي الي كلاه الدود : والروح عيت تسليني البكره ؤم العثانين : هي البكره الي شعر سنامها طويل ليتمسكو فيه بالحرب ؤغزوا مابين الخمسه والعشرين والثلاثين عتيبي عى الصمان وخذوا نياق واحد من الموهه ينقالهم عائلة الحبل ؤراع النياق ينخى حمود قال تكفى يحمود عتيبه اخذة حلالي وحمود يلحق العتبان لحاله ويذبح ثلاث منهم ؤهو يرد النياق الراعيها ؤهو راجع مر على الي ذبحهم بيشوفهم يوم مشى عنهم ؤواحد منهم كان صويب ؤهو يرمي حمود بظهره ؤهو يطيح على فرسه صويب ؤهو يموت عند الجبلان فمان الله |
يعطيك العافيه يا دمي جبلي,,
ونعم والله في الأعنه,, لا عدمناك يالغالي,, |
لاهنت يا دمي جبلي . .
بس القصه ماعليه دليل يثبتها . . يعني فيها تزوير . . |
السلام عليكم ورحمة الله وبركاته
يعطيكم العافيه يالربع ماعليك زود يافهد اخوي مقلدي طيب ماقلتلنا وين هالتزوير ؟؟ لاتقولي وين الكتاب والمصدر اذا بتقولي بقولك سكر هالمنتدى والمنتديات القبليه تبي تاكد انشد شيبان الجبلان هم يعلمونك فمان الله |
يعطيك العافيه يالجبلي .. ونعم بالفارس حمود ابو شيبه .. وكل الشكر لك ..على مواضيعك المميزه .. |
جزاك الله خير يا دمي جبلي ...... ونعم بالفارس حمود بو شيبه ....
ونعم بالأعنه وفرسانهم ..... |
السلام عليكم ورحمة الله وبركاته
يعطيكم العافيه يالربع ماعليكم زود يالربع كلن فيه حقه من الطيب اخوي مقلدي سالفة الجبلي الي بمجلس بن سويط ماله داعي لذكر اسم عائلته بتسبب حزازيه ؤسالفة الشمريه معروفه والقصيده معروفه ؤسالفة المويهي هم بانفسهم عائلة الحبل احفاده يقولون السالفه الي صارة مع جدهم وانت تبحث عن الحقيقه ؤهاذا اهم شي بالباحث التاريخي واتمنى اني اشبعة فضولك وسعيد بمشاركتك فمان الله |
يعطيك العافيه يا دمي جبلي على القصه الفارس حمود ابوشيبه
|
القصه خياليه واعتقد ان القصيدة بنت تتمنى الشيح حمود ابن قشعم
وقطعت اليدين سالفه بين ابن جغيثم والعفاسي ولكم جزيل شكر الشكر |
يعطيك العافيه يادمي جبلي ونعم بابو شيبه ولاعنه والجبلان عااااااااااامه ولاهنت ياولد عمي
|
السلام عليكم ورحمة الله وبركاته
يعطيكم العافيه يالربع ماعليكم زود كل فيه حقه من الطيب اخوي مردد في البدايه القصه خياليه ثانيا القصه الخياليه صارة واقع بقدرة قادر ونسبتها ل حمود قشعم قطعة اليدين لابن جغيثم ______________ اولا ؤنعم بالاشخاص الي ذكرتهم سواء الموضوع ايتعلق فيهم او لا هاذا مايقلل من قدرهم عند الرياجيل ثانيا القصيده راكبه مع السالفه البنت تقول لامها يايومه ماريد غير حمود لان ؤمها سالتها من تبي تزوج ؤبلقصيده مكتوب حمود ولد الشيابيني والقصيده معروفه ؤسامعها من الاعنه ؤغيرهم من الجبلان وليس حمود القشعم ؟؟ من غير قصور فيه ؤبعدين انت ماذكرة القصيده الي تثبة انها ل حمود قشعم كيف تنفي شيء من لاشيء ؤسالفة قطعة اليدين واسمها التعزير بالشريعه الاسلاميه سامعها من اعنه ؤغيرهم انها ل محمد او حمود ابوشيبه واحد منهم اما انها لغيرهم انا اول مره اسمع بهالشي ممكن تقولي من قالك انها لابن جغيثم بالرسائل الخاصه حتى لانسبب احراج لاحد من غير قصور فبن جغيثم ؤعلى فكره انا مو كل سالفه اسمعها اصدقها لازم اتاكد منها من كذا شخص ؤشاكرلك التواجد والتعليق على الموضوع فمان الله |
السلام عليكم ورحمة الله وبركاته
فيه شي نسيت اكتبه وهو ان الي تقطعة يدينه ورجلينه واحد جبلي قام يعاير الاعنه بمجلس بن سويط ماراح اقول اسم عايلته منعا للاحراج فمان الله |
السالفة معروفة و يقال أن هذا الرجل غار من فزه من بمجلس أبن سويط لحمود و محمد و كانا فارسين و نضيرين اي وسيمين وقال له كلمه مالها داعي نذكرها
فقاموا بتقطيع عروق رجلينه وتركوا رجله تومي أما قطع يديه و رجليه فلم اسمعها قط . اما القصيده ففيه واحده مشابهه بحمود الحميداني |
السلام عليكم ورحمة الله وبركاته
يعطيكم العافيه يلربع اخوي بن قريان التفاصيل صعبه تجد اثنان يتفقون عليها ولكن السالفه بشكل عام متفق عليها اما حمود الحميداني والنعم فيه والاجواد بكل ديرة ؤ قرية قصيدته بلمنتدى وهي تختلف عن قصيدة حمود ابوشيبه اما عن سالفة ان محمد وحمود وسيمين فهناك سالفه ان شيخ احدى القبائل عزم محمد وحمود ؤيوم جوه واثناء جلوسهم بلمجلس طاح القاطع الي يفصل الرياجيل عن الحريم لان حريم الشيخ كانن يطلن يشوفن محمد وحمود من وسامتهم فمان الله |
ونعم بالفارس حمود ابو شيبه واليوم القصص تجي مو موثقه والكل يسولف الى يبيه وعلي فكره الاعنه لا يوجد لها شيخ وهم بامرة ابن الامي ولاكن يوجد لها عقيد واكثر من واحد اعقدو على الاعنه على ما سمعت وهم ابن جغيثم والتوم وشكرا
|
ونعــم فيــه
يعطيــك العــافيه على المعلومات |
السلام عليكم ورحمة الله وبركاته
يعطيكم العافيه يالربع ولكن اخوي العقبا تنوخذ على الجبلان كلهم من قبل بن لامي ماعدا بن رشدان وابوشيبه العقبا : اذا غزوا الجبلان ووزع بن لامي الكسب عليهم يرجع عليهم مره ثانيه ويتنقا من كسبهم الي يبي فمان الله |
ياشباب هداكم الله شيوخ الجبلان معروفين ابن سويط مايشيخ على الاعنه
والجبلي الى عند ابن سويط منو جيب السالفه واردة ماسمعناها من الشيبان ابد وسالت فيها شيبان الاعنه مايعرفونها هذا تاريخ ياخواني لاتزوروووووووووووووووووووووون التاريخ المردد صاج الشيخ حمود الجشعم حنا ودنا ان السالفه على ابوشيبه بس الحق حق جعل الطيب من عربنا هداك الله ياغاااااااااااالي |
القصه هذي تذكرني بفلم هندي
اقول بلاهياط شنو يقطع يديه ورجليه ومايقدر ابو شيبه يقطع احد وهو في حمايه وضيف عند بن سويط يعني السالفه مالهاراس |
فيه خوووش دعاء يصلحلك انت وياه
طلال ومطلع قولوا هالدعاء اللهم اني اعوذ بك من البغض والحسد نتمنى لكم الشفاء العاجل |
أي حسد يا أخوي الله يسامحك
و نحسدك على شنو هالقصه يبيلها مخرج هندي على شان يكمل الفلم و أتمنى أنك تتفق مع المخرج عشان تترجم للمشاهدين باي يا بطل |
صج الي استحوا ماتوا
يالله لاتبلانا بس |
السلام عليكم ورحمه الله وبركاته
بغض النظر عن الموضوع ونعم بجميييع العوائل والأشخاص الذين ذكروا ,,, لكن يأسفني وبشده هذا الإسفاف وهذا الجهل في الردود ووصولنا إلى هذا المستوى العقيم المريض في الحوار ونصيحه لكل شخص يضعها نصب عينيه في شتى مجالات حياته إن أعجبك الموضوع أو الحوار ولديك معلومات موثقه فأهلاً وسهلاً بثنائك و إثرائك للمضوع وإن لم يعجبك الموضوع لأسباب كثيره فأنت لست مجبر على الرد وأنت في غنى عن هذه الأمور ,, وهذه الردود تدل على شيئين جهل أصحابها وضعف إدارة المنتدى أو إنشغالها في سباتها العميق ,,, فأرجوا أن تكون هناك وقفات حازمه من قبل الأعضاء والإداره نابعه من غيرتهم على لم شملهم وعلى أسمهم الذي يحمله هذا المنتدى ,,, قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ (( مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلَا يُؤْذِ جَارَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ )) أخرجه البخاري ومسلم |
جزاك الله خير اخوي ابن حطاب
ولا ازيد على كلامك بشيء بيض الله وجهك والله يهدي الجميع الا مايحب ويرضى |
اقتباس:
المشاركة الأصلية كتبت بواسطة طلال الجبلي http://www.aljblan.com/vb/dc.net.sa-...s/viewpost.gif ياشباب هداكم الله شيوخ الجبلان معروفين ابن سويط مايشيخ على الاعنه والجبلي الى عند ابن سويط منو جيب السالفه واردة ماسمعناها من الشيبان ابد وسالت فيها شيبان الاعنه مايعرفونها هذا تاريخ ياخواني لاتزوروووووووووووووووووووووون التاريخ المردد صاج الشيخ حمود الجشعم حنا ودنا ان السالفه على ابوشيبه بس الحق حق جعل الطيب من عربنا هداك الله ياغاااااااااااالي اذا ودك على السالفه على بوشيبه اجل ليش هالابيات اطلعت على حمود بوشيبه هذي اولا ثانيا لا تزوير ولاهم يحزنون لا تقعد اتقلب السوالف على كيفك |
اقتباس:
المشاركة الأصلية كتبت بواسطة " فهد الجبلي " http://www.aljblan.com/vb/dc.net.sa-...s/viewpost.gif لاهنت يا دمي جبلي . . بس القصه ماعليه دليل يثبتها . . يعني فيها تزوير . . الجبلان كلها عارفتها محمد وحمود الي قصوو يدينه الرسيمي المعرقبي ورح ونشد العواده :) يا حبيبي |
اخ هواوي اتمنى انك تبلغنا عن مصدرك لكي نوثق القصه
|
هواوي اتق الله في نفسك ولاتذكر اسامي ماودنا احد من الجبلان يزعل
واتمنى من المشرفين شطب اسم المعرقبي اخ نديم السالفه معروفه ويقولونها العراقبه ؤهاذي سوالف فيها حساسيه وتزعل ناس ماتنسولف بشكل علني |
| الساعة الآن 06:42 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
