الفارس خليف التوم والفتاة الرشيديه
 

السلام عليكم ورحمة الله وبركاته

يعطيكم العافيه يالربع

سنه من السنين خطب رجل رشيدي فتاة من قبيلة الرشايدة وقد وافق ابو البنت
وتفقوا على موعد الزواج

ولكن الفتاة الرشيديه ماكانة راضيه بهاذا الرجل وقد شكة الحال لاحدى العجائز

فقالة له العجوز انكانك تبين الي يفكك من هالرجل ازبني على خليف التوم

والبنت ؤهي سارحه بحلال اهلها مرة متعمدة من امام مجلس خليف التوم ؤقالة هالابيات

انصملوبي زبنة خليف : التوم اضنه يزبني
ذيدانهم يرتعن الخوف : ؤعن الخطر مايردني
وبيوتهم مدهلن لضيف : ونجورهم مايونني

فقد كان الفارس خليف التوم رجل كريم وعقيد الاعنه بزمانه

فركب خليف فرسه ولحق بالرشيديه ؤقالها وشتبين قالة بيزوجوني غصب

وخليف يذهب للرجل المتقدم للفتاة ويقوله ياناموس بناموس ولا الحرب
والبنت تراك منة بماخذها

قال الرشيدي لخليف عشان جيتك يالسنافي تراني طلقتها

وقد انتقم ابو البنت من بنته ؤزوجها بواحد ثاني ماتبيه لانه شكة حق خليف

وبعد فترة من الزمن لقا خليف البنت ؤقالها وشلون زواجتج الجديده

ردة عليه البنت بهالابيات

زواجة ياولد تنعاف : اردى من الاول التالي
الي تزوج وهو ماشاف : يصبر على ضيقة البالي

فمان الله

الله لا يهينك يا دمي جبلي على السالفة الطيبة

ويا جود البنت عرفت شلون تفك عمرها زبنت على فارس ورجال طيب

تقبل تحيتي

قصة رائعه يادمي


وياعزتيلها الرشيديه بس خليف ماقصررر


-تقبل مروري

يعطيك العافيه يا دمي جبلي على القصه

شكرا لك دمي جبلي
البنت يقال لها بنت الهوله
مزاوجن يا ولد تنعاف اقشر من الاول التالي
اللي يتزوج و هو ماشاف يصبر علي ضيقت البالي

أعتقد ان هذين البيتين اصبحن مثل المثل (((( أقشر من الاول التالي ))))
وفيها حكمة ((( اللي يتزوج و هو ماشاف يصبر علي ضيقة البالي )))

السلام عليكم ورحمة الله وبركاته

يعطيكم العافيه يالربع

ولنتم يالربع شاكرلكم مشاركاتكم وتعليقكم

السموحه يالربع البيت الاول فيه كلمه كتبتها غلط توني انتبهة لها

انصملوبي زبنة خليف : التوم حيثه يزبني

والبيت هاذافيه كلمة تتغير كل مره اسمع القصيدة :

زواجة ياولد تنعاف : ( اقشر . اردى . ....... ) من الاول التالي

الكلمة الفراغ كلمه ماتنقال

شــــــكرا لك عالتوضيح وشكرا لابن قريان على المعلومه

الله يرحمك يا جد ومثواك الجنة انشالله

يعطيك العافيه دمي جبلي على الموضووع

الله يرحمه ويغفر له


ما قصرت اخوي على هالقصه ومشكووور اخوي
عسااك على القوة

تقبل تحياتي وتقديري

اخووك

الجارح