قم سو ما يصبغ على الصين يا ذياب
 

قم سو ما يصبغ على الصين يا ذياب
بدلال يشدن البطاط المحاديب

احمس ليمن العرق فوقها ذاب
واستدن ما يجذب عليك الشراريب

نجر يصيح من الطرب تقل بحجاب
يصبر على طول الدهر للمواجيب

وليا انطلق من مزلقه كنه خضاب
ورس صبغ بكفوف بيض الرعابيب

صبه لمن قاد السرايا للأجناب
في مفرسه يشبع النسر والذيب

والثاني اللي وان لفوله على ركاب
قدام بيته تقل مجزر قصاصيب

والثالث اللي وان غشى الزمل ضبضاب
يرخص بعمره دون زمل الرعابيب

وباقي الملأ يكفيهم التول لو شاب
رصاصة المجلس حمير المشاعيب

اللي نهار الكون يفزع بمصلاب
كبار الأنفس ساهجين المواجيب

شكراً للنقلل