ياماس يامرجان يادر يالوول
 

صباح الخيرر
يامنتديات الجبلان الرراقيه
ارجع بعد غيااب لكم واضع كم بيت بسيطه
بين ايديكم. علها اتناال شي بسيط من رضااكم. واعذروني


الله



ياصدري اللي بك من الضيق عرزول
تحي المشاعر في رجاء وصل الامال

ياصدري احنك من الضيق لي حول
واليوم حول الحول ياصد ر لك حال


مالي علي الطيب جميله ولا فضول

والنذل يمشي بالعرب له مع انذال


يادبرت الله وجه الأنذال مغسول

والمكرماات تشوم عنهم للابطال

ياماس يامرجان يادر يالوول
ماطيع بك حاسد ولا اسمع لاعذال

الحاسدين اغلبهم اليومه أنذول
وانت وصوفك مالها الوان واشكااال

ايوالله أني ياريش العين مشغول
الله لا يشغلني .. وا… ورايه أشغال

عطني علومك وش تبي ليه أتقول

ماكل مايسمع ويهرج به إيقال

لا تذبح العاشق بزينك يامجموول

طيفك يجيني نوب مع بث الارساال
.
ابو ثمانن صفها صفت اللول

اليا تبسم لي بها ريح البااال.

ابو رموش عيوونها كنها حوول

اليا نضرر فيني معااد أعرف أحتاال

معاد تحملني اليا شفته أرجول

اطيح ماحلي ياعالم لين انشاال

يابو جديل فوق الامتاان مفلوول

انشهد ان الشوق ياحلوو غربال

لقالت لي لبيه مدرري وش اقوول

اتثور في جووفي بررراكين زلزال

يلعب بقلبي حيث مارااح يااحوول

وانا عليه أخشاء من عيوون الانذال


مني رسول الشوق سلمه مرسول

وسلم عليه وقول صااحبك لي قاال

عن غيرك أن قلبه مسكر وماقفول

وعن حبك انه مانفعت فيه الاقفاال

وان بغرامك داخله سار ماهوول
وان الهوى حده كما السيف قتال

وان المحبه حدها سيف مسلوول

وانه ماهو ناسيك لو الزمن طال

بااقي علي زي منت خاابرر ومدبول

وانه مايسمع فيك للقيل والقاال

وأنك ترى الفاعل وانا سرت مفعول

وتدري وش اللي يثبت القول الافعال


في وسط صدري منك تتطارد أخيول

واني عليك اجر بالشعر موال

وماهي غريبه منك لا سرت مذهول

ادفع لا سعر الحاااجه أحيان مدبوول

ألوح خمس ميه وانا حسابي اريال


قبل اني أوقع بحبك برتكول

وبيباان قلبي لك بلا. ... أزلاج واقفاال.

حاااول تشوف الاوضعنا الحاالي احلول
من شامت الجوده طرف شفتك خال

نسيت يوم تقول وصلي اسكول

وتقوم وتلبسني شماغ وعقال

وادق سلف الا جيبي الكبسوول
مابعته الي الحين عندي ولا زال

لجلك ركبته ماني ابااايعه طوول
اشمش ريحت طيبتك فيه لازال.

ولك فيه بااقي من ملابسك مريووول
ذكراك طلت بدر ياذكرى الاطلال.

ان جيت حياك الله اقلط علي وصول
وان رحت ماتنكد تعين لا رجال

ليه سنه بسبااب غيبتك مرحووول

من شاف حاالي قاال صايبني أهباال

وانا بخير ..ووعقل .. مااني بامهبووول
رجل معرب .. من عماام ..ومن اخوال

حرا سلايل حر من من نادر فحول

كريم سبلا من ريااجيل عقاال

مابغا على المجان ترسل علي كول
ماشلت هم ... رسالة .. أهم جوال

ربعي جبارين (ن) لهم صيت وفعوول

وحليل ابوو جبرين جاب أربع عيال

1- والد المويسي 2- والعطاوي جو زحول

نطاحت العاايل عليهم ألياااا عاال

3- وجبرين 4- وخوه الوعيري هل أخيول
وللحرب حرابه وللخيل خياال

وحليل في الجزيره تصول وتجول

بأرض الحجااز وذودهم من أطب أجمال


والجود لاهل الجود واتن ومكفول

وحليل معروفين أهل حرب وقتااال

مامنهم اللي لا غزو رااح مقتوول

اهل الغناايم والمكااسب والاموال

شجعاان ويهزمون لو اكبر اصطول

والموت بأمر وحكم قصااف الاجاال

وحليل ابن فااتن من سليم مكفول

علي ضمان الأصل بطاقة احوال


والاصل لابد انه أصل( ن)له أصول

وسليم تاريخ ن بهم تضرب أمثاال

الفرع يرجع للأصل طبق الاوصول

متسلسل (ن )من قيس عيلان سلسال
سليم فنين كباار ولها فلوول

1-حبش 2-وفتن للفتن شربو دلال

ماهو فنيجيلن صغيرر علي الحول


واللي مزلل قولي أيحط معدال

وأبرهن ألا علمي بشااهد ومدلول

مدام ليه في عاالي المجد مدهاال

ماني بغااوي عن مايعرف ومعقووول

ولا عرف فوق اصحابي الف وحتال


والنعم في كل القباايل علي طوول
كل (ن) باطيبه مانقص قدر مثقاال

وختاامها صلو على ذكر الرسول
عداد مارعد برق وأمطر من خياال

اللهم صلي وسلم على محمد
وسلامتكم


محمد الجبريني

صح لسانك
قصيده جزله

ما لنا كون الظواهر؟؟