::منتدى الجبلان الرسمي:: - لاني انـا عنتـر ولانتـي بعبلـه

ياابو العيون اللي هدبها مراييـش
ياابو الدلع ياللـي شفايـاك ذبلـه
ياما على شانك نويت المطاريـش
ياما تبعتك شـرق والنـاس قبلـه
واليوم كني شفت بالوضع تشويش
شيـنٍ محسبـة العلـوم تحسبلـه
وش عاد لو تزعل علي الدراويش
انا بدويٍ راح يتبـع هـوى ابلـه
علط الركاب اللي وبرها عكاريـش
لربعة قلبـي يزيـل الطـرب لـه
لنزلبها في منزلـن مابعـد نيـش
روضه خضر , عشبه اخزاما وربله
في ليلتن ياتي مطرهـا رشاريـش
هذا ربيـع القلـب عقبـه وقبلـه
لاتحسبني عقب فرقـاق ماعيـش
من لا حسبلـي عادتـي ماحسبلـه
حتيش لو بينتـي الصـد حتيـش
لاني انـا عنتـر ولانتـي بعبلـه