|
انا عزوبي
انـا العزوبـي واتقطـع تقطـاع
على زواج البنـت تدمـع عيونـي انا العزوبي وين مارحـت ملتـاع زين العـذارى يالعـرب جننونـي اشوفهم في كل روحـه ومرجـاع من حيث ماوليـت هـم عذبونـي فالبيت فالتلفاز في صـوت مذيـاع حتى العمـل يانـاس مافارقونـي واذا بغيت السوق نـاوي تبضـاع اروح وارجع منخطف حيل لونـي ارجع وقلبي حايسٍ بين الاضـلاع مـن زود دقاتـه تخلـع امتونـي اللـي تغنـج فالمشـي بالتـدلاع واللي تناظرني بطرف(ن) فتونـي وام العيون السود والرمش قطـاع وام الجدايـل والكحـل بالجفونـي وام النقاب اللي تمصـع تمصـاع قدام عينـي والبشـر يشهدونـي كنها تمتـع فـي عذابـي تمتـاع وانا العزوبي كان ربـي افعونـي واهل الجنوز الضيقه واهل الاوساع مدري وش اللي حدهـم يلبسونـي منهم تجرعـت المـراره تجـراع في كل يوم اتزيـد بـي الحزونـي لو نطلع المريخ في لحظه وسـاع نلقـى العوايـل قبلنـا يطلعونـي من بعد جمع وطرح وهموم وصراع قررت انا اخطب بنت وانهي ظنوني وفي ليلة الفرحه مطالب ومرتـاع ومن زود مافيني تراقـل سنونـي قال الابو ماني ترى اليـوم طمـاع عندي شروط ٍللمهـر واعذرونـي يقوم يوحي لي ويشـر بالاصبـاع يبغي المهر ميتيـن او يكثرونـي يقول يبغى العرس فقصور واقـلاع ونبغى ذهب لام العروس الحنونـي ونبغى الحلا والكيك من كل الانواع تبـون والا ياعـسـا ماتبـونـي ناس ٍ تحسب البنت تجـره وبيـاع تبي المكاسب في زيـادة اديونـي ماهمهم لو زاد همـي والاوجـاع ماهمهـم ياكـود ملـي البطونـي يامؤمنـن بالله ساجـد وركــاع بنتك امانـه حـاذر انـك تخونـي لا تعنس ابنيتك في سّبـت اشبـاع نفسك وجمع افلـوس ماينفعونـي بكره ليا جتـك المنيـه والاوجـاع تند م ولا ينفعـك دمـع العيونـي الخيمه اللي دون عمـدان وشـراع يمكن تطيرهـا الهبايـب بهونـي انـا العزوبـي واتسكـع تسكـاع تكفـون بالله يالعـرب زوجونـي |
صح لسانك وذوقك ولاهنت
على القصيده الرائعه وتسلم ولله لايحرمنا منك ومن جديـــدك تقديري وشكري لك دووومــاً .. |
الله لا يحرمنا منك ولا من شوفتك
شكرا عبدالله من الاعماق لمرورك الحلو |
صح لسانك ولسان شاعرها
|
الله يزوجك:D وصح قلبـــــــــك على روعة القصيدهـ لاعدمنا رووعة جديدك يـ ذوووق |
خلاص ياواثق مرتك عندي وانا ام هندي هههههههههههههه
صح الله السان من قال القصيده واللحين ترى البنت هي تبي الفلوس الحين الدنيا غلت ماله شغل ابوها عزالله ماياخذون شي قول يمكن يزيدونهاااا بعد ولايكفي |
جزاع اخوي مرورك اسعدني
ونور صفحتي يسلم راسك |
امين يارب
ويزوجك انتي نورتي صفحتي الصغيره |
تسلمين اختي دمعه وماتقصرين
اعتبري نفسك الوسيط بس الله الله لا وصيك ابي بنت سنعه وتبيض الوجه نورتي صفحتي دمعه |
وام النقاب اللي تمصـع تمصـاع
قدام عينـي والبشـر يشهدونـي كنها تمتـع فـي عذابـي تمتـاع وانا العزوبي كان ربـي افعونـي ههههههههههههههههه اشهد انه ساحك على جبهته انـا العزوبـي واتسكـع تسكـاع تكفـون بالله يالعـرب زوجونـي واثق ياخوك ليه الديون وعوار القلب ؟؟؟ مالك ومال مكسرين السوالف = سافر وخل معذب القلب يرتاح في ديرت(ن) ماتشوف فيها معارف = ما تشوف فيها غير خشفن وسواح |
| الساعة الآن 10:59 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
