( الـمـمـلـكـه الـشـعـريــه الـسـعـوديـه )
 

السلام عليكم ورحمة الله وبركاته


http://qnadel.net/up/uploads/qnadeel-2b7fce57e7.bmp



تدور الأيام وهمومي معاها تدور _______ والاموات مازادوا الا بزدياد القبور


حتى الشجر .. رغم كبره ! .. بس يبقى ضعيف _______ ماترتفع هامته .. لو ماتمده جذور


محتاج .. اراجع حساباتي وافكر بها _______ والوم نفسي بتقاعسها .. وكثر القصور


ياليتني يوم قالوا : عد قصيدتك _______ اسكت ولا اعدها الا لوافيين الشبور


لو قالها : الشاعر المشهور ؟! .. طاروبها _______ ولا قلتها : قالوا : زوينه !! وفيها حضور


قصايدي ( مملكه شعريه ) مخلــٌده _______ والعاهل : سعود .. وابياتي ( حدايق زهور )


تنقش بصدر الحجر .. تكتب بماء الذهب _______ عطور لكنها ماهيب مثل العطور


لامن قراها الحزين .. تهز مشاعره _______ ولامن سمعها الشقي .. تبعث عليه السرور


ماني بمعتاز اسوي لي ( دواوين شعر ) _______ سويت ديوان مبطي .. وانطبع ( بالصدور )


إذا لـمـوتـة ( يـزيـد مـعـاويـه ) ! .. حاسدين ! ______ وشلون ؟ مـايحسدوني ؟ .. عاشقين الظهور


طيب روابع .. وارد العلم .. ولسان قوم _______ واشري النصايح .. وابدي شور واصغي لشور


الأنسان لولا الكرامه .. وش يبي في دنيته _______ وشلون ؟ يقدر يعيش انسان ماهو غيور


كم من مؤمل قضى عمره وهو في رجا _______ توبه نصوحه .. ورحمه عند رب ٍ غفور


الحمد لله وهب لي عقل .. يازن بلد _______ ( اعرف خفايا الصدور ) ..( اقرى مابين السطور )


ياللي تماديت في صدك .. بليا سبب _______ ان كنت بتروح ؟ .. روح .. وجعل دربك سفور


الله يوفقك .. في الدنيا .. ويستر عليك _______ ماجاك مني ردى .. ولاشفت مني قصور


قل للذي يدعي ( بالفلسفه ) كل شي _______ كثر التغابي ذكا ! .. وكثر التواضع غرور !


تضيق في عيني الدنيا الامن نظرت _______ حولي ولا اشوف غير انسان كله كسور


لاشفت غيري ! مع خله .. وعايش سعيد _______ تفــُـتق الجرح فيني عقب ماهو جسور


بليغ من كان له ( حكمه ) في راسي بقت _______ عز الله انه صدق وان اشهد انه معذور


مايعرف الشوق ! غير اللي يكابد هواه _______ ولا الصبابه ! سوى من كان فيها صبور


غلطان ! يومني اعد القصيده على _______ ناس ٍ ماهي تعرف الأنصات ولا الحضور


لو ان شعري شعير ؟ .. استطعمته الحمير _______ لكن ! شعري شعور .. وهي مافيها شعور



/

\

/

\


لــ " سعود بن مهدي "

أختــــيار موفــــق فــهد


وصح السان شاعرها



وتسلم علي نقل

دائما هذه هي اختياراتك اخوي فهد,
اختياراتك تتميز بطابع آخر وغير,

شكرا لك على اختيارك ونقلك.

شكراً


فواز

..


:)

بعيد الهقاوي ,,



مرورك يعني لي الكثير !!



شكراً لك !!

جنون ,,



مرورك زاد الابداع ابداعاً !!




شكراً !!

طاب منقولك

امتعتنا بالرائعه


تقبل تحياتي


الملعبي