|
كـــان ودك بالفـــراق ابشـــر عسى عمـــرك طــويل
كان ودك بالفراق أبشر عسى عمرك طويل ** لا تردد وإنت لك كلمة ولك أمر ٍ مــطاع لي عليك إنك تبت بكلمة تشـفي العليل ** ولك علي إني لأوقف وقفة الرجل الشجاع لا تجاملني مخافة قال ما أدري خـوف قيــل ** عمر كلام الناس ما يسمن ولا يغني جـياع كان قصدك سر حبك أوعدك لأصبـح بخيــل ** وأحمل أسرارك معي للموت قدر المستـطاع بس قلها .. قل"ما أحبك" وأبشر بصبر جميل ** لا تحسب إني مـثل من طبعهم لوي الذراع صاحبك ما هو كذا يا صاحب القد النحيل ** صاحبك طبعه غريب وغربتـه غربــة طـباع في الهوى ما يقبل الحل الوسـط ولا القـليل ** مثل ما هو لا شرى يشري ليا من باع باع كم تعلم من شديد البدو وش معنى الرحيل ** وكم تعلم من غروب الشمس وش معنى الوداع كم تعلم من سحاب الصيف وش معنى الحصيل ** وكم تعلم من ليالي البرد وش معنى الضياع إيه أنا هذا طريقي موحـش وصعب وطويل ** وإنت لا منك تعبت العالم فجوجه وسـاع إعتبرني في بداية سكتك عابر سبيل ** رح وأنا قلبي معك من وين وجهت الشـراع يكفي إني لا انذكرت في سالفة عشاق قــيل ** عاشر أحبابه شجاع .. وفارق أحبابه شـجاع |
مزاجيه
قصيده روعة وجميـلة جداً صح لسان شاعرها وتسلمين لنا على النقل المميز لاتحرمنا مث لهذه الروائع تقبلي تقديري وودي ... |
تسلمين مزاجيه على القصيده الروووعه..!! صح لسان من كتبها
تقبلي تحياتي..:) |
الاروووووع هو مرورك ياعوود
والله يسلمك نورت الصفحه بتواجدك |
الله يسلمك ......... وصح بدنك يافهد
نورت الصفحه بمرورك العطر |
يكفي إني لا انذكرت في سالفة عشاق قــيل
** عاشر أحبابه شجاع .. وفارق أحبابه شـجاع يا سلام على هالكلام |
كان قصدك سر حبك أوعدك لأصبـح بخيــل
** وأحمل أسرارك معي للموت قدر المستـطاع بس قلها .. قل"ما أحبك" وأبشر بصبر جميل ** لا تحسب إني مـثل من طبعهم لوي الذراع صح لسانه ولاهنتي على النقل المميز تقبلي مروري |
إعتبرني في بداية سكتك عابر سبيل
** رح وأنا قلبي معك من وين وجهت الشـراع صح السانج وصح السان شاعرها وشكرا علي نقل |
عزوز نوووووووووورت.:) |
صح بدنك ياعلي وحياك الله ياخوي.. |
| الساعة الآن 05:16 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
