وقال علي الهجلة :
السحيمي لو يموت يموت ثلثين الحروبي ـــــــــــــ مايضلي حي غير اللي ما في راسه حماسة
لو راحوا للشمال ولو راحوا للجنوبي ــــــــــــــ وين يلقون العلوم ووين يلقون الأناسة
رد صياف :
أنت لو تموت ، من كثر الزعل شققت ثوبي ـــــــــ مانبيك تموت والطلاب في نص الدراسة
لا تهمك حرب قومانن يقصون الدروبي ـــــــــــ شيل هم اللي ليا أوحى العلم قام يهز راسة
زيد بن سلمي العضيلة :
يقولون منهو معتق العبد مسعود #### واقول الملك فيصل عسى الله يحله
رد حبيب العازمي :
هذا عبد للعتبان سموه جلمود #### ذبحله مطاري واعتقه وراثله
عبدالله بن عتقان :
يقولون الفتن ثنتين منها فتنة الدجال ........وانا خايف حبيّب يطلع الدجال يازيه
رد حبيب العازمي:
ولا ياسليم فيكم عبرتن من ماضي الاجيال ...... بشر لكنّ فيكم شكل لا ذيه ولا ذيه
مستور العصيمي :
هذا زمانن مضى والحين يافلان ...........حطيتلك ياحبيّب عم غاري
رد حبيب العازمي :
انته متى جيت عمي ياكحيلان ..........عمتبك اللي تهبّد في الغداري
عبدالله الميزاني :
اسمحولي يامطير العازمي طول لسانه ........ودي اسوي مع التحقيق واكتب فوق خده
رد حبيب العازمي :
حجة الجاهل ليا منه غلطها وش خوانه ........ كيف تكتب وانت كفك شبر ماتقدر تمده
تركي 2000 :
ياحبيّب وش يذريك فاليوم المخيف ### من يهبد الارض فوقه يطير اغبارها
احمد الله واشكره ثمّ عوّد في عفيف ### وانتبه من بدلتك قبل اقص ازرارها
رد حبيب العازمي :
اتذرى في حزامي وفالسيف الرهيف ### وانطح العدوان وادقها فازوارها
لاتحرى بارق الصيف وانته فالخريف ### حفرة الشيطان طاحت على حفارها
عيضه الثبيتي العتيبي
امنول السرحان لامنه غزا يلقى عشاه//واليوم ياكثر السباع اللي تحد سنونها
رشيد الزلامي
الذيب الاقشر وش يحصل مابقي فالارض شاه//كل الغنم صارت ذياب تروعها بعيونها
عيضه العتيبي
لن كان هذا ذيبكم في ذيبكم صار اشتباه//اذيابنا حنا ماتفجعها المعز وقرونها
|