ما يشبهون لبعضهم يا صاحبي فيه اختلاف=اللي نوى خير وعمل واللي نوى شر وعمل
الخير واجد لو نبي والشر فالعتمه يشاف=لو يختفي ما يختفي إلا على واحد جهل
اليوم لو نزرع امل.. بكرا نبي جني القطاف=ننسى مشاركنا الفرح نذكر مشاركنا الزعل
اللي يموت من الغرق لو عاش ما اختار الجفاف=تناقض الرغبه قدر محدٍ يخطط للفشل
اسهل نصدق كذبنا ونشوف خلق الله نظاف=صعبه نصدق حلمنا لو حلمنا صدفه حصل
نضحك على كثر التعب ما نعتبر من شي طاف=في كثر ما نلقى فرح يا كثر ما مات الأمل
وين الصديق من العدو اشباه والنيه ضفاف=وين القلوب الطاهره اللي تبادلنا الوصل
ما هو قوي اللي قدر يضحك على قلوب الضعاف=دام الهوى ضعف البشر ما سمي الخاين بطل
فعيوننا شيٍ غريب نظرات ما فيها اعتراف=كلٍ تغير معدنه من قسوته محدٍ خجل
لو قلتلي يا صاحبي يا صاحبي فيه اختلاف=طبعاً ترى حنا بشرما فينا واحد اكتمل

الموضوع الأصلي: .. قصيدة أهديها إلى من يدرك أنها له .. || الكاتب: عود الليل || المصدر: منتدى الجبلان الرسمي

المصدر: ::منتدى الجبلان الرسمي::

عاشر الناس معاشرة إن أحببتهم حنوا عليك ..

وإن مت بكوا عليك ..

وعاملهم ليس لأنهم كرماء بل لأنك أنت الكريم ..