والله وصرتي تستهينين فيني =وانا الذي سويت لك قدر بيديّ
تدرين وش كنتي قبل تعرفيني ؟ =ان قلت لك كنتي ولا حاجة شويّ
انا الذي فرشت لك رمش عيني =وعملت منك شي وانتي ولا شيّ
جيت اعشقك ما جيتك لك تحقريني =جيت اسكنك بسمة ما هو بسكنك غيّ
لا صرت عامل لك قدر قدريني =ترا الكرامة صفحة ما لها طيّ
ما دام ما جيتي غلا لا تجيني =نار الجفا عندي ولا الذل بالفيّ
والله لاهجرك قبل لا تهجريني =اجل تبيعيني واجيلك برجليّ
يا تتركين الكبر يا تتركيني =لأن المحبة شي والمهزله شيّ
إن كانت الدعوة غلاي وحنيني =يمكن يزول الحقد ويشعشع الضيّ
لكن حكاية ينحني لك جبيني =في ذمتي ما ينحني لك وانا حيّ
من اج ـــــــــمل قصائد حامد زيد ...
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|