شيلة / لا تلومني لا جيت كلي من اقصاي.. ثامر شبيب الدقباسي

اعجبتني فاحببت ان تشاركوني سماعها

قصيده بصوت الشاعر ثامر شبيب والشيله بصوت حمد الرشيدي

لا تلومني لا جيت كلي من اقصاي

ما فيه غيرك لا تضايقت جيته

جيتك ولاغيرك ذكرته بمسراي

جيتك وكل انسان غيرك نسيته

جيتك وقلبي دقته تسبق خطاي

جيتك اقول مفارقك ما قويته

ان مر يوم بالعمر منت وياي

اشتاق لك شوق المسافر لبيته

مثل الهوا تحتاجه الناس والماي

يحتاج لك قلبي هواك وهويته

دامك معي ماقصرت يوم دنياي

دامي خذيتك وش بقا ماخذيته

وان كان تنشدني بعد ليه انا جاي

ابشر برد(ن) يقنعك لا قريته

جيت اعترف بالفرق يا اخر مناي

بينك وبين اللي عشانك جفيته

اني ليامن جيت لك (همك رضاي)

واني ليامن جيت له (ما لقيته)

لا تلومني لا جيت كلي من اقصاي

مافيه غيرك لا تضايقت جيته

الموضوع الأصلي: شيلة / لا تلومني لا جيت كلي من اقصاي.. ثامر شبيب الدقباسي || الكاتب: وهج || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::