قصة طائرة الدياحين

قصة طائرة الدياحين

بسم الله الرحمن الرحيم


السلام عليكم ورحمة الله وبركاته


الحمدلله والصلاة والسلام على رسول الله وعلى آله وصحبه أجمعين


هجمت مجموعة من مطير على قبائل الشمال التي كانت في حماية العراق ابان الاستعمار البريطاني له,فأخذو منهم مجموعة كبيره من الأبل و رجعوا بها, و اثناء رجوعهم لحقت بهم طائرتين ,وكانوا الدياحين و البرزان في مؤخرة القوم,فأخذت الطائرات تنزل عليهم و ابل من النيران فتصدوا لها الدياحين و اسقطوا واحدة منهن في وادي الباطن ويقال أننعير بن رفيدان المشيهبي الديحاني هو الذي اسقطها فقال الشاعر فالح بـن دابــس الديحاني هــذه القصيـده فيها هـــذه الحادثــه



يالله انك لا تـعـمــر بالنصارى
كيف حتى الطير صاروا يصنعونه
يـوم لحقـن فرعـنـا صف تبارى
صوتهن يرعب رجال يسمعونه
يوم لحقن واشهب البارود ثارى
مثل زلزال الرعد بأعلى مزونه
لادرق عـنهـا ولا عـنها مـنارى
بـس كـل يـمـهـا تـنظـر عـيـونه
اطرحوها اولاد (مدوح) بالنهارى
وانشـد اللي حاضرين يشاهدونه
طيرهم من ضربنا غادي كسارى
انشد (البرزان) يوم يناظرونه
لابتـي عـاداتـهـم فـك الـحـرارى
جيشهـم يـوم الملاقا يحتمـونه



وهذه معجزه من معجزات الحرب لقبيلة الدياحين وعلى اسقاط
الطائره شهود من غير الدياحين الا وهم البرزان .


انشد (البرزان) يوم يناظرونه



المصدر منتديات الدياحين
مراقب الاقسام التاريخية
عبدالله المشيهبي

الموضوع الأصلي: قصة طائرة الدياحين || الكاتب: فهد الواصلي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

اسقاط الطائره للعبيات وهذه القصيده

يوم تهيا بايمن العاذريات=يوم عبوس ويودع الراس شايب
لحقن (تنابيل) على الهوش جسرات=مقصودهن ارقابنا والركايب
يصوعنا الرشاش والملح غشنات=مثل البرد من مرزمات السحايب
يقول ردوا ماش فود وسلامات=ونقول تجهل يا علي وأنت شايب
الجيش من دونه عيال العبيات=بمشوكات يجدعن الضرايب
يوم الحقونا والحقونا القصيات=سقنا لهم تسعة عيال جلايب
جلايب ماهم لبيعات وشرات=رخاص العمار إلى هبى كل هايب
سقنا (مناحي) وارد حوض الأموات=والريق من بين الشفاتين ذايب
وحسين كان إنه غدا الهوش لو ذات=وديع تالينا وتال الركايب
يوم اشبكونا بالغصون القويات=فكك عمار جودتها النشايب
وأبو (خلف) راع العلوم القديمات=يا ويلنا لو هو هكاليوم غايب
و(مناحي القني) معش المجيعات=حدب النسور إللي بروس الزرايب
و(شداد) شوق إللي ثمانه رهيفات=يحدهم حد الجمل للعرايب
و(مطلق) صبي الحرب ما فيه هرجات=شوق الهنوف إللي تكد الذوايب
ومعنا ثلاثة من عيال السيالات=إللي جذبهم ماض الأفعال شايب
وعقب ركبنا والمواتر مقيمات=متقابلات مثل وصف الزرايب
إللي عليهن راح من ضمن الأموات=متجضعات كنهن الخشايب
والصبح لحقتنا طيايير صفات=اركن علينا حاميات اللهايب
وحده طرحناها وخمس سليمات=رصاصها بايمان ربعي نهايب
من هاش منا يا لبني العذيات=يستاهل الحبة وشقر الذوايب
ومن ذل منا يا لبني العفيفات=يخسى وخلنه يخض الغبايب
تراه مابه يا ريش العين صرفات=ريال يردونه هل السوق عايب

فهد الواصلي..
ونعم بالدياحين وبريه وهذي أردى فعولهم ..

ولكن هذي ماتعتبر معجزه والمعجزه عبارة عن حدوث الامر الخارق للعاده والغريب اللي أول مره يصير..

والجبلان جادعين طيارة والدياحين يمكن جادعين طياره والبرزان والهوامل..

لكن الأوله للعبيات وفيه كتب يقولون بمساندة ثلاث أواربع هوامل معهم..

يعني هي المعجزه بس واللي يجي بعده يصير شي عاادي..

ومايحتاج نتناقل مثل هالمواضيع الحين لأنه ماهي فايدتنا شي ولاهي زايدة الدياحين شي ولامنقصتهم..

مع العلم ان الغرب يجدعون الطيارات الحين بالدبوووس (:

والدياحين أشهر من علم براسه نار ومايحتاج ..

تقبل تحياتي..

ونعم في الدياحين اردى فعايلهم.....

هذولا عصابة الراس ...ومطير رمت من الطيارات واجد..بس اتوقع...الدياحني يقصد الطائره الي ظربة الواصليه فوق من الحفر والي انذبح فيه من واصل من العوارض به ناس..