وراه يمشي مثل مشي المعوق

وراه يمشي مثل مشي المعوق

بعد أن مللنا الشعر ومتابعته, لابد أن نجد لنا وقفات مع الشعر الحقيقي بعد أن أصبحنا بلد الثمانية عشر مليون شاعر,,

يقول الشاعر لافي الغيداني:


أقبل يحرك خطوة الرجل برفوق = والـــــقاع لمصافح خطاه يتـــــشوق

مخلوق لا كنه ماهو بأي مخلوق = على بنــــــــات آدم وحوى تفــــوق

عليه لبسٍ يجمع الوسع والضوق = موسع بعضه وبعضــــــــه مضوق

مر وتعدى مابدى منه منطوق = إلا أنه بجيـــــــش المفاتن مـــــــطوق

خلاني أمشي وأقضب الدرب واتوق = ماني بتايق فكر لاكن متــــــــوق

تقول مرميٍ على الأرض من فوق = وإلا من الـــسم السقطري مذوق

يغفى علي شوي وشويٍ أفوق = وأقول لا أستيــــــــقضت والبال روق

مادام لا أمعوق ولا صايبه عوق = وراه يمشي مثل مشــــــي المعوق

اللي على حاله خطر من هل السوق= مفروض يمنع مايروح يتسوق

الموضوع الأصلي: وراه يمشي مثل مشي المعوق || الكاتب: بعيد الهقاوي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح لسان لافي




ولاهنت يا بو صالح عالنقل

صح الله لسانك ولسان شاعرها .. لاهنت

مادام لا أمعوق ولا صايبه عوق = وراه يمشي مثل مشــــــي المعوق

اللي على حاله خطر من هل السوق= مفروض يمنع مايروح يتسوق

ودك اللي مثل هذي ماتروح تسوق

تسبب مشاكل <--- هع هع

أوافق أخوي سلطان النظر


لاهنت يابو صالح

اشكر لكم مروركم جميعا.