ألفية أبن عمار

ألفية أبن عمار

هو الشاعر :
محمد بن راشد بن عمار
المتوفى عام 1351هـ
من أهالي ثادق .. وهاجر الى مدينة حائل لظروف غامضة
وتلقى من اهل حائل كعادتهم الاستقبال والترحيب ..
ثم جاءو اقاربه واعادوه (غصب) الى بلدته ثادق
ثم فر هارباً مرة اخرى وعاد الى حائل ومكث في حائل والف الفيته المشهوره
التي كتبها عنة لكونة لايجيد الكتابة الشاعر فهد مطلق الازيمع الجبلي المطيري
وكان كل يوم يذهب اليه ويملي جزء منها
وقد كان معه ايضاً صديقهم : محمد الخلف الشغدلي
وكان يطلق عليه (أبوخيشه) واختلفت الروايه حول هذه التسميه
فأقاربه يقولون ان سبب تسميته بابو خيشه انه كان قادما من العراق ومعه خيشة
مليئة بالذهب وفي طريقه صادف قطاعة طرق .. فهرب منهم فاصبوا جواده
فحمل الخيشه على ظهره وهرب بها ولجأ الى جبل قريب فلم يستطع القطاعه الامساك به
وهنا بحائل مما هم عاصروه يقولون انه من شدة حبه لحبيبته اصيب بحاله نفسيه شديده
حتى وصل به الأمر أنه يضع على راسه خيشه (يلبسها على شكل غتره )
ولاشك أنه شاعر وفارس فقد شارك مع الملك عبدالعزيز في غزوة البكيرية
اما القصيدة فهي لاشك انها من معجزات النظم النبطي .. سوا بطريقة نظمها أو ماتحتويه
من المواعظ والحكم .. وقد أختلف الكثير حول (حرف الضاد) وخاصة الشطر الثاني من البيت ألأول
فمنهم من يقول . هذا (طامع) ماتبينه .. واخر يقول هذا (صغير) لاتبينه ..
والأكثريه يؤكد قول : هذا (صانع) لاتبينه وهذا ما اكده الشاعر (الازيمع) ان هذا االصحيح
ولعل مايؤكد هذا إنه كان يعمل بتصنيع الآواني وجاءته امرأة تريد ان يصمم له بعض الآواني
فاعجب بها ولعل أحداث القصيده تتحدث عن تلك الأحداث والتبعيات لما بعد هذه النظرة ..
** ولكن الذي يحز بالنفس هو انكار اسرته وذويه استضافة اهل حائل له
ففي اكثر من لقاء مع احفاده لم ياتوا بسيرة حياته في حائل الا احد ابناء عمومته الذي اتهم
اهل حائل انهم حرفوا بالقصيدة وهم من لقبه (بابي خشه)
وبعيدا عن هذه الخزعبلات يبقى الشاعر محمد العمار شاعر لكل عصر
فقد تصدرت الفيته في وقتها ومازلت يحفظها الكثير من الناس وهاهي الآن تغزوا الجولاات
فلا تكاد جوالات متذوقي الشعرإلا ويحملها شعرأ أومغناة بصوت الفنان الحائلي (سالم الحويل ) لما تحتويه من ابداع في الحكم والوصف والألغاز (الرطيني) وغيرها من فنون الشعر00


والآن أترككم مع القصيده :

ألف أولف من كلامٍ نضيفي=ودموع عيني فوق خدي ذريفي
من لامني في حب ذاك الوليفي=أدقاق رمش العين سيد الخوندات
خوندات ياللي مابعد عاشرّنـه=قله تراهن بالهوى يذبحنه
قلبي وقلبك يالموّلع خذنه=عزي لمن مثلي تعرضت الآآفات
الباء. بليت بحب خلي على ماش=ولا حصل لي منه مايبرد الجاش
غديت أنا وياه طاسه ومنقاش=بالوصف كني يالمعزي سلامات
معزي سلامات الذي يذكرونه=نبي السلامه منه وإهي المعونه
يقول طيـّب مير غارت عيونه=سبب ولدكم واحدٍ صايبه مات
التاء. تبعت الزين والزين مقفي=أمشي وحتفي شايله فوق كتفي
لاشفت مجدولٍ وكتفٍ وردفي=ما أقوى ألتفت لوّ طوحولي بالأصوات
أصوات لوّ قالوا سفيهٍ وسايح=طرد المقفي للمشقا فضايح
قلت أيه مير أعلومكم والنصايح=مثل المطر فوق الصحون المكفات
الثاء.. ثمانه حب رمّان طايف=أوّ قحويانٍٍ في رياضٍ عطايف
متنفلٍ بالزين سيد العفايف=عمهوجٍةٍ فيها من الحور شارات
شارات فيها من ظبيّ الحمادي=هيّ لذة الدنيا وغاية مرادي
من يوم شد صويحبي من بلادي=عليه جاوبت الحمامه بالأصوات
الجيم.. جاني من عشيري كلامي=ولا لقينا من يرد السلامي
عليه زرع القلب هايف وضامي=مالي جدا كود البكا والتنهات
أنهت على مافاتني من زماني=يوم الحبيّب زارني في مكاني
وراي ماخذت القضـا يوم جاني=توي دريت البيض فـيـهّن غرات
الخاء.. خليلي صار مني قريبي=جعلي نصيبٍ له وهو من نصيبي
ودي أواجه نور عيني حبيبي=مير الوحيد أزهيد مافيه نوهات
نوهات نوهاتٍ غدت من غثاالبال=طول النهار مسيم عمّال بطـّال
وأنا ترجا كل حولٍ إليا حال=دنياك هذي ياريّش العين نشبات
الدال.. دامي مامسكت الذوايب=لوّ قيل طيّب قلت ماني بطايب
هاتوا ستاد القبر..دنوا نصايب=دنو دوات الحبر بكتب سجلات
سجلات أريد أكتب بها ليّ وصيّه=عمري غدا ياويل أهلي عليّه
قولوا لصاف الزين ياقف عليّه=ياكود يعطف وتحسف لما فات
الذال.. ذالي عنه مدة ليالي=أن قيل سالي قلت ماني بسالي
والله مايطري على شف بالي=ألا أنت ياراع الثمان الرهيفات
رهيفات فيهن للموّلع طرابه=مجمول مدلولٍ ولابه طنابه
ياليت من يدخل معه في ثيابه=وسج أنا وياه بالعمر سجات
الزاء..زماني شفت منه الهوايل=لاصار حظي بالغنادير مايل
الزين لوّ نترك قصيرٍ وطايل=لاشك وين العقل هيهات هيهات
هيهات لوّ بالعقل يادب لبـه=ماكان يتبع واحدٍ مايحبه
لاصار قولي له خريطٍ بدبه=وش لك بشوفه بالعيون المشقات
السين سلمت الدراهم وعيّا=واللي بغيت من الغظي ماتهيّا
يقول والله لوّ تحب الثريا=خذني على السنه تشوف الطرابات
طرابات ينسّنك جميع الدروبي=أغديك في تالي حياتك تتوبي
وجعل مقرك بين جلدي وثوبي=حتــى تشوف البيض فيهّن جنات
الشين.. شاب الراس ياعذب الأنياب=واللي برجوى توبةٍ ذاك قد تاب؟
إليا بدالي حاجةٍٍ فافتح الباب=يرحمني اللي عالمٍ بالخفيات
يرحمني أني فيك يازين مفتون=من حبك أسهر والخلايق ينامون
ألهيتني عن مذهب اللي يصلون=ماعاد أميّز لو قران التحيات
الصاد..صيدي يوم ألايم غريمي=شفقٍ على الحبه ولمس البريمي
ماهوب صيدي قلّةٍٍ بالحريمي=لاشك كلٍ له مع الناس مشهات
مشهات مشهاتي ظبيٍٍّ فريدي=حب العرب ينقص وحبه يزيدي
لاشفت ذاك الزين هو يوم عيدي=تصبح بساتين الضماير مريفات
الضاد...ضدي حال بيني وبينه=يقول هذا صانعٍ وشتبينه
عسـى العما يبلاه بصبيّ عينه=سهر ولا يمرح من الليل ساعات
ساعات جعله مايشوف الجدارا=ولا يعرف الليل هوّ والنهارا
عساه يوم البعث يبعث حمارا=وحملونه حمل الأسراف سيّات
الظاء.. ظمان ان من توّلع بالأثنين=لابد تترك عشرته يامسيكين
ماينجمّع وسط المرابط حصانين=يجي لهن حوسٍ ودوسٍ وصقلات
صقلات يصقل يوم دنوّا طعامه=شفقٍ على العيشه ولاهي بحامه
أسمع جوابي ياهبيل الفدامه=إليا جمعت الحصل فالحصن خطرات
الطاء..طويت الياس والسد باحي=ماعاد ليّ شفٍ بظبي البراحي
لعلها هفّت خفوق الجناحي=اللي سبوقه فوق رجله مطوّات
مطوات طار وراح في يوم هبّه=راعيه لوّ زر اللوا ماينبه
يتلا فروخٍٍ للحباري غدت به=يبغا العشا مابين فخذٍ وثندات
العين.. عن من ينقل الهرج حذراك=تراك كنّك ناقلٍ داك برداك
إليا سمع له هرجةٍ من حكاياك=يحطها كبر القصور المبنات
مبنّات يبني مثل خشم الغرابه=ويكرد المشروب عقب الطرابه
وهو يشابه بومةٍ في خرابه=لاناقلٍ هرجه ولا كفو هرجات
الغين.. غاب العقل بأول شبابي=وأدميت من تلعات الأرقاب نابي
واليوم شاب الراس والكيف طابي=ماني على الفيات كثير الحسوفات
حسوفات لاتندم على اللي غدا منك=أيضا ولا تفرح على اللي يجي منك
مادراك لوّ موجب سبب صدته عنك=ناهيك وليّ العرش رب السماوات
الفاء..فوادك لاتوليه حساد=وحذر يجي لك مع هل السوّ منعاد
اضحك وخلك عن جميع العرب صاد=ثم اعتبر بالذيب يضوي بغارات
غرات يضويها وهم مادروبه=واللي يوقف بالحراوي هقوبه
كم واحدٍ وقف ولا قظا ذنوبه=يكسر إليا شاف اللحم كنه أحدات
القاف..قل للي يزيد النواميس=اللي شفوقٍٍ للهوى يرخص الكيس
إليا بذلت النفس والكيس وبليس=يطيح ناسٍ يدعون الدايانات
بدايات صارت للخلايق علاجه=يلقا بها راع الهوى قضي حاجه
إليا بذلك الحب جتك الدجاجه=حاضت وباضت لوّ تبي عشر بيضات
الكاف كن السد في كل الأحوال=وحفظ لسانك لايقولون ذا قال
حتـّى تجي محبوب محسوب رجال=لاجيت بالمجلس نواظرك صقلات
صقلات لاتامن من اللي يحاكيك=وهو عدوّك تحسب انه يحاكيك
ياذيب كان الله على الرشد هاديك=أكتب كلامي بالضلوع المحنات
والام..ليت العمر ينكس لحلّه=قيمة ثلاثين السنه في محله
الرجل قبل الشيب واحلو دله=وأن لاح فيه الشيب مافيه لذات
مافيه لذاتٍ ولايقبلونه=لوّ حط له ردنٍٍ وكحل عيونه
أهل الهوى عقب الغلا يكرهونه=لو كان صافاهم على فايتٍ فات
والميم..مامثلي من الناس جرب=ولا مثلي أحدٍ في زمانه تطرب
لاويت صاف اللون فوق المضرب=كن العدو عني عيونه مداوات
مداوات ماودي يجي له عباره=واللي يجنب عنك وش لك بكاره
الحذر ماياطا بوسط الخباره=لازم يجي فيها عقارب وحيّات
والنون.. نام الحظ مافيه حيله=عيّا يباريني أنا ازريت أشيله
من يوم فارقني عريض الجديله=قامت تكسر في حشا الصدر عبرات
عبرات ضاقت بي حنايا ضلوعي=عليك ياخلي حسين الطبوعي
دين الوجع ماقط كفن دموعي=دايم عيوني في مراعاك سهرات
الواو.. ويل أهل الهوى من هواهم=أن كان مافيني بحالي وطاهم
كم ليلةٍ يصبح غبيبٍ عشاهم=إلاّ لقيماتٍ على الكبد مرات
مرّات لين ابرد من الترف شفي=ووسده عضدي وزندي وكفي
وأشهر بحبه باينٍٍ ومتخفي=ثمٍ يجي للزاد والشر لذات
والهاء .. هواى العاشره يافطيني=والسابعه ياللي تعرف الرطيني
كاميه ماودي لضدي يبيني=والخامسه ماتنحصا عداد الأميات؟
أميات مات القلب كم كثر همي=أشكي عليك الحال ياولد عمي
أنته عظيدي وأنت لحمي ودمي=ترضاه يجفاني ولاني بمجفات
الياء.. يولّع في ضميري حريقه=أذكر شرابي من قراطيع ريقه
وهز نبنوب الغصون الوريقه=في عرض بستانٍٍ روايا ولدنات
لدنات نسناس الهبايب يديره=واللي تولّع به حباله قصيره
ماضن يبرد واهجٍ في ضميره=ألا على سلسال ذيك الشفيّات

:
ولكم مني عطر التحايا

الموضوع الأصلي: ألفية أبن عمار || الكاتب: أبومحمد || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

ابو محمد ,,

بعد الغياب ,,





ارررررررررررررررررررررررحب ,,



يشفع لك الموضوع المثمر ,,



شكراً لك


شكراُ لك ,,






الى الامام دوماً !!

أخوونا ابو محمد جهودك جبارة ومواضيعك ذات فائدة كبيرة.

نشكرك على هذه الجهود والمعلومات القيمة التي نستفيد منها في جميع المجالات.

لا
هنت
على
الموضووع
شاكرلك

سسسلمت يمنآك على طرحك


ابدعت بروعة إختيآرك ,, دمت بود

الله يعطيك العافيه اخوي ابو محمد
على الموضوع المميز

وان شاء الله نقتدي بما تطرحة من مواضيع دائما يكون لها تميزها الخاص

تحياتي لك
اخوك
الجارح

ألفية هذي جنان ..

ومعروف أبن عمار ..


صح أختيارك أخوي أبو محمد .

وصح لسان شاعرها . أبن عمار .

تقبل مروري

أخوك هشام الظويفري

أهلا بكم جميعا حضوركم أضاف الكثير

دوما مشاركات أبي محمد تثني على نفسها ولا تحتاج ثناء من أحد , ولكننا لا نملك إلا أن نثني عليها .

سلمت أنامل المتألق دائماً أبو محمد

اقتباس: المشاركة الأصلية كتبت بواسطة سطام العوض     دوما مشاركات أبي محمد تثني على نفسها ولا تحتاج ثناء من أحد , ولكننا لا نملك إلا أن نثني عليها . سلمت أنامل المتألق دائماً أبو محمد

العزيز سطام 000

حضورك أفرحنا واضاف لنا الكثير0000000000000