أهـل الثلاث معجّزات < مطير > .

أهـل الثلاث معجّزات < مطير > .

يتكلم الشاعر عن مناسبه القصيده بنفسه منقوله حسب ماكتب وسطر
--------------------------------------
السـلام عليكم ورحمه الله وبركاته
مناسبه القـصـيده/ لقد سمعت احد الاشخاص يتكلم عن قبيله مطير بما لاتستحق مما اغضبني وحدث بيني وبينه خلاف
أهـــداء/ أهدي هذه القصيده الى كل من ينتمي الى قبيله مطير واتمنى ان تنال على اعجابكم ،،،،،،،، وتقبلوا خالص تحياتي

حنّا مطير أهل الشرف والمهابـه=حمر النواظر تاج راسك للهالحين
يوم الحروب ويوم كانـت أنهابـه=وقتٍ مضى ما ترفع الراس والعين
مثلك نهار الكـون مـا ينشقابـه=أطيبكم اللي قيمته خيشـه اطحيـن
أبفتخر فـي عزوتـي يالزلابـه=حنا حرار الجو وانتـم كراويـن
مطير من عصر النبي والصحابه=أسياد في وقت الجواهل وفى الدين
إليا أعتزوا زادو شموخ وصلابـه=وسط الجزيزه ثابته كالضلاعيـن
نمتّد من الحـره للشـرق اللهابـه=أرضاً بحد السيف عليهـا معييـن
واللي غزانا مـا تعـوّد ركابـه=أتلاء عهدهم يوم جونّـا مغيريـن
من رميّنا محد يـروح بصوابـه=ويشهد على ما قول روس المعادين
الله خلقنـا للمـعـادي ذهـابـه=نمسح وجود اللي نوانا على الشين
نغزي ونكسر كل كايـد صعابـه=وعلى ظهور الخيل جبّنا البعارين
يسلـم محالفنـا ويحشـم جنابـه=ويبقون بحمانا ما دامـوا مقيميـن
يذري ذرانـا لكـل حـي لجابـه=زبن الدّخيـل وللعوانـي بساتيـن
وعز الصديق اليا شكى كل مابـه=يلقى الحشيمه عند ربعاً حشيميـن
والطيب فعله مـا فقدنـا صوابـه=فينا الكرم فينا الشهامه عناوييـن
الضّيـف لامنـه لافنـا هلابـه=مبّركين الحيـل وسـط الدواويـن
هـذي فعايـل لابتـي والقرابـه=وأنا أحمد الله ما خلقنـا ضعيفيـن
عبدالله أهل الهوش وأهل الحرابـه=تهوي على العدوان مثل الشياهيـن
كـم راس شيـخ طشتـه للذيابـه=من مات مات وباقي الحيّ مطيعين
وعلوى علت فوق البشر كالسحابه=بأفعولها تروي من الـدّم مياديـن
حوض المنايا تـارده مـا تهابـه=خلف الدويش اللي خضتله سلاطين
وبريه تعّرف في نهـار الطلابـه=إن ثارت الهيجاء عليها سرعيـن
بريه لأهل الشر قبـر ونصابـه=وللأهل الكبود الحاقده كالسكاكيـن
يالابتـي مثلـك ولا فيـه لابـه=يأهل الثلاث معجّـزات الملاييـن
مطيـر حنّـا والذيابـه تشـابـه=ومن ذاق فعل مطير حاقد لهالحين

قـصـيده / فـارس بن فـرح العـضـيله


صح السانك يافارس

الموضوع الأصلي: أهـل الثلاث معجّزات < مطير > . || الكاتب: мя.ĵβĻiŷ || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق