بيت قلطه فتل ونقض .. الكل يشارك..!

بيت قلطه فتل ونقض .. الكل يشارك..!

تحيـه طيـبـه مــن طيـبـه الطيـبـه
اتمنى المشاركه مـن كـل مـن يهتـم بشعـر المحـاوره بهـذا الموضـوع
لـنــشــاهــد جـمـيـع(ن)اخـتـيـارالاخـوه الاعـــــــزاء
الــمــوضــوع هــــــو ان يــكــتـــب كـــــــل
واحد منا بيت لشاعر محاوره اعجبه من حيث قوه المعنى بشرط ان يكون الشاعر
المقابل قد نقض البيت بشكل ملفت وقوي واتمنى من الاخـوه اختيـار الابيـات
الائقـه مــن حـيـث المعـنـى او الـفـظ ولـكـم خـالـص تحيـاتـي
..
..
..
وش تسوّي بعصمان شين الشدوق ؟

------------- شوشته تكسر المشط ماكدّهاااا



رد عليه مستور وقال : --


انت شاعر تغنّي بكل الطروووووق

------------- مشكله نعنبوها وابو جدها

الشاعر
سلطان الهاجري



الليل يامستور مادون الحلوق الا اليدين = لولاك ماطلعت سكيني ولا حديتها


رد
الشاعر
مستور العصيمي


سكينك اللي قلتها دور لها كبش سمين = ياليتها تشبعك من ذيل الطلي ياليتها


(1) صياف :

على عز وشرف هات العصى وارتاح يامستور
.............................................. أبا العب مع ولد عمي واسند به واحدر به

الرد من راشد السحيمي :

على عز وشرف ما انته على درب الخطى مجبور
........................................ وسيفك لا تحطه بالجناح اللي تطير به

________________________________


(2) وقال محمد الجبرتي لولده عبد الله :

وش عاد باقي ياعبد الله تهيض هات الأمثال
.......................................... شريت لك الموتر اللي ماشراه ابوي ليه
أنا اشهد اني ربيتك لين صرت اليوم رجال
..................................... واليوم صرتوا رجال ولا لكم شرهه عليه

الرد من ولده عبد الله :

الله يخليك ليه ثم أرد اريال بريال
................................. لو كان ماني بمحصي كل ماسويت فيه
وأنته شريته لنفسك ولى انا ماغير جمال
................................ بالصبح اوديك مكة والعصر يم الضبية



(3) وقال ملفي المورقي :

العرب ترحل وتنزل وانت هاك الضلع حوله
.......................................... ناشب في دفته كنك حصاةٍ من حصاته

الرد من رجاءالله الحربي

علم يعقل نسمعه وعلوم ماهي بمعقوله
................................ مير ملفي مايشوف من البعير إلا لهاته




(4) وقال صياف :
وراك ماساعدتني على عتيبه والبقوم
..................................... برطمك ماتصبر عنه ترخيه ولا ترفعه

قال رجاءالله :

لو انت جالس في خطر نجلس معك ولا نقوم
............................................. مير أنت عند اصحابنا ترعى الحلال وتجمعه




(5) وقال الجبرتي :

الخط ميل مع ديار سليم يوم الحظ قام
.................................. واليوم ديرة حرب يامبروك يعوي ذيبها
لا كن تعالوا عندنا ياصاحبي وابنو خيام
.............................. بس الحجر والطوب والأسمنت لا تبني بها

الرد من مبروك أبو ناب :

حنا كسبنا الأولات اللي لها ستين عام
....................................... تدري بها ولى ليا ذا الحين ماتدري بها
والخط ماهو خطكم تخطيط مرحوم العظام
....................................... واليوم تمشي به على خبث الدروب وطيبها

._______________________________________________



(6) وقال صياف :

يوم الأسامي كثيرة ويش سموك ــــــــــــ الليل عجل عليه بالإجابه

ورد حبيب :

سميت شاعر شبابه وانته الغوك ــــــــــ ماعاد لك لا مقام ولامهابه



(7)وقال الجبرتي :

أخرجي يالخارجية وادخلي يالداخلية
.......................................... يالبناخي لايجيك الخوف من بطن الأماني
كل مارحتوا وجيتوا قلت أنا ولد أسلمية
...................................... روح يازعزوع دور لك بعد زعزوع ثاني

الرد من بكر الحضرمي :

مانقول الا الكلام اللي على تقوى ونية
...................................... واحليلك واحليلك يالعميل الشقلباني
أن جحدتونا حجدناكم وذمتنا برية
...................................... حقنا ماضاع مابين العرب والترجماني
.___________________________________________



(8) وقال احمد الناصر
الغشامة والجهل بالرجال أكبر مصيبة
............................... والعمى ماقالوا انه يبشر بالهلالي

الرد من سلطان الهاجري :

الغشامة والجهل مشكلة في عود شيبه
................................ والولد يمديه يفهم ليا جاء له مجالي

_____________________________________________


( 9) وقال صياف ( موال )

مافيه مانع ولد عم وولد عمه ــــــــــ كل يقرب لجمر النار ويشمه
واللي مايعرف يخم الثاني يخمه ــــــــ يالاح ياوميح يالاحي ياليحاني

الرد من راشد السحيمي :

مافيه مانع مادام انك تحداني ــــــــ لا كني اخاف واحد يطرح الثاني
وأخاف من ضحك عدوانك وعدواني ـــــــــ يالاح ياوميح يالاحي ياليحاني




(10) وقال نواف العازمي :
البساط الأحمدي ياقا الحضارم والزيودي
............................. لين يملونه لكم في هيل ولا جنزبيلة
الرد من رجاءالله :

والبساط العازمي فوقه عباد الله رقودي
................................. كل واحد له نظام وكل واحد له فصيلة



(11) وقال خليف بن دواس المطيري :

وين اودي سلعة غاليه معها ضمان ـــــــــ جابها دلال في سوق وأخطاها زبون

رد عبد الله العير :

سلعتك لو هي فرس كان جبت إلها حصان ـــ مير مدري عن سلعكم عساكم تذهبون

صياف :

على عز وشرف هات العصى وارتاح يامستور
.............................................. أبا العب مع ولد عمي واسندّ به واحدّر به

الرد من راشد السحيمي :

على عز وشرف ما انته على درب الخطى مجبور
........................................ وسيفك لا تحطه بالجناح اللي تطـّير به


الشاعر عبد الله بن محمد الجبرتي :

وصيتني يالشريف بموترٍ وانا توصيت ـــــ شريت لك موترٍ ياطا على صم الحجارة

يمشي تماتيك مايحتاج لا مويه ولا زيت ـــــــــ وتسوق به فالبلد من غير رخصه وأستماره

فرد عليه زميله الشاعر الشريف عايض آل زيد بهذا الرد الرهيب حيث قال :

أنا موصيك وأنته بالوصاة ابطيت واخطيت ــــــــ وإن كان وأنك شريته صدق محمي الخسارة

يكتب عليه اسمكم وأقول من عند الجباريت ــــــ حتى اسمكم يشتهر ويروح من حارة بحارة


عوض الله /أبو مشعاب
السحيمي عود شايب تعدى الأربعين...... وإن غلط مسموح ,,,, والنار من شبابها
صياف /
انت توك ما طلع فيك ضرس العقل زين ..... لارسلوك تروح,,,,,,,, والنار من شبابها
فيصل الرياحي:



صياف حربي على طبعه ودقنه كثيف
لقيت له صورة ٍ قشـرى وشقيتهـا


صياف السحيمي:



لحية شريفة وتلمسها يمين الشريف
وانته ورا الريع لا جاتك ولا جيتها !


__________

صياف السحيمي :



يالعازمي واد الرمـة لا تعـداه
خلك ورا الهضبة وهاك الرمالي


حبيب العازمي :



واد الرمة هاك الليالي وصلنـاه
واليوم فيه الحمض مثل السيالي


صياف السحيمي :



وصلت هاك الدار بالوجه والجاه
وإلا بعلمٍ غيـر ياهملالـي ؟!


__________

محمد السناني :



المصطفى في حديثه يوم عد الشعب
كم شعبةٍ ياذن المولى بتحريقها...!


صياف السحيمي :



سبعين زايد ثلاثة يا عجب يا عجب
ماعدا وحده في نص الجو تحليقها


__________

مطلق الثبيتي:



سهيل والسبّع نجوم فوق راسك مرقبات
وأهل الزنود أم الضرم تقدح عليك زنودها


صياف السحيمي :



ترى القمر ضوّه غطا ضو النجوم الساطعات
وأنته وراك اتورد الدعوى بغيـر شهودهـا


قال الشاعر محمد بن جرشان البقمي :

مادام ابن عواد بالملعبة حاضر وموجود ــــــــ خيل خيالٍ يصبح الصبح سامرةٍ بروقه

الرد من صياف :

مادام ابن عواد موجود ضلع طويق ممدود ـــــ يوجعك لو يطيح فوقك ولو تطيح فوقه


السواط
أناسواة الكبتن الطيار ============= ون طرت أجيب ألك الاماريه


صياف

منته مقصر والعلوم كثار ============ طيار مير الارض مخفيه


مطلق الثبيتي :


ضيّعت درب القافلة ما بها شك ٍ ولا ريب
وإن كان ما تبغى مسرّه نودّيك السّدادي



صياف السحيمي :




من حيث أحط السيف يفعل وتطلع له مضاريب
إما بقلب ذياب والا تحت سـرج الجـوادي !

شليويح المطيري
لونصحت العرب ماتستمع للنصيحه=كل سلعه يسنع دربها اللي جلبها

وانت ياشعيل تبرك لوفوق الصفيحه =يوم بعض الجمال تخاف تجرح ركبها
---------------------------------------------------------------------------------------------------------------------------------
مطلق الثبيتي
يالرياحي تعبت وبركن الركايب=تسبر النجمه اللى في سمهابعيده

من تركهاولد ماجات والراس شايب =خلهاعنك والبس ثياب(ن) جديده

فيصل الرياحي
التعب للرجال ولاعليناغرايب =وانت لاشفتهالازم تعيد القصيده

جابها الله من اهل الوجه الابيض وهايب=شيب والاشبابه للفعول الحميده

منيف البلوى

حسبي الله على العطار والعنزروت =يطبخ العنزروت بدله الشاذليه

صياف ا الحربي

حسبي الله على اللى علم العنكبوت = لين راحت تعرف تركب البندقيه


وهي للشاعر بن جرشان البقمي وقال :

أنا شايفك راسك بالسما من يوم جيت أعصير
لاكنٌ اعرف من أنته قبل تنشب في مناشبها

آلوم الي ليا شافــك يطــلع مكنتــة التصويــر
واثره الى يعرف الناس حاضرها وغايبها

رد صياف :
انا راسي طويـل وروس خلق الله لهـــا تدبيــر
ولا يا كمٌ لحيـــة نابتـــة قصيـــت شاربهــا

على راســك عقال وطاح يومنك نفخـت الكيــر
ولا تنفعـك بندقــك القديــمة الي تــزهٌبـــها

وقال ابن جرشان في نص المحاورة :
يابو صمغة وابو صرٌت غضب تجفل من التصفير
لونك تجتــلــي بالنـــاس وتكـــرر حرايبهــا

يابو حوتات تخمرها لورعــك لا رقـــى التخميـــر
نقلت مجمعــن يابو جــداده ما تصيـــب أبها

رد صياف :
لوٌنك حـــر عقــلك معتــدل حررتهـــا تحريــر
لا كنٌــك للعجيـــنة بالســنــون الى تركبــــها

ولا ياطير يالي في سمــانا ما تعرف تطيـر
لا كنٌـــك روح دوٌر للجحـــور الي تخشبــها

وقال عبد الله عتقان السلمي :

أن مات صياف خلك عايش العمر خوف ــــــ ولى النجوم البعيدة وينك ووينها


الرد من علي الحصني الحربي :

مات الجبرتي وعقبه ما جلستوا ضعوف ــــــ تجاوبون ازملاكم في ظلاعينها


قال مطلق النومسي :

والله يالولا الله المعبود ثم الضروف ــــــــــــــ ماكان تامن على غترتك وعقالها

الرد من راشد السحيمي :

الوقت هذا ينام الذيب جنب الخروف ـــــــ ما تأمر الا على حرمتك وعيالها


وقال مطلق :

شابت لحيتك ياراشد وتوك تطوف ــــــ تقبل الله حرب بصالح أعمالها

الرد من راشد :

شبنا على العز وأنته ما وصلت الردوف ــــــ كلمتك ماهي صحيحة دور إبدالها

صياف




الجبرتي مع العربان ثاير غبـاره
كل ماواق في راس الجبل سد ريعه




الجبرتي




الجبرتي مع العربان سايق حماره
لوّ قالوا تبيع العير والله ما أبيعه

الموضوع الأصلي: بيت قلطه فتل ونقض .. الكل يشارك..! || الكاتب: " فهد الجبلي " || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق