سجل دخولك للمنتدى ببيت شعر

يلي تزعل وأنا ماني بغلطاني♦♦
خلك على راحتك واللي تبي سوه
لا ترفع الخشم يوم انك تعداني♦♦
والله لتبطي وأنا ما قلتلك قوه
وإن گان عبث ودك تحداني♦♦
فبشر بقلب على الصدات يا قوه
نسيت يوم انك بعز الحب تجفاني♦♦
اقفيت لا جابتك غيره ولا مروه
يومك تلذذ بتعذيبي وحرماني♦♦
وان جيت تلقى حبيبك منقلب جوه
وان قلت وينك حياتي قلتلي گاني♦♦
يا نار هالقلب من گاني ويا ضوه
وان كان جاتك غلطه من لساني♦♦
الواجب انك تطوفها من الخوه
لگن على راحتك واليوم صحاني♦♦
اسلوبك اللي تغير للأسف توه
تگفى على هالزعل خلك عشاني♦♦
عشان تبطي وأنا ما قلتلك قوه
₪₪ الشاعر : حمــــد السعــيــــد ₪₪

يلي غيابك طال وبحقي اخطيت
هذا الشهر ما اشوف للوصل نيه !!

هن كانوا اسبوعين لكن تماديت
في غيبتك كنك موصى وصــيه

لعبت بأعصابي ولا قلت مليت
لا راح يوم اقول باجر مجيه

والله إني في غيابك تحريــــت
اثر المفارق صعب ما هو شويه

عقبك مشاويري من البيت للبيت
اخاف لا دقيت ماني هنيه

عانيت انا في غيبتك حيل عانيت
يابغضـــني للبعد لارحــم حيــه

هذا شهر وش عاد لو انك ابطيت
والله لتـلقـــى لك هنيه ضـــحيه

البـــارحه مابين يمكــــن وياليت
وابليس يتركني ويرجع عــــليًه

فكرت لو طول غيابك ولا جيت
يعني كذا روحه ومن غير جيه

خانتني الدمعه وطاحت وصديت
ملـــعون ابو التفكــير يذبح خويه

أحد يعيـش بخيـر وأحـد بفاقـه=وأحد يعشـق أيـام وأيـام ينعـاق
وأحد معه حكمـة وصبـر ورواقـه=سبحـان منهـو للمخاليـق خـلاق
لكن يا مـن معـك عقـل ووثاقـه=ابنصحـك كانـك للامثـال تشتـاق
لا تنخـدع بأهـل العلـوم الرقاقـه=اللـي سوالفهـم توهـق تـوهـاق

هاجت شجوني بكل أنواع الهيجان
وبكت عيوني من سحر هذه العينان
واحتارت ظنوني فصرت أنا الحيران
واشتعلت عبرتي وأنزلت هنا دمعتان
وزادت لهفتي شوقاً لحرارة الأحضان
وتلاشت كربتي فقد فرّجها الرحمن

يالحر هي طايره بشكـال وأنواعـي
أنته فهيـم وفهيـم الفهـم أيساويهـا
ماجيتك إلا بعد ماظاقـت أوساعـي
عندي وصيـه أبـا تفهـم معانيهـا
ودي تقرب وتنصتلـي بالاسماعـي
وأن طالت السالفه مابـاك تشكيهـا
ربي بلاني بحب أنسـان ماطاعـي
من زود حبي يقوم الشعـر يبكيهـا
أن كان علمي وصلك أرجوك لاداعي
مظمونها خطوتـن زادت خطاويهـا
لاتفشي السر وتزود لـي أوجاعـي
مثلك يطبب جروح القلـب يشفيهـا
أن كان نفسك تلوم الحـب ياساعـي
شكرن وشكرن ترى ماعاد لي فيهـا
وان كان قلبك على هالحب جواعـي
أنا أشهد أني وصلت ولـك معاليهـا
حبه ترى زارعه مابين ألاظلاعـي
ليته يشوف المحبـه كيـف نسقيهـا
الصاحب اللي يخل القلـب لواعـي
قلـه يشيـل الحواجـز لايخليـهـا
لوزاد ثقله تـرى باقـول طماعـي
هذي وصاتي ولـه تكفـى توديهـا

مابنيت بيوت شعـري .. من قشـاش= ليه أخـاف إن الريـاح .. تهــدّهــا

يـارب تهدينـي قبـل لحظـة الفـوت=وتغفـر ذنوبـي ياكـريـم العطـايـا
اشكيـك هـم داخـل الصـدر مكبـوت=وأيامـي الــي بالخطـايـا مـلايـا
أن لاذ بك من كـان طايـع ومبخـوت=فـي مـن يلـوذ المرتكـب للخطـايـا
يـارب ياقـادر علـى كـل طاغـوت=لا ياقـف اللـي وحـدوبـك خـزايـا
رحماك لامنـا صحينـا مـن المـوت=واليـا وقفنـا عنـد بـابـك عـرايـا

مايطلع الروح غير الموت والحاجـه=والموت (هيّن) لكّن الحاجة (مصيبه)
لاحدك الوقت بين الليـل واسراجـه=ماتميّز العمر من كثـرة عذاريبـه
يهبّ ياجرحي اللي ماعرف علاجـه=يهبّ من كثر حزني صعـب ترتيبـه

وجدي على اللي كالجبال المنيفه=بيض القلوب وعز منهو تماشيه
واهل الكرم واهل العلوم الطريفه=واهل النقا والطيب متمسكه فيه

يارب وفق كل من يرتجونـــك=انت الكريم وكل خلقك برجــــــــواك
خلقك تنام وماينامن عيونـــك=عليم سبحانك ولا شـي يخفـــــــــاك
يارب انا طالبك لطفك وعونـك=تلطف بحال اللي سجد يطلب رضاك
يارب ماابغى فزعة الخلق دونك=انت العزيز اللي كريم بعطايــــاك