(سـاعـة الـذكريات)

(سـاعـة الـذكريات)

اسعد الله اوقاتكم بكل خير


هذي القصيده طلب من اخوي راع المغاتير

اتمنى لها القبول



(ساعة الذكريات)

يا بحر لك من الهاجس سلام وتحيه=عد ماهز نسناسك شجون الهواوي
وإن تسائلت عن حالي وما صار ليه=والله إني إلى هالحين قلبي شقاوي
ضايق الصدر وهمومي توارد عليّه=مثل ورد الظوامي فوق عدٍ رهاوي
الضماير من جروح الليالي مليّه=والطواري من الأيام سيلٍ نحاوي
جيتك يسوقني شوق العيون الشقيّه=آتمشى مع العالم وكني خلاوي
يا بحر عندك أسرار العلوم الخفيّه=يم شاطيك طاويني من الهم طاوي
إيه أحبك وأحب الديره الساحليّه=لأجل ذكرى الليال الغاليه جيت ضاوي
ذكرها أحلى شعور وجرحها أغلا هديّه=لا اجمل العمر ترجع بي وما كان حاوي
ماضي العمر غير وخير ما فيه ضيّه=ضيّه اللي على المعلوق نجمٍ سماوي
سلوتي فيه عشق وعشقي أكبرخطيّه=لآن الأطلال والذكرى كدر كل هاوي
ساعة الذكريات أخطر من البندقيّه=تخلف الراي لو إنك من العقل راوي
تدرج الفكر للماضي خليّه خليّه=يعرف أبعادها قلبٍ من الشوق ذاوي
الهوى صدفته تبني صروحٍ قويّه=والغلا يبتدي نظره ويثّر بلاوي
هكذا الحال من ماض العصور المديّه=ما تهيد الجروح ولا تفيد الرجاوي
آه وآقلبي اللي ما بقى له بقيّه=من يقول القلوب إلها المحاني عراوي
كم قلوبٍ غدت مدري خذتها البغيّه=مثل ما راح قلبي مع بعيد الخطاوي
البعيد القريب اللي جروحه نديّه=اللطيف العفيف المستخيف السحاوي
فيه لشعر ذوق ومنه لشوق كيّه=كيةٍ خافيه مافاد فيها المداوي
لويطول الفراق أشواق الاعماق حيّه=ما تطيب الطعون ولا تخيب الهقاوي
آتعمّق طيوفه وآتشفّق مجيّه=وأدري إنه على ما فات ما له حراوي
ليت من يعرف أخباره وداره وحيّه=ويخبره عني إني للمواصل شفاوي
ليه ما تنزل الدمعه ولا أصفق يديّه=كم لي أصبر وأنا ماني على الصبر قاوي
لا تقولون مالك حق ولا خطيّه=إتركوني مع الذكرى والأحلام غاوي
الحياة البسيطه والحياة الغنيّه=دون راحت ضمير الآدمي وش تساوي..؟

الموضوع الأصلي: (سـاعـة الـذكريات) || الكاتب: راشد العازمي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح السانك يا راشد


شاعر كبيير ومبدع




ولو منته جزل ويعجبنا قصيدك ماطلبته



ماضي العمر غير وخير مـا فيـه ضيّـه
ضيّه اللي على المعلوق نجـمٍ سمـاوي

لاتعليق

شاكرلك على تلبية الطلب

ودي يسبق ردي

لاهنت اخوي راشد

لويطول الفراق أشـواق الاعمـاق حيّـه

ما تطيب الطعـون ولا تخيـب الهقـاوي

صح لسااانك يارااشد

قصيده في قمة الجمال

الله يعطيك العااافيه

لاتحرمنا جديدك

لاهنننننننننننننت

ياسلام ياسلام مبدع للمانه ياراشدالعازمي , , ,

صـــح لــســانك وتعلـى شـانـك على الجــزلــه بارك الله فيك , , ,

اشكر موصول لراعي المغـاتيـر يوم طلب منك القصيده , , ,

ولاتحرمناا من جديدك يالامير , , ,

تقبل مروري وفائق الاحترام والتقدير , , ,

صح لسااااااااااااانك واعتلا شانك

وافيه وكافيه

لاهننننننننننننت

قصيدة جزله من شاعر جزل
يعطيك الف ع عاااااااااااافيه ع الطرح الغاااااااااااوي

الله الله الله
صح الله لسانك يا راشد
مبدع إلى إبعد حدود
أبيات في قمة الجزالة والمعنى
وأبيات نالت على عجابي
ولاهنت يابن فاروع

الدعوه طلبات اجل

للمره الثانيه .. عجزت اختار بيت واحد .. !
جزل جزل جزل ..
صح لسانك واعتلا شانك .. ولاتحرمنا ..

انتظر ابداعك القادم ..

آه وآقلبـي اللـي مـا بقـى لـه بقيّـه
من يقول القلوب إلها المحانـي عـراوي

كم قلوبٍ غـدت مـدري خذتهـا البغيّـه
مثل ما راح قلبي مـع بعيـد الخطـاوي

البعيـد القريـب اللـي جروحـه نديّـه
اللطيف العفيف المستخيـف السحـاوي

فيـه لشعـر ذوق ومنـه لشـوق كيّـه
كيـةٍ خافيـه مافـاد فيهـا الـمـداوي

لويطول الفراق أشـواق الاعمـاق حيّـه
ما تطيب الطعـون ولا تخيـب الهقـاوي



آلله
آلله
آلله


مبدع الى ماله نهآيه ..

قرطوع من قصيدتك يساوي قصيده كآمله ..

صح لسانك وعتلى شآنك ..

لاهنت ياولد عطا ..


آخت القمر