سجل دخولك للمنتدى ببيت شعر

الطيب من يمنــــــاك يافاعـــــل الطيب
........ واللــــــــي مثل شرواك يالذرب وافي

رجل(ن) تعرف الناس واهل المواجيب
........ لا قـــــلتلي عفـــــوا ولا قــلت كــافي

الـذيب وان قــــلنا هذاك انت يــــالذيب
....... واعظــــم خصال(ن) فيك ما كان خافي

( رح ود عطني والا تدري اجل جيب)
........ لاكــن على مـــاقيل صــــارت عـوافي

ورد عليـــك محمل(ن) بالتـــــــراحيب
....... هذاك فـــكري لا غــــدى الجـو صافي

يصير مـــابيني وبينــــه مطــــــــاليب
...... وارتب الــمعنى عــــلى ســـــاس قافي

تلعب هواجيس الفكر بيتهـــــــــا غيب
....... والاعـــب الهــــــــوجاس لعب احترافي

واليا كبرت وصــــار في راسي الشيب
........ يبقى القصيد احيان ذكـــره خـــــوافي


(*قمــــرهم*)

يَآ / شينهَآآ ، لآجَآتٍك همومك جموع ،
ولآ عَآد عندك للمٌوآجٍه / شجَآعًة

ويـآ شينهَآإ , لٌو كًآن لٍك حق مشروع
وآقربهم لقلبك / سعى في ضيـآإعَة

هٌذآ / الكًلآإم ، الليّ مٍن آلقَلب مطبوع ..
إقرآإء كًلآإم آلقَلب و شوف إنطباعَه

هلا بالخاطر اللي ليخطر يرتاح معه البال
هلا باللي إلى جاني يروق لجيته بالي

جفولٍ ليحضرني وانحرج من زحمة الأزوال
أقوم لخاطره من مجلسي واروح بلحالي

أشبه جيته مثل الحبيب اللي فراقه طال
نطحني وابتسم عقب الزعل في مدهل خالي

الي رد السلام وقال وشلونك وكيف الحال
حسبت أن السعادة كلها ما خلقت إلا لي

أرحبه تراحيب الثرى للصيب الهمال
ألى هل وهطل واجزل وبارك غيثه الوالي

يجيني والحمول ثقال لاتترك ولاتنشال
ويسري والخفوق المبتلى من همها سالي

وانا لولا الخواطر والقلم والشعر والترحال
تسليني عن همومي تلقيت الخلى الخالي

انا شاعر ولا احب المشاعر في الضمير تغال
وراعي الذوق ما يخفى عليه المر والحالي

أفاضلها وأميز بين مايترك وماينقال
واعرف ان السكوت احيان والصدات اجدالي

تمهل يانديمي طالبك لا تجرح الآمال
ترى بعض الهموم الغاليه محذور تنقالي

تحملها لعلي بالحوادث والزمان احتال
ترى صرختك في جوفي سببها صاحبٍ غالي

وانا لولا الغلا واخشى ياراعي يسحر العذال
حراام إني لا ألبي طلبتك واطف مكيالي

وانا اشوف القوافي شرفت مع هايل منهال
وقفلتها على ذا البيت اولى له واولى لي


(*قمــــرهم*)

من صد .. خليته .. ولو كنت أحبه
كرامتي .. تقتل بـي - إحساسي الحيّ


ماهو كلام .. تصدّ من دون سبه !
على الاقل / خلنا نتفارق ، على شيّ ؟

(*قمــــرهم*)

ما يتعب البرد من شب المساء ضوّه ..
وما يلحق الشك من جاب العذر وافي ..

البرد برد العواطف بالحشا جوّه ..
اللي يدوج المحاني و الجسد | دافي |..




(*قمــــرهم*)

لو للشتا رحمه رحم عاري الناس
ولو للوفا سلطه قتل خاينينه ..

لو للخطا في دربنا صوت واجراس ..
ماشفتنا باقدامنا دايسينه ..!

لو الأماني تطرد الحزن والياس ..
ماشفت بين الخلق نفس حزينه ..

(*قمــــرهم*)

يوم دربك عن "حضن دربي" يشوح
ما وقف نبض الخطاوي ! ورجعَّك

وين أودّي خاطري ، عن هالجروح
لو يضيق الكون ..وأشتاق أسمعك!؟

من عطاك الحق .. تنساني وتروح ..؟!
وتاخذ الدنيا بمجملها معك ..!!



(*قمــــرهم*)

الصمت احسن حل لاضاق صـدري.....بعض السوالف زادت الضيق بالضيق
و اذا نشدني من نشد .. قلت مدري ...اجحد بـمدري نشفة الحال والريـق

في ذمتي مدري وش اللي اسويهـ ..
لا قادر ابعد عنك ولا اجي لك ..

ظن ٍ يوديني و ظن ٍ اوديهـ ..
لاني عدون لك ولاني خليلك ..


(*قمــــرهم*)

أثبت لك أن الزمن جاحد ..
وأن المفاهيم عندنا مختلطة...

أفعالنا الصح يلغيها غلط واحد ..
وأفعالنا الصح ما تلغلي ولا غلطة .. !!


(*قمــــرهم*)