قصـيدتـي بالـجبـلان

صح الله السانك وبوحك وقوافيك يا اخ بدر

القصيده رائعه ومعانيها اروع


بس عندي تعليق بسيط واتمنى تتقبله

انا من وجهة نظري احس الاوزان شوي يبيله -لاني وانا اقراها احس بهالشي

انا قاعده اقولك وجهة نظري والي انا احسه من خلال قرايتي لها

واتمنى تكون وجهة نظري صحيحه ويمكن ماتكون صحيحه وانا بأنتظار الناس الي فاهمه بالشعر

وودي اعرف هل انا محقه في كلامي او لا ؟



--والنعم بالجبلان وفيك ويستاهلون كل قصايد المدح تنقال فيهم

ارجوا الرد على اخت دمعه


مع التحيه

<<<< ادري بقلبك حاقد علي وتقول اســــــكككككت يالشاعره جايه تعلمني بقصيدتي وبوزنها هههههههههههههههههههههههههههههههههه

اخت دمعه احترم رايج ,, وما اشيل بخاطري على كلمه منج او نقد


بالعكس اخذ بالاعتبار ومن وجهة نظري مافيه نقد ولكن ننتظهر الاعضاء



مع التحيه

صح السانك


مبدع يابدر


وتستاهل الجبلان

صح السانك اخوي بدر
انا ودي اعرف على اي بحر القصيده
وانا اضم صوتي لاخت دمعه بشأن الوزن
ودي اعرف معنى الكلمات التاليه (( حمالين قريزي , النمارين , بالنشانيش ,علطهم )
وتقبل مروري

السلام عليكم أخوي بدر أنا توني أقرأ الموضوع وقرأت انك تبي رأينا بصراحه أنا ماني شاعر لكن متذوق للشعر واللي قرأته في موضوعك محاولات شعريه وأرجوا ألا تتحامل علينا .. تقبل صراحتي وأحترامي أخوك مطلق الحطاب

اقتباس: المشاركة الأصلية كتبت بواسطة بـدر الـجـبـلـي     سلام على ربعي الجبلان شبيهة السراحين=شرابة الهوى خيالهم ينطح حول الثمانين ما يعشون ضيوفهم الا من سمان البعارين=جبلان حمالين قريزي مربكه كل النمارين سباقين بالنشانيش ولاهم يهابون المعادين=علطهم سبوق(ن) تدخل بوسط الميادين هذا كلام الصدق والناس كلها دارين=قاله جبلي وعلى الكلام استدل البراهين واختم قصيدي بغافر الذنب سيد المصلين=وبالمصطغى محمد رسول الخلق والمرسلين وسلامتكم ، واتمنى النقد والصراحه في الرد

السلام عليكم ورحمة الله وبركاته
اخي بدر ومن باب النقد الصراحة في الرد الذي انت طلبته
ومن باب محاولة التوجيه السليم فأفيدك بحسب معرفتي بأن القصيدة
أولا؟؟ لم تسلك بحر معين. وهذا بطبيعة الحال سيؤثر على وزن القصيدة
ثانيا/ القوافي في الصدر والعجز متشابهه وهذا من احد عيوب الشعر.
أخي بدر حينما اجاملك بشيء ليس سليم مئه بالمئه وانا اعرفه فإني بذلك لم اصبح صديقك بل عكس ذلك لأني لم اوجهك التوجه السليم. واتمنى ان تتقبل وجة نظري بصدر رحب كما أتمنى ان تعرض ماتكتب على شيبانك لأنهم هم الي بيدلونك على الصح من الخطأ.
حينما تحاول كتابة القصيدة فحاول ان تبحث عن بحر مناسب وحاول ان تلحنه كما لاتنسى القوافي بالصدر والعجز وضرورة اختلاف قوافي الصدر والعجز عن بعض . وكذلك الجرس الموسيقي للقوافي بالصدر والعجز يجب ان يكون مختلف اي ان الحرف قبل الأخير بالشطر الأول يجب ان لايتشابه مع الحرف قبل الأخير بالشطر الثاني وهذا الخطأ قد ارتكبه بعض فطاحلت أهل الشعر.
هذا ماأراه يأخي بدر وشكرا لك.

صــــــح لـــســــــانــــــــــــك يا بــــدر

ويعطيك العافيه على هالقصيده الطيبه

صح لسانك يا بدر
و تقبل مروري