كـلـمـة أفـــا ..

كـلـمـة أفـــا ..

السلام عليكم ورحمة الله وبركاته

اتمنى النقد ان كان فيه نقد ..

تسوقني الخطوه ولا ادري على وين=وتلعبي الدنيا على كيف الايام
اقصى الخطا انك تفهم مجانين=واقصى الصواب انك تفكر القدام
من خلقت الدنيا بها الزين وشين=ودايم بها الطيب يعاني وينضام
مايقهر الرجال اكثر من ثنين=دين(ن)وضيم(ن) لهجعوا الخلق مانام
ياصاح انا ماني مع الناس مسكين=قضى حياته مثل ماتعيش الانعام
لامن بغيت الشي لو قاسي يلين=غصب(ن) على شارب حسود(ن) ونمام
والمرجله لوهي سباق(ن) وتثمين=لا مارضينا بغير فوز(ن) بالوسام
الطيب يقدر على الراس والعين=والعفن خله ضايع(ن) وسط الاوهام
ماكنت احسب ان البشر به شياطين=وللمصلحه توطى الاخوه بالاقدام
الراس شاب ولا وصلنا الثلاثين=من كثر ماشفنا من اهوال الايام
والجرح دامي من طعون السكاكين=يسكن صحاري الجوف بانيله اخيام
والناس بالدنيا كثير وملايين=والرابح اللي منغرس فيه الاسلام
لاضاقت الدنيا رفعنا باليدين=نرجى عفو رب(ن) رحيم(ن) وعلام
لا ماكتبنا الشعر نمدح سلاطين=والبعض نحني لفعلهم روس الاقلام
نزرع رياض الحب ورد وبساتين=ينزل بها الطيب على عرش الاكرام
من اول الدنيا الى الفين واثنين=الخير والشر بعداة وخصام
والفعل غير الحكي كل(ن) به يزين=والبحر مايهلك خبير وعوام
اقوى سلاح الردع حقر الملاعين=وكلمة افا تحكم على الطيب اعدام

وسلامتكم

الموضوع الأصلي: كـلـمـة أفـــا .. || الكاتب: (نمر)بن(جبلان) || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح السانك عزالله انها قصيده جزله يا نمر ووافيه مثل راعيها

مافيك حيله هههههههههههههههههه منتظرين جديدك


تقبل مروري / فــلاح الحصينــــي

صح بدنك يا فلاح واشكر مرورك وانتظر الجديد ........

اقتباس: المشاركة الأصلية كتبت بواسطة (نمر)بن(جبلان)     السلام عليكم ورحمة الله وبركاته اتمنى النقد ان كان فيه نقد .. تسوقني الخطوه ولا ادري على وين=وتلعبي الدنيا على كيف الايام اقصى الخطا انك تفهم مجانين=واقصى الصواب انك تفكر القدام من خلقت الدنيا بها الزين وشين=ودايم بها الطيب يعاني وينضام مايقهر الرجال اكثر من ثنين=دين(ن)وضيم(ن) لهجعوا الخلق مانام ياصاح انا ماني مع الناس مسكين=قضى حياته مثل ماتعيش الانعام لامن بغيت الشي لو قاسي يلين=غصب(ن) على شارب حسود(ن) ونمام والمرجله لوهي سباق(ن) وتثمين=لا مارضينا بغير فوز(ن) بالوسام الطيب يقدر على الراس والعين=والعفن خله ضايع(ن) وسط الاوهام ماكنت احسب ان البشر به شياطين=وللمصلحه توطى الاخوه بالاقدام الراس شاب ولا وصلنا الثلاثين=من كثر ماشفنا من اهوال الايام والجرح دامي من طعون السكاكين=يسكن صحاري الجوف بانيله اخيام والناس بالدنيا كثير وملايين=والرابح اللي منغرس فيه الاسلام لاضاقت الدنيا رفعنا باليدين=نرجى عفو رب(ن) رحيم(ن) وعلام لا ماكتبنا الشعر نمدح سلاطين=والبعض نحني لفعلهم روس الاقلام نزرع رياض الحب ورد وبساتين=ينزل بها الطيب على عرش الاكرام من اول الدنيا الى الفين واثنين=الخير والشر بعداة وخصام والفعل غير الحكي كل(ن) به يزين=والبحر مايهلك خبير وعوام اقوى سلاح الردع حقر الملاعين=وكلمة افا تحكم على الطيب اعدام وسلامتكم

صح لسانك عزيزي نمر بن الجبلان قصيدة جزلة مثل راعيها
وانا اضيف على عزيزي فلاح واقول فالك التوفيق هههههه

صح بدنك يالمستشار واشكر مرورك اللطيف

خلقت الدنيا بهـا الزيـن والشيـن ,,,...ودايم بهـا الطيـب يعانـي وينضـام


صح لسانك أخووي نمر.
قصيدة جزله وانت من شعرا المنتدى الذين لهم حضور جميل وإبداعي.

سننتظر جديدك بشوق.

صح بدنك ولاهنت على المرور واشكرك....

الراس شـاب ولا وصلنـا الثلاثيـن
من كثر ماشفنـا مـن اهـوال الايـام
والجرح دامي من طعـون السكاكيـن
يسكن صحاري الجوف بانيلـه اخيـام
والنـاس بالدنيـا كثيـر وملايـيـن
والرابح اللي منغـرس فيـه الاسـلام

الله عليك اخووي نمر
مبدع بجد
وفااالك المليوووووووووووووون

دمت بهالجمااااال

صح لسانك يانمر وعندي اقتراحات( على حسب فهمي للأبيات) يانمر آمل إنك تقلبها بصدر رحب
تسوقني الخطوه ولا ادري على ويـن وتلعبـي الدنيـا علـى كيـف الايـام
تصريف الأمور بيد الله وليس بيد الدنيا
مايقهـر الرجـال اكثـر مـن ثنيـن دين(ن)وضيم(ن) لهجعوا الخلق مانـام
كلمة ( لهجعوا) لو كانت( لناموا) لاستقام وزن البيت ,, صحيح أن كلمة ( لهجعوا ) أبلغ و أفصح لكن البيت (حسب نظري القاصر ) ينكسر
وصح لسانك وتقبل مروري ولك جزيل الشكر

اشكر مرورج اللطيف اخت القمر واشكر اعجابج....


اما بالنسبه لي اخوي سطام.. صح بدنك

واشكرك على هالاقتراحات ( النقد )

وانا احترم وجهة نظرك ولكن نعلم ان الله يدير شؤون الدنيا والخلق

ولكن الايام في قصيدتي اعني بها ان اليوم ليس غدا ويختلف اليوم عن غدا

وهذا قصدي.....

وبالنسبه لي (لهجعوا) اكثر جمال على ما تفضلت وهي غير متداوله ومتذوقه بالشعر كثيرا

اما (لناموا) اجد انها كثيره في القصائد ومتداوله واكثر انتشارا

ولذلك اخترت لهجعوا اكثر جاذبيه لمتذوق الشعر


واجد ان المعنى بين لناموا و مانام قريبه الى اقصى درجه وهي هنا تفقد البيت التذوق الشعري لدى القارئ

اشكرك مره اخرى اخوي وتقبل تحياتي...........