المتألق . . محمد أبن فطيس المري

المتألق . . محمد أبن فطيس المري

السلام عليكم . .

بدون مقدمات . . هذي قصيده محمد أبن فطيس المري

ياهيه اللتفت لي واسمع ادعاي لـك ياهيـه
ترا عـادك بتشبـع مـن البعـد وتواجـه
دعيتك بصـوت ٍ ياصلـك ليـه ماتوحيـه
وانا اسمع ضلوعك من صدى الصوت لجّاجه
عليـك الفـؤاد اخلاجـه مصمّـخ ٍ راعيـه
خـف الله فـي راعيـه ماتسمـع اخلاجـه
ترا العفو قـد جـاك اولـه واغتنـم تاليـه
وترا الحلم بحـر ٍ غيـر لا تامـن امواجـه
وترا الود ليل ٍ مظلـم ٍ جيـت لـك ساريـه
سراجه وصـاك والجفـى ينفـخ اسراجـه
وترا قصرنا اللي كم سنـه نجمـع ونبنيـه
هوى الهذل طيّـح بابـه العـود وسياجـه
لي أيام مـدري ويـن دارك ولا ادري ليـه
وانا خابـر انـي بـاب شفـك ومزلاجـه
غيـاب ٍ بـلا سبّـه هجـاد ٍ بـلا تنبـيـه
وجفا أغلا العرب نار ٍ على الكبـد وهّاجـه
نضج قلبي من البعـد وش حاجتـك تكويـه
جفاك الجمر والصبر فـي بعـدك الصاجـه
طبـع حبـك بقلبـي والايـام مـا تمحيـه
هـذا هجـرك يحـاول يموجـه ولا ماجـه
يموت الأمـل لكـن ضنـون الغـلا تحييـه
وعروق الوفـا فالـروح والقلـب وجّاجـه
خبرتوا حـد ٍ يبكـي علـى واحـد ٍ يبكيـه
وخبرتوا حـد ٍ مسجـون مايبغـي أفراجـه
احبه ولا ابغضتـه علـى شيّـن إيسويـه
ولا زالـت ارقـاب الرجـا فيـه منعاجـه
عسى منزل ٍ ضمه حقـوق الوسـم تسقيـه
وتضحك له الدنيا وهـو يضحـك أحجاجـه
فقد خاطري شـي ٍ مـن الضيقـه مسلّيـه
وغدت روحي من النـاس والليـل هجّاجـه
اروح لمكـان ٍ خابـره ..خابـره ياتـيـه
اسوق القدم صوبـه وهـي مالهـا حاجـه
مكـان ٍ نزيـه وأول مواجهـي لـه فـيـه
وانـا خابـر ٍ مارجـل مثـلـه بـدواجـه
لعل وعسى مـا حدنـي للمجـي ..يدعيـه
واشوفـه وانـا مـاودي اسبـب احراجـه
يحب الجريح آخـر دروب اللقـاء ويجيـه
وتحـب القـدم جيّـة مكـان اول مواجـه




ودمتم . . .

الموضوع الأصلي: المتألق . . محمد أبن فطيس المري || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

يا سلاام .. صح الساان شاعرهااا

يجذبنى بن فطيس على قصايده الجزله مشاء الله عليه

ولاهنت اخوى سعود على النقل

صح الله السانه اشهدنها قصيده جزله من شاعر جزل ومبدع وطاب منقولك ياسعود ماقصرت بنقلك لهذه الرائعه


خبرتوا حـد ٍ يبكـي علـى واحـد ٍ يبكيـه
وخبرتوا حـد ٍ مسجـون مايبغـي أفراجـه
احبه ولا ابغضتـه علـى شيّـن إيسويـه
ولا زالـت ارقـاب الرجـا فيـه منعاجـه<<<<<< عزاااااااااه
عسى منزل ٍ ضمه حقـوق الوسـم تسقيـه
وتضحك له الدنيا وهـو يضحـك أحجاجـه
فقد خاطري شـي ٍ مـن الضيقـه مسلّيـه
وغدت روحي من النـاس والليـل هجّاجـه<<<< ايبلااااااااااه
اروح لمكـان ٍ خابـره ..خابـره ياتـيـه
اسوق القدم صوبـه وهـي مالهـا حاجـه

غيـاب ٍ بـلا سبّـه هجـاد ٍ بـلا تنبـيـه
وجفا أغلا العرب نار ٍ على الكبـد وهّاجـه
نضج قلبي من البعـد وش حاجتـك تكويـه
جفاك الجمر والصبر فـي بعـدك الصاجـه


^

^

^

عجيـــــــــــبه الابيات هذي اعجبتني

سعود بن لامي . . الف شكر لك على النقل . .



<< مايحب ابن فطيس . . !

صح لسان اخوي الشاعر الكبير
محمد بن فطيس المري


لاهنت يابن لامي على النقل

صح لسان الشاعر وتسلم يمين الناقل

<<<<من اشد المعارضين لابن فطيس

ليش العنصريه يالجبلان

بالعكس المري شااااااااعر خطيررررررر ومميز

لاهنتم
. . .


وابن فطيس شاعر ويستااهل . .


لاخلا ولاعدم

بس انا ما ادانيه . .وشعره نفس وجهه ..


وابوه اللي يكتب له . . لكن الناس على قولتهم ياغافل لك الله ..


والله مدري وش اقول بس اخاف اخذ ذنبه ..


لاهنت ياسعود