رد الشمريه على قصيدة ((يالله انك لا تعيد العسكريه ))

رد الشمريه على قصيدة ((يالله انك لا تعيد العسكريه ))

هذي قصيده للشاعر عواض العطشان قال هذي القصيده لما دش السلك العسكري
وحيث انه بدوي ومايحب احد يامر عليه الرجال تنرفز وعصب وقدم استقالته وقال هالقصيده اللي كثير من الناس ترددها وما يعرفون منو راعيها

يالله انـك لاتـعـود العسكـريـه =والزمان اللي على البدلـه حدانـي
لبسونـي لبسـة ماهيـب لـيـه = درعونـي باللبـوس المشبهانـي
دربونـي مثـل تدريـب المطيـه = والصعب منـا يعـود مطوعانـي
العريـف المستلـم طبـق عليـه = والخفارة طولـت والنـوم جانـي
يالله انــك لاتحملـنـا زريــه = حيـث حنـا للمعاصـي ماندانـي
يا وجودي وجـد حُمُـراً عيدهيـه = ساقطاً منها الحقب ويـا البطانـي
فوقهـا قرمـاً ببـاكـوراً قـويـه = من وراء العارض يبا دار اشهراني
هسها العرقـوب والديـره رديـه = لين دم الجوف بالذرعـان حانـي
او وجوده وجد عَرَباً فـوق طيـه = في لهيب القيض معطيتـن ثمانـي
هملـن اعيالهـن بـارضٍ خليـه = واصبحـن اعيالهنـه ذيهابـانـي
يوم جـن البيـر ليهـي جاهليـه = ماعليـهـا لا ورود ولامحـانـي
لو بغيـت ادلـه الطـاري عليـه = واستحس القلب والهاجوس جانـي
يوم اشوف الدين مرتجـدن عليـه = والظهر عريان والجوع ايحدانـي
طالباً رزقـاً تحطـه فـي يديـه = ماعلى بابـه شريـف ولاهدانـي

وهذا رد الشاعره الشمريه
تقول :

وسِّـع الملعـب لـقـاف الشمـريـه = وسّعـه للحـق أنـا بطْلِـق عنانـي
خلنـي لا تْحِـط قيـدك فـي يـديَّـه = ولَّعَـتْ ألفـاظ شعـري و المعـانـي
جمـرةٍ كتمانهـا صـعـبٍ علـيّـه = كـل شاعـر لا كِتـم شعـره يعانـي
يشتِعل مـن شـان يسْتهـدي بضيّـه = كلّ طرقي فـي دروب الليـل عانـي
هزّني شاعـر سمعتَـه فـي عَشيّـه = ( عسكريٍ ) يشتكـي مـرّ الزمانِـي
قـال ( ربـي لا تعـود العسكريـه ) = ( و الزمان اللي على البدلـه حدانـي)
قلت أكيـد الرجـل واقـع فـي بِليّـه = أو مصيبـه صكِّتـه بيـن المحـانـي
قـال وشـو ( درّبونـي كالمطيّـه ) = و اتِضح مقصود شعره لـي وِ بانِـي
طار قلبـي و أثـري الدعـوى كِذَيَّـه = ما أقـول إلا يـا دانـه دانـي دانـي
استلمها جَتْـك نِصـح اخـتٍ لِخيَّـه = ولا أبي مـن وقتـك إلا لـي ثوانـي
قُمْ وِ صلـي و اردع النفـس الشِقيّـه = و احمد اللي يرتجيـه إنـسٍ و جـانِ
الله اللـي مـدّ لـك رزق و عطـيّـه = حـرِّك بحمـده يدينـك و اللـسـانِ
كان شغل (العسكري) متعـب شِويَّـه = قبلك اللي من التعـب عـضّ البنـانِ
الرجـال اللـي يخوضـون المنـيّـه = كـلّ صعـبٍ يَحْمِلُـون إلا الـهـوانِ
إسأل الصحراء وِ صمـت المهمهيّـه = عـن فعايلهـم وِخِـذْ منهـا البـيـانِ
كيف شقّوا بالصخـر مجـرى وِ مَيّـه = كيـف عاشـوا مِـعْ ذيابتهـا بأمـانِ
صادقوا فـي مشْيُهـم شمسـه وِ فَيّـه = وِ عْقِدوا مَعْ بـرّده و قيظـه رهـانِ
كلّ من لـه نفـس صبَّـاره و حَيَّـه = بـإذن ربـي يقطـف ورود الأمانـي
لا تِشَكّـى ... أشهـد إن العسكريـه = غِصن رزقٍ وارفٍ رطْـبٍ وِ دانـي
كَمِّ بيـتٍ مـن وراهـا شـبِّ ضيِّـه = يغْرِفـون اللحـم دايـم بالصـوانـي
و كـم راسـب بالفصـول المدرسيّـه = ما لقى فـي غيرهـا رزق و مكـانِ
( جندي ) و راتِبْه خمسُ وكـم ميّـه = نعمـةٍ مـا يجحـده غيـر الجـبـانِ
اضربوا ( للعسكـري ) أحـلا تحيّـه = لَوْهُ ( جندي) أشهـد إنـه راعِ شـانِ
حَيِّ (عَينه) لا غَفـتْ عيـن البريّـه = أسْهَرَه لجل الوطـن حـبّ و تفانـي
اللي لا صِحْنا رمى ( روحه ) هديّـه = يوم غيره مـن غـلا روحـه أنانـي
لا تلومـونـي بـحـب العسكـريـه = لـو أغنـي دَهْـر حُبـه مـا كِفانـي
خيرهـا طَـوّق بَعَـد ربـي يِـديّـه = رزق (ابوي) وْ شِغل (اخوي) بهالزمانِ
و أنـا بنـتٍ لا جحـود ولا غبـيـه = و احمد اللي بالرضـا دايـم كسانـي
في ردودي دوم لي ب(النصـح) نِيّـه = لا طلب شهره ولا هـو شـي ثانـي
عِنْـد هـذا البيـت وَقَّفـتْ المطـيّـه = وِ اكتمل ردي عسى المقصـود بانِـي

الموضوع الأصلي: رد الشمريه على قصيدة ((يالله انك لا تعيد العسكريه )) || الكاتب: صافي الاحساس || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صراحه رد قوي



وشاعره متمكنه


كل الشكر على هالنقل الرائع



تقبل مروري

تسلم يمناك .. على النقل ..
وفعلا قصيده قويه ... ورد جميل ..
ويعطيك العافيه.. ياصافي الاحساس ..
تقبل مروري ...

صح لسان الشاعره الشمريه

قصيده جزله

الف شكر لك على الايراد الرائع

صح السانهم

عزالله ان الشمريه كفت او وفت
وماقصرت بيض الله وجها

الله يعطيك العافيه اخوي على النقل الرائع

بدر الجبلي
وجودك الاروع ولاهنت على المرور

مهاوي
الله يعافيج ونورتي الصفحه

الجبليه
العفو ونورتي الصفحه

مشبع الطيرر
الله يعافيك ولاهنت عالمرور

و كـم راسـب بالفصـول المدرسيّـه
ما لقى فـي غيرهـا رزق و مكـانِ

الله الله

الللللللللللللللللللللللللللللله




صح الله السانها اشهدنها كفت ووفت



عشان تعرفون ان المره قادره انها تكون افضل من الرجل حتى في الشعر


سلمت يمناك ياصافي ع النقل المتميز كعادتك وماهو مستغرب


-كلّ من لـه نفـس صبَّـاره و حَيَّـه
بـإذن ربـي يقطـف ورود الأمانـي

^
^
الله ع البيت


-و أنـا بنـتٍ لا جحـود ولا غبـيـه
و احمد اللي بالرضـا دايـم كسانـي
في ردودي دوم لي ب(النصـح) نِيّـه
لا طلب شهره ولا هـو شـي ثانـي
عِنْـد هـذا البيـت وَقَّفـتْ المطـيّـه
وِ اكتمل ردي عسى المقصـود بانِـي




صح الله السانها خوووووش قصيـــــــــــدة

وكلامها في محــــلــــــــــــه

روعه


اختيار مميز


الله يعطيك العافيه يارب

["]
لا تِشَكّـى ... أشهـد إن العسكريـه
غِصن رزقٍ وارفٍ رطْـبٍ وِ دانـي
كَمِّ بيـتٍ مـن وراهـا شـبِّ ضيِّـه
يغْرِفـون اللحـم دايـم بالصـوانـي
و كـم راسـب بالفصـول المدرسيّـه
ما لقى فـي غيرهـا رزق و مكـانِ

يعطيك العافيه وتسلم يمناك على هذا النقل المميز

وتقبل مروري

وشكرا

دمعه
الله يعطيج العافيه عالمرور والرد الرائع


فارس

الله يعافيك ولاهنت عالمرور ووجودك منور الصفحه


ابن زعيفر
الله يعافيك ومنور الصفحه بمرورك الرائع



اضربوا ( للعسكـري ) أحـلا تحيّـه
لَوْهُ ( جندي) أشهـد إنـه راعِ شـانِي
حَيِّ (عَينه) لا غَفـتْ عيـن البريّـه
أسْهَرَه لجل الوطـن حـبّ و تفانـي

<<<<يتوقع ان اغلب الشباب اللي ردوا عسكريين