قصيدة طلاقي

قصيدة طلاقي

السلام عليكم

هذه القصه حدثت لي عندما تزوجت من فتاه واحببنا بعض لاكن امها لم تدعنا لوحدنا

فكانت تصلطها علي وتقول لها لاتسمعين كلامه دعيه يسمع كلامك ومن هالامور هذي

بالنهايه وصل الامر ان الام طلبت الطلاق فقلت ماعندي مانع بس اسمع راي البنت

فقالت البنت اقسم بالله احبك بس ماأقدر هذي امي وتكفه سامحني يا.....فقلت الله

يوفقج ,,وراح كلن بطريقه, فقلت هذي الابيات ارجوا ان تحوز على رضاكم .......


يعني خلاص ارخصتني ياضنيني ****** معادلي وياك قسمه ومشوار

يعني خلاص اقفة معاكم سنيني ******وابحرت في حزن المشاعر والاقدار

انسى اللذي قد صار بينك وبيني ****** واقول حلمن مر ماشي قد صار

طيب خلاص اسمع يانور عيني ****** بعطيك علمن خله يكون تذكار

العشق ماينسى بمر السنيني ****** ولابد ماتشتاق وتعيد الانظار

وتقول وش سويت وش صار فيني******ارخصت منهو لشوفتي ينوش الاخطار

وترجع تبي تطلب دفاي وحنيني ****** وتقول مشتاقلك يبن الاحرار

واقول يعني تو حسيت فيني ****** توك تحس انك معي كنت غدار

خلاص اسمع رويشد اعفيني ****** معادلي وياك بالحب مشوار



ارجوا ان تحوز على رضاكم

تقبلوا تحياتي

الملعبي

الموضوع الأصلي: قصيدة طلاقي || الكاتب: الملعبي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

عزيزي الملعبي 0000

عدم الرد علي موضوعك لايعني التقليل منك أنت قدرك عالي مثل أقدار الاخرين حنا نكتب بالمنتدي لمنفعة الاخرين وتشويقهم للمشاركة فقط وبما أن موضوعك يحاكي قصة مؤلمة أثر عليك عدم التفاعل ولكن ربما للألم الذي بطيات القصة والقصيدة أكتفي الأعضاء بالقراءة 0000

مرة أخري أهلا ومرحبا000

واقول يعني تو حسيت فيني = توك تحس انك معي كنت غدار
خلاص اسمع رويشد اعفيني= معادلي وياك بالحب مشوار

صح لسانك يالملعبي . .
وان شاء الله يكون هذا الامر .. خيره لك .. ويعوضك الله بخيرٍ منها
( وعسى ان تكرهوا شيئا وهو خير لكم )

تحياتي لكـ،ــ، وننتظر جديدك

انا عن نفسي اضم صوتي لصوت اخوي الصدقي وهذا المكتوب يا اخوي يا الملعبي ولازم نرضى فيه
اما عن القصيدة فهي جزله و صح الله لسانك
وهذي عشان ما تزعل علينا ..

صح لسانك يالملعبي

هالقصيده متى كاتبها !!

جديده والا قديمه

بصراحه مؤشره

صح لسانك مليون

وعسا الله يوفقك ياخوي

تقبل مروري


اختك عذاري المطيري

ابو محمد

اكبر شرف لي انه يمر مشرف القسم الاعلامي والاقتصادي صفحتي وعلق على

موضوعي هذا بحد ذاته شرف لي


ولك كل الشكر على الكلمات الطيبه


تقبل تحياتي


الملعبي

الصدقي

اخجلتني بكلامك الجميل , ولك كل الشكر على تصفحك موضوعي ,

يالصدقي انت عزوتي بالمنتدى وفي قصور بالباقي

تقبل تحياتي


الملعبي

جبليه جامعيه صح بدنك

اشكر مرورك العطر وانشالله التخرج من الجامعه ونفرح فيج ,

نورتي صفحتي وأمي عندي تسلم عليج,

تقبلي تحياتي


الملعبي

ابو ساره صح بدنك

القصيده ماصار لها فتره طال عمرك ,واشكرك على مرورك الكريم


يابو ساره في قصائد كثيره يالذيب بس نبي تشجيع منكم


تقبل تحيات اخوك



الملعبي