تكفين يا طيور الحـرار افزعيلـى <>

تكفين يا طيور الحـرار افزعيلـى <>

السلام عليكم ورحمة الله وبركاته
هذه القصيدة قصتها لنا احدى الاخوات الكريمات وسوف اذكر لكم ماقالت بالنص

هذى قصيده سمعتها وحبيت اقولها لكم
القصيده حزينه وتبكى ....وانا لما سمعتهااا سويت مناحه بالبيت
وهى قصه طويله بس اختصارها ،،
ان امراه كانت متزوجه وتزوج عليها زوجها من وراها وجاها بالبيت وقاله ابيك تروحين معاى للسوق تشترين كل شى بخاطرك ويعجبك
المهم الحرمه المسكينه شرت كل شى حلوو عجبها من مكياج وملابس
ولما جوو البيت

قالها زوجها وين الاغراض اللى شريتيها
قالت له ليش قال الاغراض مولك للمره الجديده وكنت ابيك تشترين الاغراض بنفسك
لانى انا ما اعرف اذواق الحريم وانتى اكيد ذوقك حلوو

الحرمه ماتت من القهر
وطاحت بالمستشفى وخمس سنين وهى بالمستشفى فى غيبوبه
سبحان الله الحرمه صحت بقدرة قادر بعد خمس سنين ......ولما سالت الاطباء وسالت ..فى
احد زارنى قالولها لا محد زارك
وقالت القصيده

هذى هى القصيده ......

تكفين يا طيور الحـرار افزعيلـى=ابى عن ديار الاهـل منـك اخبـار
تكفين حومـى فوقهـم وارجعيلـى= وإلا ان حصل لك حومه داخل الدار
تكفيـن حـول بيوتهـم دوريـلـى=سبعة فروخ يـوم اخليهـم صغـار
شوفى ضناى وعودى وانكفى لـى=واشلونهم يا علهـم صـارو كبـار
نسوا دفاي ونومهـم فـى شليلـى=وش علمهم يا علهم بطول الاعمـار
قولي لهـم ان امكـم لها عويلـي=خمسه سنيـن دمعهـا دوم مـدرار
وقولي لهم إني علـي طـول ليلـي=أنوح وليـا قـرب الصبـح أنهـار
وقولي عيوني دايمـا لـه هميلـي=تبكي ليا شافت مـن النـاس زوار
كل يوم اقول غدى حديهـم يجينـي=راحت سنيني مابهم واحـد(ن) زار
وانا اللي من سبت سوات الحليلـي=حالـي تـردى كـل مالـه وينهار
وفرقا ضناي اللـي تـردت بحيلـي=كني على شوفتهم اصلى على نـار
ياويلـي كـان الله عجـل رحيلـي=وانا لي سنين ابـي لو هـي اخبـار
ياعونة الله من يبـي يرتكيلى= لـيا جارت علي بأمر الله كـل الأقـدار
تنكـروا مـن يدخلـون الدخيلـى=واللي بوسط ديارهم يامـن الجـار
قولي لهـم ياطيـور قلبـي عليلـي=الله يكافي قلوبهم صـارت احجـار
وانا اللي لبراق الخيـال استحيلـي=واقـول ياعـل ديرتهم للأمطار
تكفيـن وسـط ديارهـم صوتيلـي=شوفي عسى لأسمي مع الناس تذكار
وقولي لمـن نسيانهـم يستحيلـي=ياللي نسيتوها تـرى الوقـت دوار
ياهيه ياللـي بالسمـا لـك هديلـي=ردي خبـر تكفيـن يكفـي امـرار
شوفي هاك اللي نومهم في شليلـي=من اذان المغرب لوقـت الأسحـار
شوفي هاك اللي ماتهنى في مقيلـي=إلا مقيـل معهـم كبـار وصـغـار
وقولي لهم ان كان حملـي ثقيلـي=مره يجون وعقبهـا شـي ماصـار
وانـا يتولانـي كريـم(ن) جليلـي=ياعلني فـي جنّـة وسـط الأبـرار

وسلامتكم


للامانه منقول

الموضوع الأصلي: تكفين يا طيور الحـرار افزعيلـى <> || الكاتب: мя.ĵβĻiŷ || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

قصة مؤثره
الغريب عيالها سبعه
وينهم مايزورون امهم؟

اي والله يابعيد قصه مؤثره


بس ليش مازاروها والله مدري نسيت اسئلهم<< ذكرتني للي يبي ينخج بسكين عرفته ؟ ههههههههه



مرور رائع بعيد الهقاوي

لا خلا ولا عدم

صح الساانك ولساااااااااااااااااان الشاعرة


قصيدة مؤثرة وتحمل الكثير من المعاني


اماااااااا سؤال بعيد الهقاوي من جنب القدة



ومن تميز الى تميز


وتحيااااااااااااتي لك

لا حول ولا قوة الا بالله , ,


الله يعين يا بكيفي



الله يعطيك العافيه على النقل المتميز ولاهنت



الى الامام دوماً . .



..

..

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههه
ياسلطان الله يقطع بليسك ضحتني بجد

لا خلا ولا عدم

حياك الله يا فهد الجبلي

والله من زمان المفروض هاللون


لون الشاعر لانك متميز بحق


مبروك وتستاهل اكثر

مقطعينني وتحشون فيني.

لازم تسأل ليه عيالها مازاروها يعني لازم.

تقبو مروري ثاني مره

لاحول ولاقوه إلابالله
الله يعينها
الرجاااال وطلع نذل وماهوبكفو؟؟
وشي طبيعي ماعليه شره؟؟؟؟
قاهرني؟؟
دام عندها ذوق وعاجبتك
وشوله تاخذعليها
؟؟؟؟؟
بس العيال
؟؟؟؟؟؟؟؟؟؟؟؟؟؟؟؟؟
هذي الصدمه
والله
بكيفي أشكرك على هالموضوع
وتقبل غظبي؟؟؟؟

قصيده رائعه
ونقل اروع
يعطيك العافيه
اخوي
بكيفي