مرثية طفل

مرثية طفل

ص / مسائكم شموخ


العذر منكم يالوجيه المطاليق
ـــــــــــ ولو طالت الغيبه تراكم عيوني

عسى القصيده والبيت ان يسمح لي بعد طول الغياب

للتواصل

..

عسى مزن السحاب اللي هماليله سنينً طال = برد / نزله على جسمً حظنه القبر بـ / ترابه
عسى همالها ، يحيي نبات القبر لامن سال = وينبت فوقه انواع الورود وكل ماجابه
الا ياقبر ماعرفك ولالي بالسؤال سؤال = وسوالً مـالقى حله عسى نلقاله اجابه
الا ياقبر انا بسأل ، وش الي بداخلك منزال = وش الي تحظنه وسطـك وكل الناس تحيابه
الا ياقبر ، لو تدري عن الي داخلك لازال= عيون الناس من دمً بكت في لحظة غيابه
وانا والله ماعرفه ولكن قد بكيت ليال = كثر ماسمع عن افعاله ، لقيت الناس تزهابه
عشقته ياقبر سبة حبيبً صارلي مدهال = اشوف الكون في عينه ولاحسب غير بحسابه
ابحكي قصته وادري حياته كاسراب الأل = غريبه ؟ ياقبر ادري سنين الهم تشقــابه
الا ياقبر لو يدري وش الي في غيابه مال = بكت عين اليتيم الي بكى من لوعة اقرابـــــه
بكت عين العظيم الي تحمل حمل ماينشال = بكى من حر ماشافه وقتً كشُر انيـــــابه
بكت عين الكبير الي على متنه حمول جبال = بكت عينه من اهوال الزمن والناس كذابه
الا ياقبر انا ابشكي عليك الي عجز ينقال = بصوت الشعر انا اترجم شعور الناس وادرابه
ابيك توصل احساسي لامً طاهره بجلال = بصورة طفل ما اتنهى بحظن الام واحبابه
على هيئة طفل يحبي ؟ يصيح ولالتفت له بال = ابي امه من تشوفه تضمه حيل منصابـــه
الا ياقبر عن اذنك نبي أمه تشوف الحال = بدت تنهار باسباب السنين العجف واسبابه
ياطفلي روح واتكلم عطيتك بالحروف مجال = ترى مافيه غير امك وقبرً مظلمً بابه
تكلم قول عن حظنٍ فقدته والسنين طوال = تكلم قول عن اسمً تعب قلبك من كتابه
تكلم قول وش صابك عسى حزن الليالي يحال = عسى ظلم الزمن يتلا شعاع النور باركابه

وسلامت عيونكم

الموضوع الأصلي: مرثية طفل || الكاتب: فارس الجبلي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح السانك يا اخوي
ويسلم هالاحساس اللي شعرنا به مع كل بيت
وكل كلمة بالقصيدة
رائع ما كتبته اخي فارس الجبلي.

صح السانك يافارس ولا فض فوك ....

قصيدة جزله نظمت على بحر الشيباني ... نظمت كما تنظم حبات اللؤلؤ بدراية تامه وكامله وباحساس شاعر فذ وصادق .. قصيدة وجدانيه فيها من الحزن والالم الشي الكثير من اجمل ماقرأت من النصوص الشعرية التي تخدم هذا الغرض ..

اخي فارس انت لست بشاعر .... بل انت استاذ بالشعر تفوقت على كثير من اقرانك وسبقت ابناء جيلك بشيءٍ كثير ... احسست وانا اقرأ النص بان حروفه تنطق والقصيدة تدب فيها الحياة وهذا ليس بغريب عليك وان دل فإنما يدل على مشاعرك الصادقه وانت تكتب القصيدة بانها ليست مصطنعه لان مايخرج من القلب يلامس القلوب..... وماينطق به اللسان لا يلامس الا الآذان..

انت مكسب للمنتدى ومكسب لابناء عمومتك في المنتدى ونحن نفخر بوجود شاعر مثلك بيننا ينعش بابياته ارواحنا وتطرب لمعانيه آذاننا..

للمره الثانيه اقولها لك ( صح السانك وبيض الله وجهك على هالجزله)

سجل اعجابي بهذا النص

اخوك \ ابن سمدان

الله الله
يا
فارس الشعر
صح لسانك
لا
هنت

صح السانك


ابيات بقمة روعه


ولا تحرمنا من جديدك

تغيب وتأتي بالجزل يا فارس صح السانك مليووووووون

لاتحرمنا من جديدك،،،،،،،،

تقبل مروري / فلاح الحصيني

صح لسااانك اخوي فارس الجبلي... وياهلا ومرحبا بهالطله الطيبه

صح لسانك عزيزي فارس
تقبل اعجابي بالقصيدة
أخوك/المستشار

الا ياقبر انا ابشكي عليك الي عجـز ينقـال
بصوت الشعر انا اترجم شعور الناس وادرابه


...


فاارس
صح لسااانك واحسااسك اخووي

قصيده جزله
وحزن طااغي
يعشتنااا جووووو هالمرثيه بكل لحظااتهاا
وهذاا دليل
تصوييرك ودرتم على توصيل هالاحساااس

قليل قووووله قمه عليهااااا



صح لسااااانك مليووووووون

من طول الغيبات

جاب الغنايم



الجبلي فارس


صح الله اللسانك

قصيده محبوكه وجميله من استاذ فالشعر




لي عوده خاصه الى هذا الشجن


لك المحبه