راح مثل الذيب واهبلته حياة الذيـب ظنـا

راح مثل الذيب واهبلته حياة الذيـب ظنـا

كل مافاضت عيوني باشـة الإضـلاع غنـا=الموارد في الضلوع وكل ضلـع فيـه ونـه
والتمني مايحقـق هقـوة القلـب إن تمنـا=بس قلبي مايدانـي تبعـد الهقـوات عنـه
ووجودي وجد من جلّي عن ديـاره مجنـا=تو عمره عشر واربع والليالـي مـا تحنـه
ماوراه الا عجوزه واختـه وعـودٍ مسنـا=بين فقر وبين دين وبين ضيم وبيـن منـه
ما ذبحهم غير دمعاً مـن الغبينـه مايكنـا=ويل من سود الليالـي بالمصايـب يبتلنـه
راح مثل الذيب واهبلته حياة الذيـب ظنـا=وامن والموت يومي بيـن مخلابـه وسنـه
راح ينقل دم قلبه وان ضـواه الليـل ونـا=الذيابـه مروحاتـه والسيـوف يـدورنـه
لا ذكـر دم القرايـب عانـق البيـدا وثنـا=وان تذكر ضحكة امه زاع قلبه مـن مغنـه
مايلوعه في حشاه الا لا شاف البرق سنـا=غاب عشر سنين مابه من يرد العلـم عنـه
إن حداه الخوف منا هـزت الاشـواق منـا=يوم طال الوقت عـود لديـار اللـي ربنـه
قـال مـادام المذلـه والبـلاوي يبتلـنـا=والله ان الموت بين الربع و الاوطان جنـه
راح يمه كنه اللـي ضاربـه رمـحٍ مطنـا=واعذابه مادرى ان سهـوم بقعـا يحترنـه
يوم قرب سمع له صوت من العلـه يحنـا=وحصل امه عندها ضيف يقول الموت سنـه
قال يمه قالت عيوني مـن الدمـع انعمنـا=قال ابوي وقالت اطوال النصايب قد خذنـه
قال واختي قالت اقفوا القوم باختك مع ضعنا=قال ربعي قالـت سنيـن المجاعـه فرقنـه
قال جيتك قالت إن المـوت ماأظـن يتونـا=واستلمهـا نـازع الارواح روحٍ مرجهنـه
ثم صاح من التفرق صيحت اللي فيه جنـا=ودق صدره وانطوى من حر مابه طي شنه
كل هذا حـال قلـب مـن خلقـه الله معنـا=الهمـوم يوكلـنـه والـروابـع ياكلـنـه
ليه ادور للسبايـب والسبـب فينـا ومنـا=النفوس وماتسوي واليدين ومـا احصدنـه
لا توسد للخطايـا نلحـق الشرهـه زمنـا=ماجزانـا الا عملنـا والحقايـق يثبتـنـه
قلت اجـرب وش ورانـا بنتسـلا وانتهنـا=الليالي ماتخالف مـن طلـب شـيٍ عطنـه
جاهلٍ في الغيب واثر اللـي يسلينـا =طعنـامادريـت الا بقلبـي والمحانـي يردعنـه
قلت وين تروح خلك في ضلوعك مرجهنـا=قال مدري مير كن الحب تـل العـرق كنـه
قلت مخطي قال ليه ليـا ذكرنـاه اشتحنـا=وانتبهت وطاح فكري للطـواري واخلفنـه
رحت ابسأل بنت حواء ليت حنـا ماسألنـا=كان والله مستريح ومخلـفٍ قلبـي وظنـه
قلت هز العود صفق النود قال النـود حنـا=ماذكـر بـه عـود الا والهبايـب يطرقنـه
قلت في دارك غريب وقال حول فـي وطنـا=لك محلٍ فيه قصور لـه سيـوف يحتمنـه
قلت اهلنا قال والله مانعيـب سلـوم اهلنـا=والعفيف من الهوا مابـه علـوم يحرمنـه
وابتدينـا قصـة السبـع العجـاف ومللنـا=كل عام يمر يعطينـا مـن اللوعـات فنـه
وافترقنا ما لقينـا مـن يـرد العلـم عنـا=غيـر حـبٍ للهبايـب والـذواري يلعبنـه

الشاعـر / خالـد الخرفاني الدوسري..

بكيفي جبلي

الموضوع الأصلي: راح مثل الذيب واهبلته حياة الذيـب ظنـا || الكاتب: мя.ĵβĻiŷ || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

الله على هذه القصيده
صح لسان شاعرها وسلمت يمينك على هالنقل.
قصيدة فيها توجد مؤثر.

بعيد الهقاوي حياك الله


شاعر وتعرف ابداع الشعر,,

فعلاً قصيده توجد موثره وقد تكون من أجمل ما سمعت وقراءت

وهي موثره اكثر بصوت المنشد((حقيقه لايحضرني اسمه )) في شريط قنص أو مقناص << الذاكره ضعيفه .


لاخليت منك ولا من تواصلك ,,

صح لسان قايلها وما قصرت أخوي بكيفي جبلي دائما مواضيعك مميزة

سطام بن حمد


حياك الله .. الميزة هي مرورك الكريم


ولاخليت منك ولا من تواصلك,,

الله الله
بكيفي اختياار مميز
وجزل ومؤثر
صح لساان شاااعرهاااا
واحسااسك اخووي

دمت بهالابدااع

جمرة مطير


اختي الكريمه , أسعدني مرورك


ودمتي متواصله ... تواصلا اخويا


تمنياتي لكي بتوفيق من الله.,

بكيفي جبلي



سلمت يداك على نقل هذا الابداع وهذة القصيدة الجميلة

المعبرة وصح السان الشاعر والناقل ....... لا عدمنا طلتك



تقديري وتحياتي

اخوكــــــــــــــــ

سلطان الجبلي

سلطان الجبلي


لاهنت على مرورك .... الراقي كرقي قلمك واحساسك


لاخلا ولاعدم

بكيفي جبلي لاهنت على هذا النقل اختيار موفق

قلت اهلنا قال والله مانعيـب سلـوم اهلنـا
والعفيف من الهوا مابـه علـوم يحرمنـه
وابتدينـا قصـة السبـع العجـاف ومللنـا
كل عام يمر يعطينـا مـن اللوعـات فنـه
وافترقنا ما لقينـا مـن يـرد العلـم عنـا
غيـر حـبٍ للهبايـب والـذواري يلعبنـه

سلمت يداك يالغالي


اخوك

راعي سبله