في كفها خاتم للشاعر محمد بن فطيس

في كفها خاتم للشاعر محمد بن فطيس

قصيـــــــدهـ بعنــــواان " في كفهــــــا خـــاتم "

للشــــاعر : محمد حمد بن فطيس المـــرّي

فـي كفهـا خاتـم وفـي خدهـا خـال=وفي عينهـا غيـم وعمـارات وبيـوت
الخال شفته واضـحٍ مـن ورى الشـال=والخاتـم المـاس مـرصـع بيـاقـوت
والعمر في العشرين كنـي مانيـب زال=والجسم كنه مـن جبـل ثلـج منحـوت
جبـل ولكـن لا طرقـه الهـوى مـال=وخطواتهـا ماهـي بالأمتـار بالفـوت
ماهي تشوف الشمس من ظل الاظـلال=ومصيافهـا مـا بيـن لنـدن وبيـروت
الشمس لو تشرق علـى جسمهـا سـال=كنهـا مجـسـم مهلبـيـه وبسـكـوت
ومن صغر مبسمها شقى حالهـا الحـال=ما تاكل الا اللـوز والخـوخ والتـوت
ماهي تشوف النـاس تمشـي وتختـال=ومرٍ على جاكور ومـرٍ علـى حـوت
وخدامتيـن وهـي بـلا زوج وعـيـال=وسمعتهـا تدعـي الدريـول ييـاقـوت
وثـلاث جــوالات مـاهـو جــوال=ومن يوم خلقـت كـل شـيٍ بريمـوت
لكـن قلبـي مالـهـا فـيـه مثـقـال=وش قرب البشت الحساوي من الكـوت
ياجعلهـا للـي خـذت قلبـي نـعـال=اللي غلاهـا عنـدي الشـرب والقـوت
حوريـةٍ مـن فوقهـا الليـل شــلال=كنهـا صبـحٍ فوقهـا الليـل مكـتـوت
قلبي لها مـن كثـرة الشـوق مشخـال=وللسـر عـن كـل المخاليـق تابـوت
تنحت لي من الحب في القلـب تمثـال=وحبي لها ينحت علـى الساحـه بيـوت
فـي عينهـا ماكـل رجـال رجــال=وأقصى حدود الوصل في سلمها الصوت
زودٍ على القلب وعلى الحسـن مـن آل=روسٍ لهم روسٍ على متونهـا بشـووت
الى رضت موتوا يا أهل روس الأموال=وإلى زعلت جربت وش سكرة المـوت
مـن دونهـا رجلـي وراكـب وخيـال=والسيف والأمـواج والبحـر والحـوت

الموضوع الأصلي: في كفها خاتم للشاعر محمد بن فطيس || الكاتب: مشارى المعرقبى || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح لساااان شاعرها.. وتسلم يمين ناقلها..


قصيده رائعه.. للمبدع ابن فطيس المري..


يعطيك العافيه يا مشاري..

صح السان شاعرها

وتسلم ايدك على النقل المميز

فهد السالم يعاافيك والف شكر لك على المرور

الله يسلمك اخوى مشبع الطير وكل الشكر لك على المرور