الشاعر سمران والجن ومحاوره

الشاعر سمران والجن ومحاوره

بسم الله الرحمن الرحيم

السلام عليكم ورحمة الله وبركاته

الشاعر : سمران بن رشيد العير العضيله العبدلي المطيري.


اغرب من الخيال وواقعه اوضح من الشمس لماعرف عن الشاعر الهلالي سمران بن رشيد بن عائض العير العضيلة المطيري حدثني بما نصه (كنت نائم بمنزلي الواقع بوادي العش وصحيت على صوت رجال وعددهم اربعه وقالوا لي انت سمران ابن رشيد معروف لدينا ومعروف عنك حبك للشعر وبالاخص الحدايه( الزوماله) وحديت على عتيـبة وعلى سليم وعلى حرب وحنا جيرانك من الجن ولاتخاف وكنا في نفار وهو ضلع معروف ان الجن يسكنونه ومشهور بمقوله اهل نفار ياسريعين المفار ونسكن حالياً في الرغاله وهي وادي بجوار السعدان وعندنا زواج جماعي بعد يوم وقال لهم حياكم الله في حرة بني عبدالله وفي اليوم الثاني رغبت بمن يرافقني من ربعي ولاكن خفت عليهم او لايصدقونني وذهبت لوحدي وعند مغادرتي لمنزلي ببضعة امتار واذا هم معي واخذوني وفي لحظة وانا في زواج لم اشهدة في حياتي وقال احد الذين كانوا معي يا مقباس بن صعفق جبنا الهلالي مدري هو شيخهم او شاعرهم ورحب بي وقلت معي حدايه لكم فقال هؤلا سوف يساعدونك فقلت:
يقول سمران العضاله==== ســـــلام يانزل الرغاله
ياللي نزلتوا حيد حاله==== انتم عسى فيكم عريف

حنا ليا جانا شـــــعار==== في ليل ولا في نهار
نقلط على العلم القرار ==== وسلاحنا الحد الرهيف
فردو علي بقولهم:

يامرحبا ما فيك عاله==== حنا رياجيل الجماله
ونحط فوق المد كاله ==== اقلط وقــدامك وقيف

حنا منول فـي نفار ==== يوم الملح في الضلع ثار
امطير خــــلونا فرار ==== نتبـع عتيبة والشـــــريف
وكانوا يقصدون بذلك كون هدان وبعد ان تعشيت لديهم ارجعوني الي منزلى وفي اليوم التالي اخبرت بما حدث وبعد مرور فتره من الزمن قابلت رجالاً قال لي حي الله امير الجن فقلت له
ان كنت امير الجن هذي منوتي == ماينفع اللي ماهو مجــــنون
ولالا المجنن مــــــاحتمانا دارنا == ولاحط في كبد العدو اطعون
وحنا العيورة مــــــانخلي العيره == وجـــــوبنا من جـــــدنا موزون
تنشد العتبان وسليم عـــــــــنا == وعلم زملاك ان كان مـــايدرون

منقول

الموضوع الأصلي: الشاعر سمران والجن ومحاوره || الكاتب: فهد الطوير || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

قصة جميلة يا فهد عافاك الله

و غريبة لاشك لكن الجن عالم ثاني

و لا يستغرب منهم شئ

وقصص الجن و الشعر و الشعراء كثيره

بس يا اخو حصه هذي سالفه يعني اعجب من الخيال

يعني لو اي واحد من الشعار ينحط بهالموقف ما ظنتي يحضر

ولو حضر يعني ما يقول السالفه لانه مافي احد يصدقه بس

قدرت الله فوووق كل شي ولا شك بان الجن له علاقات بالانس

ايتزوجنا وانتزوج منهم وهذا يخلف الشرع الدين بس يحصل من

ورا هالزوج انجاب عيال اقرربها سالفه بني مره جدتهم مريه

يا سبحاانه الله

بني مره جدتهم مريه



قصدك جدتهم جنية يا أخي ما أدري عن هالسالفة

شخصيا قريتها في كتاب ديكسون

و ما أدري عن صحتها و أن كنا نسمع بها من كبار السن

و كان لي زميل عمل مري من أهل فضيلة بالاحساء

و كنت سألته عن هالسالفة ويضحك و لم ينفي أو يثبت

هالقصة اللي الله و أعلم إنها غير واقعية

اشكرك على التصحيح يا اخو حصه

مير السالفه صحيح لانهم يتبعون الجره

وهذي المساله ما يختلف علاها اثنين

فهد بيض الله وجهك على النقل هذا



انا اشك فيك يابو سعود انك تخاشر الجنون ولا سالفت الي خابره فوق عندكم ................................... اكمل الفراغ وانا جايتني اشكه فيك انك ناوي تاخذ جنيه الله يستر منك انت تقبل مرور اخوك /محمد الحصيني

فهد بيض الله وجهك على النقل هذا



انا اشك فيك يابو سعود انك تخاشر الجنون ولا سالفت الي خابره فوق عندكم ................................... اكمل الفراغ وانا جايتني اشكه فيك انك ناوي تاخذ جنيه الله يستر منك انت تقبل مرور اخوك /محمد الحصيني

*******************************

ههههههههه الله يهديك يا الحصيني لا اعوذ بالله مير انا احسب اتاابع هالعلوم

والي يدلك على هذا ...

ما خليت بيت ولا مبنى ولا مزرعه مهجوره الا جيته هههههههه نوع من تحدي

بيني وبين نفسي ام سالفه القصيد لا والله لا جني ولا شي اعوذ بالله